 |
Beliefs | Future | Medical | Topics | Contact Us | Publications | Languages |
| Pathian Nih Zeidah A Kan Hal? | Cawnnak 14  |
Jehovah Hngaltu Hna Hruai An Sining |
|
 |
Tuchan Jehovah Hngaltu hna an hramthawknak cu zeitikindah a si? (1) |
|
Jehovah Hngaltu hna an pumhnak cu zeitindah tuah an si? (2) |
|
An phaisa hmannak tah zeitindah zohkhenh a si? (3) |
|
Khrihfabu kipah ahonihdah a hruai hna? (4) |
|
Kum fatein zeibantuk a ngan deuhmi pumhnak dah an ngeih? (5) |
|
An hmunpi ah le zung ṭengnge ah zei rian dah an ṭuan? (6) |
1. Jehovah Hngaltu hna tuchan an hramthawknak cu 1870 hnu in a si. A hmasa ahcun annih cu Baibal Siangngakchia tiah auh an si. Sihmanhsehlaw 1931 kum ah Jehovah Hngaltu hna timi min cu an rak i lak. (Isaiah 43:10) An bupi cu a hmetemi hramthawknak in, vawlei ram 230 lengah i manh lo ngaiin phung a chimmi Hngaltu nuai tampi ah an ṭhang. 
2. Jehvovah Hngaltu Khrihfabu tam bik cu zarh fate pumhnak voithum an ngei. Hi hna lak i a zeipaoh kha kai ve dingin nangmah zong sawm na si. (Hebru 10:24, 25) Baibal cu an i cawnpiaknak hrampi a si. Pumhnak hna cu thlacamnak in hun le donghter an si. Lung thawhnak taktak he ‘thlaraulei hla’ kha pumhnak tam bikah sak a si. (Efesa 5:18, 19) A man loin luh khawh a si i, phaisa kholh zong a um lo.—Matthai 10:28. 3. Pumhnak tam bik cu Kingdom Hall ah tuah an si. Hi hna cu lungtho zuamnak a ngeimi Hngaltu hna nih lenglang ngaimi um lo in sakmi an si. Kingdom Hall ahcun milem, vailamtung, le hibantuk thil pawl pakhat hmanh na hmu lai lo. An hmanmi phaisa cu mah lungtho siannak in thawhmi thawhlawm in pek an si. Thawhlawm pek a duhmi paoh caah thawhlawm kuang pakhat a um.—2 Korin 9:7.
4. Khrihfabu kipah upa le zohkhenhtu an um. Khrihfabu chung i cawnpiaknak ah anmah nihcun lamhruainak an tuah. (1 Timote 3:1-7; 5:17) Annih cu burianṭuantu hna nih an bawmh hna. (1 Timote 3:8-10; 12, 13) Hi mi hna cu Khrihfabu chung i midang nakin hlorh deuh an si hlei lo. (2 Korin 1:24) A hlei khunin upatnak min pek an si lo. (Matthai 23:8-10) Midang he i thleidangin zong thilpuan an i hruk fawn lo. An rian ṭuannak caah lahkhah zong pek an si lo. Upa hna nih lungtho tein Khrihfabu thlaraulei herhnak kha an zohkhenh hna. Harnak caan zongah hnangamnak le lamhruainak an pek khawh hna.—Jeim 5:14, 16; 1 Piter 5:2, 3. 5. Jehovah Hngaltu hna nih kum fatein civui nganpi zong an tuah tawn. Hi bantuk caan lio ah hin Khrihfabu tampi cu Baibal cawnpiaknak ca i a hlei khunin tuahmi program caah hmunkhat ah an i tong. Cubantuk civuipi program kip ahcun zultu thar pawl tipil peknak zong aa tel ve tawn.—Matthai 3:13-17; 28:19, 20. 6. Jehovah Hngaltu hna vawlei pumpi zung cu New York ah a um. Cuka ahcun vawlei pumpi Khrihfabu a zohkhenhtu hna, hmuhtonnak tampi a ngei cangmi upa pawl, Uktu Bu, an um. Vawlei pupuluk ah zung ṭengnge zong 100 leng an um. Cuka ahcun man phalh lomi rian ṭuantu hna nih Baibal he aa tlaimi cauk pawl kha an nam i kaadang ah an kuat hna. Phungchimnak ding ca i lamhruainak zong pek an si. Nangmah he aa naih bikmi zung ṭengnge pakhatkhat ah va len awk in timhnak na ngeih ahcun aṭha hnga lo maw?
|
|||
1996 ah chuah a si |
 |
Copyright © 2008 Watch Tower Bible and Tract Society of Pennsylvania. All rights reserved. |
|
