¿Igi napaneg imaked gine Bab Dummad binsae?

1. Eoba we napaneg obinnisa bela dulemar yeer-itodii gumala gala na sadegu. Abesana na sadegu yeer-itodii egi ambakuedi dule nuegana. (Salmo 115:16, Isaías 45:18.) Napaneg obelolego suli; na sadegu nai guoe. (Salmo 104:5; Eclesiastés 1:4.)

2. Dule obinyed iduale, Bab Dummad napa sogguen neg-yeer-dakle imaksa, geb onugsasa “Eden dutu nega”. A gine oguisgunoniki machered gepeguad geb ome gepeguad: Adan geb Eba. Bab Dummad abesa we dulemala mimmigan nikuedi geb bela napaneg gine dule ambakuedi. Binna-binna napaneg belaguable neg-yeer-dakleged gala imakmaloena. (Génesis 1:28; 2:8, 15.)

Neg-yeer-dakleged yokusad

3. Adan, Eba bogua Bab igar gine yolesmala, ar nue Bab igar wismala iniguale eba ibsas-surmala. A ulale, Eoba we dulemala Eden gine onosa, geb neg-yeer-dakleged yokunoniki. (Génesis 3:1-6, 23.) Aukine Eoba amba ebinsae, ibiga napaneg imaksa gusa. Soge, imako-ye neg-yeer-dakleged gala, na sadegu dulemar egi ambakue gala. ¿Igi nabir imakoe? (Salmo 37:29.)

4. We nanapeg neg-yeer-dakleged gala gued iduale, dule isganamar osulolegueloe. (Salmo 37:38.) We ibmar gunonikoe Armagedon gine, Bab Dummad bila onogoed iba, neg isgus naid obeloega. Sorbali, Nia gugmaklegoe birga miliguena, dule isganamala warguen saale bar gudiguo suli neg oisgue gala. Unnilagua Bab Dummad e negguebur bii sabgulegoe. (Revelación 16:14, 16; 20:1-3.)

5. Degine Esukristo napaneg e rey gala gunonikoe birga miliguena (Revelación 20:6.) Geb binna-binna obelomai saoe, isgued anmar binsaed gine naidi geb anmar san gine. Anmar gunonikoe dulemar suilidikmalad gala, igi Adan Eba bogua gusmarmoga isgued iduale. Degine bar bonigana nikuosur bali, seredgued geb burgued amba bergumogoe. Boniguarmaladi nugumaloe geb sergan, gannar nuchukua gumaloe. (Job 33:25; Isaías 33:24; Revelación 21:3, 4.)

6. Esus birga miliguena rey gala megoed gine, dulemar nue Bab bali nanaidi arbamaloe bela napaneg yeer-dakle imaked gine. (Lucas 23:43.) Degine, miyon bali burguarmalad gannar durgumaloe geb gannar gudigumaloe napaneg gine. (Hechos 24:15.) Bab Dummad soged bali damalale, gudigumaloe na sadegu napaneg gine. Sulir dina, na sadegu obelolemaloe. (Juan 5:28, 29; Revelación 20:11-15.)

7. Wegi Bab Dummad un imakoe napaneg igi gepe gued abesana. ¿Be dakbimoga we ibmar nuegana danikidi? Degiir dina, be durdaknai saer gebe Eoba siki, geb e igarmar bali dabalir gebe. Ibmar sogguen be bendakoedi we igar gine, be nanaedi Reinogi sunmaked Neg, Eobagi-sunmakmalad gad siid sega, be gudiid gine. (Isaías 11:9; Hebreos 10:24-25.)

Armagedon sorbali, napaneg gunonikoe neg-yeer-dakleged gala

Copyright © 2008 Watch Tower Bible and Tract Society of Pennsylvania. All rights reserved.