Fiar no kostume sira ne’ebé la halo kontente Maromak - Testemuña ba Jeová nia sítiu ofisiál.

Testemuña ba Jeová nia sítiu ofisiál.

Beliefs

Future

Saida maka Maromak Hakarak ita atu Halo?

Lisaun 11

Fiar no kostume sira ne’ebé la halo kontente Maromak
	Fiar no kostume oin saida maka sala? (1)
	Kristaun sira bele fiar katak Maromak maka Trindade ida ka lae? (2)
	Tansá maka kristaun loos sira la selebra Natál, Páskua, ka loron-moris? (3, 4)
	Ema mate bele halo aat ba ema moris ka lae? (5)
	Jesus mate iha krús ka lae? (6)
	Tansá mak importante atu halo kontente Maromak? (7)

Maromak la’ós Trindade ida

1. Fiar no kostume, ou lisan hotu la aat. Maibé Maromak la simu bainhira buat sira-ne’e mai husi relijiaun falsu ou kontra Bíblia nia hanorin. — Mateus 15:6.

2. Trindade: Jeová Maromak ida iha na’in-tolu ne’ebé ketaketak ka lae? Lae! Aman Jeová maka “Maromak los mesak deit”. (Joao 17:3; Marcos 12:29) Jesus maka Ninia Oan-primeiru. Maromak mak ukun Jesus. (1 Korinto 11:3) Aman maka boot liu Oan. (Joao 14:28) Espíritu santu la’ós Maromak; maibé ida-ne’e maka Maromak nia forsa. — Gênesis [Kejadian] 1:2; Apostolu [Kisah] 2:18.

Natál no Páskua mai husi relijiaun antigu ne’ebé falsu

La iha razaun ida atu adora ema mate ou atu ta’uk sira

3. Natál no Páskua: Jesus la moris iha loron 25 Dezembru. Nia moris maizumenus loron 1 Outubru. Tempu ne’e, iha kalan bibi-atan sira sei bele hein bibi iha li’ur. (Lucas 2:8-12) Jesus nunka haruka kristaun sira atu selebra ninia loron-moris. Maibé, nia hateten ba ninia dixípulu sira atu komemora, ou hanoin fali ninia mate. (Lucas 22:19, 20) Natál no nia kostume sira mai husi relijiaun antigu sira ne’ebé falsu. Nune’e mós ho kostume Páskua, hanesan la han na’an iha loron balu, ou uza manu-tolun no koellu sira. Kristaun sira iha tempu uluk la selebra Natál no Páskua, no kristaun loos ohin loron mós la selebra.

4. Halo-tinan: Bíblia temi dala rua de’it kona-ba selebrasaun halo-tinan. Maibé husi ema ne’ebé la adora Jeová. (Gênesis [Kejadian] 40:20-22; Marcos 6:21, 22, 24-27) Kristaun sira iha tempu uluk la selebra loron-moris. Kostume atu selebra loron-moris mai husi relijiaun antigu sira ne’ebé falsu. Kristaun loos sira fó prezente ba malu no halimar hamutuk iha tempu seluk iha tinan nian laran.

5. Ta’uk ba ema mate: Ema mate la bele halo buat ida no la sente buat ida. Ita la bele ajuda sira, no sira la bele halo aat mai ita. (Salmo [Mazmur] 146:4; Eclesiastes [Pengkotbah] 9:5, 10) Klamar mate; la moris nafatin. (Ezequiel 18:4) Maibé dala ruma anju aat sira, naran demóniu, finje katak sira mak ema mate sira-nia espíritu. Kostume ruma hanesan ema ta’uk ou adora ba ema mate maka kostume ne’ebé sala. — Isaías 8:19.

6. Krús: Jesus la mate iha krús ida. Nia mate iha ai-riin ida ou ai-hun ida. Liafuan gregu ne’ebé Bíblia barak tradús nu’udar “krús” signifika ai pedasuk ida de’it. Símbolu ba krús mai husi relijiaun antigu ne’ebé falsu. Kristaun sira iha tempu uluk la uza no la adora krús. Tan ne’e, Ita hanoin katak loos atu uza krús ida iha adorasaun ka lae? — Deuteronômio [Ulangan] 7:26; 1 Korinto 10:14.

7. Karik susar tebes atu husik fiar no kostume sira-ne’e. Parente no maluk sira karik sei haka’as Ita atu labele troka Ita-nia fiar. Maibé, halo kontente Maromak mak importante liu duké halo kontente ema. — Provérbios [Amsal] 29:25; Mateus 10:36, 37.

Halo iha 2005
Copyright © 2008 Watch Tower Bible and Tract Society of Pennsylvania. All rights reserved.