Bee na be sogoedi Bab Dummad gala arbabimo-ye

1. Bab Dummad e ai gala gue gala, abelege nuekua wisgued Biblia gine ibmar napiraguad soglenaid (1 Timoteo 2:3, 4), be ibmar durdaksad mer bengued (Hebreos 11:6), ulub gine bukib binsaed, Bab igar gine yolesadba (Hechos 17:30, 31) geb iduar gudigusad e daed oguaed. (Hechos 3:19.) Geb sorbali, Bab Dummad sabed bali ega san-uked. We soglege, warguen gine Bab sega goled gine ega be sogoe be na san ega ukna-ye, e ibmar abeged imake gala. (Mateo 16:24; 22:37.)

2. Bab Dummad e kaya narmakar maid durdaknaid gine ega san-uked sega be oarmasale, be bautisar sabaloe. (Mateo 28:19, 20.) Bautismo gine belaguable dulemar asabinni be na oyonai, Eoba gala be na san uksa-ye. A gala unnila bautisar imaklege dulemar birga yagbaa nikmaladi, nabir warguen gine binsamaladi ibi gala Bab gala arbabie. Dule warguen bautisar imaknaile, belaguable e san doged abelege dii yagine ukiakuagua.* (Marcos 1:9, 10; Hechos 8:36.)

3. Be Bab gala na san uksale, Eoba abdakoe be gudisaedi sogsad bali. (Salmo 50:14; Eclesiastés 5:4, 5.) Nia dina alamakoe be Eoba gala arbaed indakega. (1 Pedro 5:8.) Ukine be Bab gine walika gue, ese goled gine. (Filipenses 4:6, 7.) Bane-bane e kaya narmakar maid be durdake. (Salmo 1:1-3.) Sordamar danakua bukmalad gine be walika gudi sae. (Hebreos 13:17.) Belaguable we ibmar be imakele, gangued be amisale Bab igar gine mer bangue gala. Be nabir imakdii gusale Bab Dummad ibmar abegedi na sadegu, bergued sate.

Napi be wisgubie? Biblia be durdakbie be neg gine, binsagi? Garda narmake Eobagi-sunmakmalad sega, e neg bur gine itaka siid sega. Negmar bukwad gi

* Bautisar imaked iduale durdaked abelege libro Ibmar-wisgued sadegu gudigued sega dule seed, garda wegiid moga, Watch Tower Bible and Tract onosadi.

Copyright © 2008 Watch Tower Bible and Tract Society of Pennsylvania. All rights reserved.