Dirava Ena Ura Karadia Oi Dibaia Dalana

1. Baibel be Dirava ena harihari gauna namo hereana ta. Ia be tama ta mai ena lalokau ese ena natuna dekenai ia siaia revarevana ta bamona. Ita dekenai Dirava sivaraina momokanina ia herevalaia—ia be daika bona ena taravatu be dahaka. Hekwakwanai haheaukalaia bona moale korikori davaria daladia ia herevalaia. Baibel sibona ese ita ia hamaoroa namona be dahaka ita karaia, Dirava ita hamoalea totona.—Salamo 1:1-3; Isaia 48:17, 18.

2. Lagani 1513 B.C.E. amo, Baibel be lagani 1,600 lalodiai tatau idaudia 40 ese idia torea. Ia be buka maragidia 66 amo idia karaia. Torea taudia be Dirava ese ena lauma amo ia hasiahudia. Iena lalohadai idia torea, sibodia edia lalohadai lasi. Unai dainai, Dirava guba dekenai be Baibel Havaraia Tauna, to tanobada tauna ta lasi.—2 Timoteo 3:16, 17; 2 Petero 1:20, 21.

3. Dirava ese dala ia karaia, Baibel idia torea hanai maoromaoro bona ia boio lasi totona. Baibel momo herea idia printaia vadaeni to ma buka ta be unai bamona lasi. Baibel oi stadilaia dainai taunimanima haida be do idia moale lasi, to namona be unai ese oi ia koua lasi. Mauri hanaihanai oi abia totona, namona be Dirava oi dibaia, bona ena be oi idia koua toho, to ena ura oi karaia noho.—Mataio 5:10-12; Ioane 17:3.

Copyright © 2008 Watch Tower Bible and Tract Society of Pennsylvania. All rights reserved.