Mávapa Satanás?

1. “Diablo” he’ise peteĩ he’íva japu vai hapicháre. “Satanás” katu he’ise enemigo, opositor. Péicha oñembohéra pe enemigo tuichave oguerekóva Ñandejára. Iñepyrũme ha’eva’ekue peteĩ ángel perfecto oikóva yvágape Ñandejára ndive. Upe rire oñembotuicha ha oipotáma oñeme’ẽ chupe adoración oñeme’ẽva’erã Ñandejárape. (Mateo 4:8-10.)

2. Ko ángel, Satanás, oiporu peteĩ mbói oñe’ẽ hag̃ua Eva ndive; ijapu chupe, ha upéicha Eva odesobedece Ñandejárape. Kóicha Satanás otaky Ñandejára soberaníare, pe autoridad oguerekóva opaite mba’e ári. Omokangy jerovia ojeguerekóva hese ogoberna porãha umi ipoguýpe oĩvape. He’ise avei ndaiporimo’ãiha ni peteĩ yvypóra ojepytasóva Ñandejára ykére. Ojapóvo upéicha oiko chugui Ñandejára enemigo. Upévare oñembohéra chupe Satanás el Diablo. (Génesis 3:1-5; Job 1:8-11; Revelación 12:9.)

3. Satanás oñeha’ã ombotavy tapichakuérape ome’ẽ hag̃ua chupe adoración. (2 Corintios 11:3, 14.) Peteĩ mba’e oiporúva ha’e religión falsa. Peteĩ religión ombo’érõ japu Ñandejáragui, upéva añetehápe ojapo Satanás oipotáva. (Juan 8:44.) Umi oĩva religión japúpe ikatu oimo’ã oadoraha hendapete Ñandejárape, upevére añetehápe ojapohína Satanás oipotáva. Satanás ha’e ko “mundo ruvicha”. (2 Corintios 4:4, Versión Popular.)

Religión falsa, espiritismo ha nacionalismo ombotavy yvyporakuérape

4. Pe espiritismo ha’e avei peteĩ mba’e oiporúva Satanás oguereko hag̃ua tapichakuéra ipoguýpe. Oĩ umi ohenóiva espiritukuérape oñangareko hag̃ua hesekuéra, ombohasy hag̃ua hapichápe, oikuaa hag̃ua pe oikótava tenonderã térã ojapo hag̃ua milagrokuéra. Satanás ha’e pe aña oĩva ã mba’e vai rapykuéri. Jajaposérõ Ñandejára he’íva, jahejapaiteva’erã espiritísmogui oúva. (Deuteronomio 18:10-12; Hechos 19:18, 19.)

5. Satanás avei ombotavy hetápe pe orgullo de raza rupi ha adoración oñeme’ẽva umi organización políticape. Oĩ tapicha oimo’ãva hetã térã irráza mba’eguasuveha oimeraẽvagui. Pero ndaupéichai. (Hechos 10:34, 35.) Oĩ katu oha’arõva organización política omyatyrõ umi problema oĩva ko Yvy ári. Kóicha ojejapóvo oñemboyke Ñandejára Reino. Upe Reino añoite ikatúta oipe’a umi problema jaguerekóva. (Daniel 2:44.)

Eñemombarete Satanáspe reñehekombo’e rupi Jehovágui

6. Ombotavy hag̃ua yvypórape, Satanás oiporu avei deseo iky’áva. Jehová oipota jajei umi mba’e ky’águi, oikuaágui ojapovaitaha ñanderehe. (Gálatas 6:7, 8.) Ikatu oĩ tapicha oipotáva rejapo ã mba’e hendive. Upevére aníke nde resarái ha’eha Satanás pe oipotáva reiko upéicha. (1 Corintios 6:9, 10; 15:33.)

7. Satanás ikatu oiporu persecución térã oposición reheja hag̃ua Jehovápe. Ikatu avei oĩ umi rehayhúva apytépe ipochýva nderechávo restudia la Biblia. Oĩne avei oñembohorýva nderehe. Pero mávapa ome’ẽ ndéve nde rekove? Satanás nemondyise ani hag̃ua reikuaave Jehovágui. Ani reheja ipu’aka nderehe. (Mateo 10:34-39; 1 Pedro 5:8, 9.) Reñemoĩrõ Satanás rehe ikatu rembovy’a Jehovápe ha péicha rehechauka reimeha Isoberanía ndive. (Proverbios 27:11.)

Copyright © 2008 Watch Tower Bible and Tract Society of Pennsylvania. All rights reserved.