Moris família nian ne’ebé halo kontente Maromak - Testemuña ba Jeová nia sítiu ofisiál.

Testemuña ba Jeová nia sítiu ofisiál.

Beliefs

Future

Saida maka Maromak Hakarak ita atu Halo?

Lisaun 8

Moris família nian ne’ebé halo kontente Maromak
	Saida maka la’en nia pozisaun iha família laran? (1)
	Oinsá maka la’en tenke trata nia feen? (2)
	Responsabilidade sira saida de’it mak aman ida iha? (3)
	Iha família laran, feen hola parte saida? (4)
	Saida maka Maromak hakarak inan-aman no oan sira atu halo? (5)
	Saida maka Bíblia hateten kona-ba haketak malu no soe malu? (6, 7)

1. Bíblia hateten katak la’en maka família nia ulun. (1 Korinto 11:3) La’en tenke iha feen ida de’it. Sira na’in-rua tenke kaben loloos tuir lei. — 1 Timoteo 3:2; Tito 3:1.

2. La’en tenke hadomi feen hanesan nia an rasik. Nia tenke trata nia feen hanesan Jesus trata ema ne’ebé tuir nia. (Efeso 5:25, 28, 29) La’en nunka baku ou trata aat nia feen. Maibé, la’en tenke hamta’uk no hatudu respeitu ba nia feen. — Koloso 3:19; 1 Pedro 3:7.

Aman ne’ebé hadomi nia família tau matan hodi fó buat materiál no espirituál nian

3. Aman ida tenke halo serbisu maka’as atu tau matan ba nia família. Nia tenke tau matan hodi fó hahán, roupa, no uma ba nia feen no oan sira. Aman ida mós tenke fó buat espirituál nian ba ninia família. (1 Timoteo 5:8) Nia mak iha responsabilidade atu ajuda ninia família atu aprende kona-ba Maromak no buat ne’ebé Maromak hakarak halo. — Deuteronômio [Ulangan] 6:4-9; Efeso 6:4.

4. Feen tenke ajuda di’ak nia la’en. (Gênesis [Kejadian] 2:18) Nia tenke ajuda nia la’en atu hanorin no eduka oan sira. (Provérbios [Amsal] 1:8) Jeová hakarak feen atu tau matan ba nia família ho domin. (Provérbios [Amsal] 31:10, 15, 26, 27; Tito 2:4, 5) Feen tenke hamta’uk no iha respeitu kle’an ba nia la’en. — Efeso 5:22, 23, 33.

5. Maromak hakarak oan sira atu halo tuir sira-nia inan-aman. (Efeso 6:1-3) Nia hakarak inan-aman atu hanorin no korrije sira-nia oan. Inan-aman tenke gasta tempu ho sira-nia oan no estuda Bíblia ho sira hodi fó buat espirituál no emosionál nian. (Deuteronômio [Ulangan] 11:18, 19; Provérbios [Amsal] 22:6, 15) Inan-aman nunka fó dixiplina ba sira-nia oan iha dalan ne’ebé maka’as demais ou fó terus. — Koloso 3:21.

Maromak hakarak inan-aman atu hanorin no korrije sira-nia oan sira

6. Bainhira kaben-na’in sira iha problema atu haree malu di’ak, sira tenke koko atu aplika konsellu husi Bíblia. Bíblia haka’as ita atu hatudu domin no atu perdua malu. (Koloso 3:12-14) Maromak nia Liafuan la haruka kaben-na’in sira atu haketak malu nu’udar dalan ida atu rezolve problema ki’ik sira. Maibé feen bele hili atu husik nia la’en, se nia la’en (1) lakohi ho ulun-fatuk to’os atu tau matan ba nia família, (2) uza violénsia maka’as to’o halo perigu feen-nia saúde no moris, ou (3) kontra hasoru nia feen demais liu, to’o nia feen la bele adora Jeová. — 1 Korinto 7:12, 13.

7. Kaben-nai’n sira tenke fó-laran ba malu. Adultériu, ou sala-fo’er ho ema seluk, maka sala ida kontra Maromak no kontra ninia kaben. (Ebreu [Ibrani] 13:4) Relasaun seksuál ne’ebé la’ós iha kaben laran maka razaun ida de’it husi Bíblia ne’ebé husik kaben-na’in sira atu soe malu hodi bele kaben dala ida tan. (Mateus 19:6-9; Roma 7:2, 3) Jeová odi bainhira ema soe malu la uza razaun husi Bíblia no kaben fali ho ema seluk. — Malaquias 2:14-16.

Halo iha 2005
Copyright © 2008 Watch Tower Bible and Tract Society of Pennsylvania. All rights reserved.