Oinsá maka Testemuña ba Jeová organiza an? - Testemuña ba Jeová nia sítiu ofisiál.

Testemuña ba Jeová nia sítiu ofisiál.

Beliefs

Future

Saida maka Maromak Hakarak ita atu Halo?

Lisaun 14

Oinsá maka Testemuña ba Jeová organiza an?
	Horibainhira maka Testemuña ba Jeová komesa sira-nia serbisu iha tempu modernu? (1)
	Oinsá maka Testemuña ba Jeová hala’o reuniaun sira? (2)
	Oinsá maka sira selu buat ne’ebé sira gasta? (3)
	Sé maka tau matan iha kongregasaun ida-idak? (4)
	Reuniaun boot liu saida maka sira hala’o tinan-tinan? (5)
	Serbisu saida maka sira halo iha sira-nia sede-jerál no sukursál sira? (6)

1. Testemuña ba Jeová komesa sira-nia serbisu iha tempu modernu besik tinan 1870. Uluk, sira iha naran Estudante Bíblia nian. Maibé iha tinan 1931, sira hili naran Testemuña ba Jeová husi Bíblia. (Isaías 43:10) Maski komesa ho ema uitoan de’it, organizasaun ne’e aumenta to’o sai Testemuña rihun ba rihun. Sira badinas hodi haklaken iha rai 230 liu.

2. Kongregasaun barak husi Testemuña ba Jeová iha reuniaun dala tolu kada semana. Ami konvida Ita atu tuir reuniaun sira-ne’e. (Ebreu [Ibrani] 10:24, 25) Sira hanorin husi Bíblia de’it. Reuniaun sira loke no taka ho orasaun. Iha reuniaun balu ne’e, sira mós kanta ho laran “knananuk” espirituál. (Efeso 5:18, 19) Ita la selu atu tuir reuniaun sira-ne’e, no ema la husu ezmola. — Mateus 10:8.

3. Kongregasaun barak hala’o reuniaun iha Salaun Reinu husi Testemuña ba Jeová. Baibain, reuniaun-fatin sira-ne’e mak uma simples, ne’ebé Testemuña voluntáriu sira maka halo. Iha reuniaun-fatin laran la iha imajen sira, krusifiksu ruma, no buat seluk hanesan ne’e. Sira selu buat ne’ebé sira gasta ho osan ne’ebé ema fó ho laran. Ba ema ne’ebé hakarak fó osan ruma, bele tau iha kaixa kontribuisaun ida iha reuniaun-fatin. — 2 Korinto 9:7.

4. Iha kongregasaun ida-idak nia laran, iha katuas sira ou superintendente. Sira mak iha responsabilidade atu hanorin iha kongregasaun. (1 Timoteo 3:1-7; 5:17) Atan ministeriál mak ajuda katuas sira-ne’e. (1 Timoteo 3:8-10, 12, 13) Ema-mane sira-ne’e la’ós boot liu ema seluk iha kongregasaun nia laran. (2 Korinto 1:24) Sira la hetan títulu espesiál ruma. (Mateus 23:8-10) Sira la hatais oin-seluk husi ema seluk. Sira mós la simu osan ba sira-nia serbisu ne’e. Katuas sira prontu ho laran atu tau matan ba kongregasaun hodi fó buat espirituál ne’ebé ema presiza. Sira bele ajuda ho domin no fó konsellu iha tempu susar nia laran. — Tiago [Yakobus] 5:14- 16; 1 Pedro 5:2, 3.

5. Testemuña ba Jeová mós hala’o asembleia boot tinan-tinan. Iha reuniaun boot sira-ne’e, kongregasaun barak halibur hamutuk atu rona pograma espesiál ida hodi simu hanorin husi Bíblia. Iha asembleia hotu, dixípulu foun sira bele hetan batizmu. — Mateus 3:13-17; 28:19, 20.

6. Testemuña ba Jeová nia sede-jerál ba mundu tomak mak iha Novaiorke. Iha-ne’ebá maka Grupu Administradór nia fatin. Ne’e maka grupu sentrál ida ho katuas sira ne’ebé tau matan ba kongregasaun iha mundu tomak. Iha mós sukursál 100 liu iha mundu tomak. Iha fatin sira-ne’e, iha ema voluntáriu ne’ebé ajuda atu halo livru barak kona-ba Bíblia no haruka ba kongregasaun sira. Sukursál sira-ne’e mak organiza serbisu haklaken nian. Benvindu ba ema hotu atu vizita sukursál sira-ne’e.

Halo iha 2005
Copyright © 2008 Watch Tower Bible and Tract Society of Pennsylvania. All rights reserved.