 |
Beliefs | Future | Medical | Topics | Contact Us | Publications | Languages |
| Inyoin Bo Ekoto Edeke Kane Kijaai Oni? | Aisisiaet 10  |
Aswamisio Nu Engara Edeke |
|
 |
Biai ibusakinitor ijo awomowom kanu iboro lu ebala Edeke ebe eroko? (1) |
|
Iponiesio anu luaimorikikin lueroko? (2) |
|
Biai ibusakinitor Ekristayot asesen aingala? (3) epiki? (3) akoko? (3) adedeng? (4) ecudet? (5) emeret? (6) |
|
Biai epedoria etunganan adyekun kotoma aswamisio nu eroko? (7) |
1. Ikejanakinak Edeke eminas ajokis. Konye iburai kes aisisiaun agarun nueroko. (Isabulin 97:10) Apolouke ainacit aswamisio nu engara Èdeke. Anu bo ace kotoma aswamisio kangun? 2. Ayelo: Ayeloikin eroko edukokina, adoteu, aikwar etiang, ayelokin kayenijenatar, etepak ikiliok, nuu kere eraasi adiakanareta nuepolok noi kama ejai Edeke. (Ilebin 18:6; Iromayon 1:26, 27; 1 Ikorinton 6:9, 10) Arai mam, kiboyete itunga iarei nepepe komam edukokina, ibusakinit atiakakin, araai kodukokinos kwape ekotor apugan.—Iburanian 13:4.
3. Aingala, Epiki, Akoko: Edeke Yawe mam epedori aingala. (Tito 1:2) Itunga luekotosi kocam ngesi kes ibusakinit ainac aingala. (Awaragasia 6:16-19; Ikolosain 3:9, 10) Edio piki kere eur eranga. Kanukangun mam Ikristayon elomarete opiki odio kere kwapenat, elotari, abolobol aiteker asigirian kede ekarata. (Ipeson 5:3-5) Ido mam Ikristayon ekokoete. Mam egwelete iboro luejenete kes ebe ekokounitai karaida alemar ibore komam ecamakinitai.—Anyoun 20:15; Ipeson 4:28. 4. Anyunyura, Adedeng: Anyunyura namam itikokinitai eyauni adedeng. (Ageun 4:5-8) Etunganan loededeng mam cut eraun opaperoke Edeke. (Isabulin 11:5; Awaragasia 22:24, 25) Mam ejok enyangit karaida atacakin aronis kanuka iboro lueroko luiswamaikinete ice oni.—Awaragasia 24:29; Iromayon 12:17-21. 5. Amurwonut kede Ecudet: Icetunga enyaraunete agogong naka imoyon atamitor aimukia adekasinei. Ice ilogayete lukasurupokec tetere edekakinos ido da aiyara kes. Loejaai kau kaswamisinei kangun kere nges Satani. Aso Ikristayon mam ibusakinit alomar aswamisio nuu. (Ikisila 18:9-13) Ayapu kede Yawe nges aidario nakabeit kotoma alogasinei nueyaunete ice mamawok.—Awaragasia 18:10. 6. Emeret: Mam erono aimat adis kobino, ebiya araai ajon ace kere. (Isabulin 104:15; 1 Timoteo 5:23) Konye aimat noi kede emeret kes eroko kakonye Edeke. (1 Ikorinton 5:11-13; 1 Timoteo 3:8) Aimat noi emunauni angaleukon ido eyauni angolopa okalekon. Ijaikini bobo ijo aibirokin katipet toma acodununeta ace.—Awaragasia 23:20, 21, 29-35. 7. Itunga luiswamayete iboro luebala Edeke ebe eroko “mam irumete ajakanut naka Edeke.” (Igalatian 5:19-21) Arai cut kimina ijo cut Edeke ido kokoto aisialamikin nges, konyou kaswamisio kanu. (1 Yokaana 5:3) Kisisiau alait nuebala Edeke ebe eroko. (Iromayon 12:9) Imorikinos kede itunga luejaasi kiponesio luka ekoto Edeke. (Awaragasia 13:20) Aupunara ka ipapero luapoloros k’Okristayone erauni aingarakinio naejok. (Yakobo 5:14) Kakere, komunokin nejai Edeke kotoma ailipasinei.—Ipilipin 4:6, 7, 13. |
||
Inomunitai 2000 |
 |
Copyright © 2008 Watch Tower Bible and Tract Society of Pennsylvania. All rights reserved. |
|
