Igi Bab Dummad walika gusale ese goled gine

1. Bab sega goled soglege Bab bogua sunmakedi, na dummarba saed gin suli. Bali-bali Bab Dummad sega goloe. Anmar deyop imakele, egi walikagua anmar itogoe, ai nued bogua yobi. Eoba dule dummad geb gangued ibed gue iniguale, anmar ese gorsiile, anmar itoge. ¿Be bali-bali Bab Dummad sega gormoga? (Salmo 65:2; 1 Tesalonicenses 5:17.)

2. Bab sega goledi amba Bab gala arbaedmoga. A gala, anmar unnila goledi Bab Dummad Eoba sega. Esus napaneg gine gudigusgua bali-bali e Bab sega gordae, dule baidse suli. Anmar deyop imakmogadi. (Mateo 4:10; 6:9.) Aukine anmar gordaoe Esus nug gine. Wegii anmar oyogoe Esus e gansu siid anmar mag-dake geb anmar bensulid nika e san uksad gine, anmar ulale ibmar bennukega. (Juan 14:6; 1 Juan 2:1, 2.)

3. Anmar Bab Dummad sega gollalile, anmar ega sunmakoe guage gine. Anmar mer absoar saoe garda bali o nono gine ganikidbar dibe. (Mateo 6:7, 8.) Anmar sunna Bab sega gole; guichi, sii, mai, yogsaar bia anmar gudiid gin dibe. Bab Dummad amba ito bali anmar guage gine binsasii ese golele. (1 Samuel 1:12, 13.) Nuedile anmar na warguen gine Bab sega gorbiele neg booguad amigedi, dule bamalad gine bachikigua. (Marcos 1:35.)

4. ¿Ibu ibmar nuggi be nabir Bab sega gochale? Ibmar yogasaar ebo ai nued anmar imaked nuggi. (Filipenses 4:6, 7.) Esus na e sordamar ordurdaksagua Bab sega goled gine, oyosa Bab Dummad nug bali anmar golo-ye geb e ibmar abeged mer iebalo-ye. Nabir anmar ese egis bali ibmar anmar abeged, isgued anmar gala ie-ye, geb anmar bendak-ye ibmar isgana abinni ganna guisgue gala. (Mateo 6:9-13.) Bab sega gollalile mer anmar gin bii anmar na binsaoe. Unnila anmar egisoe ibmar Bab-Dummad nued daked bii. (1 Juan 5:14.)

5. Be guage gine be itoar dibe Bab sega gorbie, ega nued-ye sogbie, e nug odummobie, yog ese gollar binne saoe. (1 Crónicas 29:10-13.) Mer iegoe Bab sega goledi, be gine iba bulegana yolenaile o be wilubdaklenaile. (Salmo 55:22; 120:1.) Amba nued bali Bab sega goledi mas gunned iduale. (Mateo 14:19.) Eoba soge “ibu ibmar imakna sogele” anmar nabir ese gor-ye. (Efesios 6:18.)

6. Anmar, dummad isgunoni dibe, goled abelegoe Bab sega, egise gala wile anmar dak-ye geb isgued anmar gala ie-ye. Bab-Dummad mai gua “guakuagua isgued iege gala”, anmar ega sogele anmar isguedi, geb bar isgued gine anmar nanasur dibe. (Salmo 86:5; Proverbios 28:13.)

7. Eoba unnila dule nuegan ese goled bii itogoe. Bab Dummad be itoge gala, be alamaker gebe nabir e igar bali nuekua nanae gala. (Proverbios 15:29; 28:9.) Bab sega gollalile, mer na dummarba saoe. (Lucas 18:9-14.) Bab sega ibmar egismaid bali be dabaloe. Wegii be oyogoe egi bensulid nika, geb ese dodoakua be gorna suli. Unnila wegiir bii be ibmar egichad, Eoba bega abinsaoe. (Hebreos 11:6.)

Copyright © 2008 Watch Tower Bible and Tract Society of Pennsylvania. All rights reserved.