Igi Eobagi-sunmakmalad arbabukua

1. Eobagi-sunmakmalad emiskuamaladi noali 1870 siki. Gepeunni bilemalana Biblia Durdakmalad, geb 1931 gine Biblia soged bali nukunonimala Eoba-gi-sunmakmalad-ye. (Isaías 43:10.) Gepe noali dakale nasgumai gude, emiskua gine miyon bali e sordamar Bab igar gine sunmakdidii, negguebur dulateled-ilabo-gaka-durguen-gaka-ambe guena mergued gine.

2. Eobagi-sunmakmaladi ilabaa itoged irguen gine ambikumala. Be nabir namoga wemar igar itoged neg sega. (Hebreos 10:24, 25.) Biblia gine ibmar soglenaidi odurdaklege we igar itoged neg gine. Nodsokalile Bab sega gorleguele, geb bergusale amba bali, geb abar igar itoged neg gine namakle bali “namaked Bab igar sikid” gine. (Efesios 5:18, 19.) Doglegedi binsagi, mani gin suli. (Mateo 10:8.)

3. Bur sogbigba danar-danar bukmaladi ambikumala e Reinogi sunmaked Neg gine. Reinogi sumaked Nega dog neg dummagan suli, na e sordamar burakuagua sobsadamala, e arbamaladi bennukle suli. E neg yabali be dako suli akuasobarmaladi geb nakrus gi maladi. Mani oelemaidi, e sordamar na ega ukbied bali ukbukua. Dule mani ukbiele, ulugua a gala siid yagine eguanoe. (2 Corintios 9:7.)

4. Danar-danar bukmalad gine sapin dummagana, emar idudii emar odurdaked gine. (1 Timoteo 3:1-7; 5:17.) Wemar e bendakmaladi gudimarmoga. (1 Timoteo 3:8-10, 12, 13.) We dulemala e sordamar gine na dummar bali sao suli. (2 Corintios 1:24.) Nug sogguen emar bali bur dummadi ega ukle suli. (Mateo 23:8-10.) Mor sogguen akar daklegedi ebusurmala. E arbaedi mani gin suli. Sapin dummagana, arbabied bali Bab igar gine e sordamar idudii. Guenad warguen gegumaile idudimaladi ese ataknaoe, basursaar itoge imake gala, geb neg undarad gine, emar gala igar nudakoe. (Santiago 5:14-16; 1 Pedro 5:2, 3.)

5. Eobagi-sunmakmaladi birga irbali onmaked dummad imakmar bali. We onmaked dummad gine danar-danar guenadgan bukmaladi na ese atunoni damala, Biblia gine igar mamaid durdake gala. Onmaked gualile sordamar binigana bautisar imaklege. (Mateo 3:13-17; 28:19, 20.)

6. Eobagi-sunmakmalad belaguable neg dirbimakar bukuad e nega bur e nonoga gusiidi, New York gine sii. A gine Eobagi-sunmakmaladi e Idugedi sii, sapin dummagan undar gusa Bab igar gine gudimaladi. Ukinbali neg dirbimakale dulataled-ilaguen guena mergu e negmar dummagan buk bali. A gine guenadgan e arbaedi bennukle suli, garda imaked gine arbamala geb barmied gine. Amba a gine igar uklesi bali Bab igar gine sunmaked siki. ¿Wis be, iba sogguen obanele we neg dummad sogguen, be gine bur itaka siid daknae gala?

Copyright © 2008 Watch Tower Bible and Tract Society of Pennsylvania. All rights reserved.