Ita-nia desizaun atu serbí Maromak

1. Atu sai Maromak nia belun, Ita tenke hatene di’ak kona-ba lia-loos husi Bíblia (1 Timoteo 2:3, 4), tau fiar iha buat ne’ebé Ita aprende tiha ona (Ebreu [Ibrani] 11:6), arrepende, ou hakribi Ita-nia sala (Apostolu [Kisah] 17:30, 31), no troka Ita-nia moris atu fila ba dalan ne’ebé loos. (Apostolu [Kisah] 3:19) Depois, Ita-nia domin ba Maromak sei dada Ita atu dedika Ita-nia an ba nia. Ita halo ida-ne’e iha orasaun espesiál ida, ne’ebé Ita halo rasik, hodi entrega Ita-nia an ba Nia atu halo Ninia hakarak. — Mateus 16:24; 22:37.

2. Depois halo tiha Ita-nia dedikasaun ba Maromak, Ita tenke hetan batizmu. (Mateus 28:19, 20) Batizmu hatudu ba ema hotu katak Ita dedika tiha ona Ita-nia an ba Jeová. Tan ne’e, labarik ki’ik ne’ebé seidauk bele halo desizaun atu serbí Maromak la bele hetan batizmu. Bainhira ema ida hetan batizmu, ninia isin-lolon tomak tenke tama iha bee laran.* — Marcos 1:9, 10; Apostolu [Kisah] 8:36.

3. Depois Ita halo dedikasaun, Jeová sei hakarak Ita atu moris tuir buat ne’ebé Ita promete ba nia. (Salmo [Mazmur] 50:14; Eclesiastes [Pengkotbah] 5:4, 5) Diabu sei koko atu hapara Ita serbí Jeová. (1 Pedro 5:8) Entaun, hakbesik ba Maromak iha orasaun. (Filipe 4:6, 7) Estuda ninia Liafuan loroloron. (Salmo [Mazmur] 1:1-3) Hela hamutuk nafatin ho kongregasaun. (Ebreu [Ibrani] 13:17) Hodi halo buat hirak-ne’e hotu, Ita sei hetan forsa atu fó-laran nafatin ba Maromak. Hanesan ne’e, Ita sei bele halo ba nafatin buat ne’ebé Maromak hakarak!

Ita hakarak informasaun liután? Hakerek ba: Testemuña ba Jeová, iha diresaun ruma iha kraik. Diresaun