1. Atu cu Baibal in thil ṭha tampi na hngalh cang. Hi hngalhnak nih Khrihfa nunning ngeih awkah an hruai awk a si. (Efesa 4:22-24) Cubantuk hngalhnak cu zungzal nunnak hmunh awkah na caah a herh ngaingaimi a si. (Johan 17:3) Asinain midang zong nih khamh an si khawh ve nakhnga caah ṭha cu an herh ve. A hmaanmi Khrihfa vialte nih midang sinah chim hrimhrim awk a si. Hi cu Pathian nawlbia a si.—Rom 10:10; 1 Korin 9:16; 1 Timote 4:16.
2. Thil ṭha na hngalhmi kha na pawngkam i a ummi hna sinah hrawmvenak in na thawk khawh. Na chungkharmi, na hawikawm, na sianginn kai ṭimi, le na rian ṭuanhawi sinah chim hna. Cuti na tuah tikah, zangfahnak ngei law na lung sau seh. (2 Timote 2:24, 25) An chimmi nakin an ziaza kha mi nih an zoh deuh tawn hna ti hi philh hlah. Cucaah na ziaza ṭha nih midang kha na chimhmi hna bia ngaih awkah an lungthin la ko hna seh.—Matthai 5:16; 1 Piter 3:1, 2, 16.
3. Tlawmpal hnu ahcun na umnak hmun i Jehovah Hngaltu Khrihfabu he phungchim thawk dingah thiamnak na ngei colh ko cang lai. Hi cu na ṭhanchonak ah a biapimi kehlan pakhat a si. (Matthai 24:14) Mi dang pakhatkhat kha Jehovah a sal pakhat siin zungzal nunnak hmuh awkah na bawmh khawh hna ahcun lunglawmhnak tampi a um ko lai.—1 Thesalon 2:19, 20. |
