 |
Beliefs | Future | Medical | Topics | Contact Us | Publications | Languages |
| Mukuru U Undjira Ko Tjike Kweṱe? | Ehongwa 14  |
Omuano Ovahongonone vaJehova Mbu Ve nOndyero yOmananeno |
|
 |
Ombutiro yOvahongonone vaJehova moruveze ndwi ya zikama ruṋe? (1) |
|
Ozombongarero zOvahongonone vaJehova ze hitisiwa vi? (2) |
|
Oviungurisiwa vi sutwa momuano uṋe? (3) |
|
Ouṋe ngu hongora mombongo aihe? (4) |
|
Ozombongarero zeṋe ozonene nḓe kara po ombura aihe? (5) |
|
Oviungura viṋe mbi tjitwa komberoo ohongora notutavi twarwe twozomberoo? (6) |
1. Ovahongonone vaJehova ve nombutiro yawo yandinondi okuza ape mo 1870. Pomautiro, owo aave isanewa Ovahongwa wOmbeibela. Nungwari mo 1931 owo va kambura ena otja kOmatjangwa indi Ovahongonone vaJehova. (Jesaja 43:10) Okuza komautiro omaṱiṱi otjira hi tje kura nga komangete wOvahongonone, mbe kara amave zuvarisa momahi okukapita 230. 
2. Ozombongo ozengi zOvahongonone vaJehova ze kara nozombongarero ovikando vitatu motjivike. Ove moṋangwa okukara po pu kangamwa ya imwe yazo. (Ovaheberi 10:24, 25) Ombeibela oyo ondji ri ongurameno ya imbi mbi hongwa. Ozombongarero ze patururwa nokupatwa nongumbiro. “Omatangero uOmbepo” wokomutima wina ye umburwa pozombongarero ozengi zawo. (Ovaefese 5:18, 19, EEP) Omahitiro otjari nu kape kara omawongero votjimariva.—Mateus 10:8. 3. Ozombongo ozengi ze kara nozombongarero zawo mEtuwo rOuhona. Owo tjinene yerira omatungiro omapupu uriri nge tungwa i Ovahongonone ovanambango. Ove kona ku muna po ovisanekero, ovikroise, poo oviṋa tjimuna imbyo pOmatuwo wOuhuna inga. Oviungurisiwa vi sutwa noviyandjewa mbya yandjwa i ovandu mombango yawo oveni. Ku imba mbu mave vanga okutjita omayandjero, opo pe na okakesa kondjambi.—2 Ovakorinte 9:7.
4. Mombongo aihe mu na ovanene poo ovatarere. Owo ve hongora mokuhonga ombongo. (1 Timoteus 3:1-7; 5:17) Owo ve vaterwa i ovakarere vombongo. (1 Timoteus 3:8-10, 12, 13) Ovarumendu imba kave ri pondongamo okukapita imbo ovarwe mombongo. (2 Ovakorinte 1:24) Owo kave perwe omarukiro yapeke. (Mateus 23:8-10) Owo kave zara omuzaro warwe mbu hasanene ku imbwi wavarwe. Nu owo wina kave sutirwa oviungura vyawo. Ovanene mombango yawo oveni ve tara kovihepwa vyombepo vyombongo. Owo ve yenena okuyandja omahuhumiṋino nomaṱikiro motuveze touzeu.—Jakobus 5:14-16; 1 Petrus 5:2, 3. 5. Ovahongonone vaJehova ve kara nomaoronganeno omanene poo ozombongarero ozonene ombura aihe. Potuveze otja itwi ozombongo ozengi ze ya pamwe korutuu rwapeke romahongero wOmbeibela. Omapapitisiro wovahongewa ovape orupa rwa aruhe rorutuu romboronganeno poo ombongarero indjo.—Mateus 3:13-17; 28:19, 20. 6. Omberoo ohongora yOvahongonone vaJehova i ri moNew York. Ndu kara ngo Orutu Orunane, otjimbumba ohongora tjovanene ovanandjiviro mbe ṱakamisa ombongo youye auhe. Opo wina pe na otutavi tozomberoo 100 mouparanga wouye auhe. Potuveze itwi overiyandje mombango yawo oveni, ve vatera okupirinda nokuhinda omambo wOmbeibela. Omuhunga wina u yandjwa momaṱakamisiro woviungura vyomazuvarisiro. Omena ratjike tji u hina okukavarura orutavi romberoo ndji ri popezu na ove?
|
|||
Oko ka pitisiwa mo 1996 |
|
Copyright © 2006 Watch Tower Bible and Tract Society of Pennsylvania. All rights reserved. |
|
