Oinsá mak Ita bele hatene buat ne’ebé Maromak hakarak? - Testemuña ba Jeová nia sítiu ofisiál.

Testemuña ba Jeová nia sítiu ofisiál.

Beliefs

Future

Saida maka Maromak Hakarak ita atu Halo?

Lisaun 1

Oinsá mak Ita bele hatene buat ne’ebé Maromak hakarak?
	Bíblia fó-hatene informasaun importante saida? (1)
	Sé maka haruka ema atu hakerek Bíblia? (2)
	Tansá mak Ita tenke estuda Bíblia? (3)

1. Bíblia maka prezente ida folin-boot husi Maromak. Bíblia hanesan karta husi aman ida, ne’ebé iha domin, ba nia oan-sira. Bíblia fó-hatene mai ita lia-loos kona-ba Maromak. Bíblia esplika Maromak maka sé, no saida maka Ninia lei sira. Bíblia mós esplika oinsá atu bele hasoru problema sira no oinsá atu hetan ksolok ne’ebé loos. Bíblia mesak de’it maka fó-hatene mai ita saida mak ita tenke halo atu halo kontente Maromak. — Salmo [Mazmur] 1:1-3; Isaías 48:17, 18.

2. Komesa iha tinan 1513 antes Jesus mai to’o Rai ema-mane maizumenus na’in-40 maka hakerek Bíblia durante tinan 1.600 nia laran. Bíblia iha livru ki’ik 66 iha laran. Maromak maka leno, ou inspira ema ne’ebé hakerek Bíblia. Sira hakerek Maromak nia hanoin, la’ós sira-nian rasik. Tan ne’e, Bíblia la’ós husi ema ruma iha Rai, maibé Maromak maka haruka sira atu hakerek. — 2 Timoteo 3:16, 17; 2 Pedro 1:20, 21.

3. Bainhira ema halo Bíblia barak, Maromak tau matan para Bíblia sempre sai loos no iha to’o agora. Ema halo Bíblia maka barak liu duké livru sira seluk. La’ós ema hotu sei kontente atu haree Ita estuda Bíblia, maibé labele husik ida-ne’e hapara Ita. Ita-nia futuru rohan-laek depende ba Ita atu koñese Maromak nafatin no halo ninia hakarak maski buat ruma kontra hasoru Ita. — Mateus 5:10-12; Joao 17:3.

Halo iha 2005
Copyright © 2008 Watch Tower Bible and Tract Society of Pennsylvania. All rights reserved.