Binsaleged geb dule e daed Bab Dummad nued daksulid

Bab Dummad warbaaguad suli

1. Belaguable ibmar binsalegedi geb dule e daed isgana bii suli. Aukine babga-arbaed napiraguad sulid gine danikir dina o Biblia sogedbar sulile, adi Bab Dummad abesuli. (Mateo 15:6.)

2. Warbaaguad: ¿Eoba dule warbaaguadi, wegi sunndo, Bab Dummad warguen gue, ukine dule walabaa gu bali? Suli. Bab Eoba gue “unnila Bab Dummad napiraguad warguennaguad”.(Juan 17:3; Marcos 12:29.) Esus, e Machi gepeguadi, Bab Dummad bali bur bipigua. (1 Corintios 11:3.) Baba, e Machi bali bur dumma. (Juan 14:28.) Burba suilidikid dule suli, Bab Dummad gangued nikad, obare. (Génesis 1:2; Hechos 2:18.)

Krismas iba geb Pascua Florida daniki babga-arbamalad napirasurmalad epennemalad gine

Burguarmalad dobguedi geb ese goledi igar sate

3. Krismas iba geb Pascua Florida: Esus gualules suli disiembre 25 gine, gualulesa oktubre 1 siki, we ibagan gine sibad akuemaladi mutikidba sapur bali sibadmar sedi damala. (Lucas 2:8-12.) Bipi saale Esus sogsa suli e sordamar gala e gualulesad iba onomalo-ye. Unnila sogsa gusa e burguisad iba ebinsamalo-ye (Lucas 22:19, 20.) Krismas iba gine ibmar imaklegedi daniki babga-arbamalad napirasurmalad epennemalad gine. De yopira gumoga Pascua Florida iba gine ibmar ebulegedi, ganir akua geb nubigua. Kristo-sordamar gala gepe gusmaladi Krismas iba geb Pascua Florida onossurmala, amba kristo-sordamar napiramalad emi iba gin maladi we ibamar onosurmarmoga.

4. Gualuleged iba onoged: Unnila sogbo gualuleged iba onoged Biblia gine soglenaidi, dulemar Eoba bali nasurmalad gadi. (Génesis 40:20-22; Marcos 6:21, 22, 24-27.) Kristo-sordamar gala gepe gusmaladi gualuleged iba onossurmala. We iba onogedi babga-arbamalad napirasurmalad epennemalad gine daniki. Kristo-sordamar napiramaladi iba yog saale burakua wergusii sun gumala, geb na ega muchub-muchub sun ibmar ukmala.

5. Burguarmalad dobgued: Burguamaladi geg bar ibmar oakalomala, bar ibmar itosurmar bali. Anmar bar geg we dulemala bendake, emarmoga geg anmar oakalomoga. (Salmo 146:4; Eclesiastés 9:5, 10.) Dule burguisale, sorbali e ibmar sogguen saale dula gudiguo suli. (Ezequiel 18:4.) Aukine imbakuagua anger isganamala, nugmaladi demonios, yamo burguarmalad yobi na imakdamala. Belaguable dule e daed geb e ibmar imaked burguarmalad dobed bali o ese bendaked egisedi nued suli. (Isaías 8:19.)

6. Nakrus: Esus nakrus gine burguis suli, suar warguennaguad gine burguisa. Biblia gine “Nakrus” soglenaidi griego kaya gine daniki, urgo mataguenad obare. Nakrus ebugedi daniki babga-arbamalad napirasurmalad epennemalad gine. Kristo-sordamar epennemalad, nakrus ebussurmala. Degi sogua, ¿nued be ebinsae nakrus anmar ebugedi Bab sega goled gine? (Deuteronomio 7:26; 1 Corintios 10:14.)

7. Sun undar itollegele indakedi we ibmarmala ge wegi binsaed. Sunna be guenadgana, be aimala bega sokalile mer we ibmarmala indako-ye. Aukine Bab Dummad bali ibmar saedi bur nuedi, bamalad bali daedba. (Proverbios 29:25; Mateo 10:36, 37.)

Copyright © 2008 Watch Tower Bible and Tract Society of Pennsylvania. All rights reserved.