იეჰოვას მოწმეები — ვინ არიან? რა სწამთ?

ღმერთმა დაუშვა ბოროტება, და მილიონობით ადამიანი ბოროტებას განზრახ სჩადის. მაგალითად, აცხადებენ ომებს, ხოცავენ ბავშვებს, აჩანაგებენ დედამიწას და მათ გამო მრავალი ადამიანი შიმშილობს. მილიონები ეწევიან და ფილტვების კიბო უჩნდებათ, მეუღლეს ღალატობენ და ვენერული დაავადებებით იტანჯებიან, ჭარბად იღებენ ალკოჰოლს და ღვიძლის ციროზი ემართებათ და ასე შემდეგ. ასეთ ხალხს, სინამდვილეში, არ სურს, ბოროტებას ბოლო მოეღოს. მათ მხოლოდ ბოროტების შედეგების აცილება სურთ; როცა იმკიან იმას, რაც დათესეს, ჩივიან, რაღა მე დამემართაო. ისინი ღმერთს ადანაშაულებენ, როგორც იგავნის 19:3-შია ნათქვამი: „ადამიანს გზას თავისივე სიბრიყვე უმრუდებს, მისი გული კი უფალს ემდურის“. ღმერთს რომ აელაგმა მათი ბოროტი საქმეები, უკმაყოფილო იქნებოდნენ იმის გამო, რომ დაკარგეს საკუთარი ნება-სურვილისამებრ ცხოვრების უფლება!

იეჰოვა, უმთავრესად, იმის გამო უშვებს ბოროტებას, რომ პასუხი გასცეს სატანის გამოწვევას. სატანა ეშმაკმა განაცხადა, რომ ღმერთი ვერ დაასახლებდა დედამიწაზე ადამიანებს, რომლებიც მისი ერთგულები იქნებოდნენ გაჭირვების დროს (იობი 1:6—12; 2:1—10). იეჰოვამ სატანას არსებობის ნება დართო და საშუალება მისცა, დაემტკიცებინა თავისი შეხედულება (გამოსვლა 9:16). სატანა ღვთის წინააღმდეგ ადამიანთა წასაქეზებლად ახლაც განაგრძობს მათ ტანჯვა-წამებას და ამით თავისი შეხედულების დამტკიცებას ცდილობს (გამოცხადება 12:12). მიუხედავად ამისა, იობმა შეინარჩუნა უმწიკვლობა. იგივე გააკეთა იესომაც. დღეს ჭეშმარიტი ქრისტიანებიც ამას აკეთებენ (იობი 27:5; 31:6; მათე 4:1—11; 1 პეტრე 1:6, 7).

ბიბლიის თანახმად, არ არის დაუჯერებელი. ეს დაუჯერებელი ჩანს მხოლოდ იმიტომ, რომ მრავალი საუკუნეა, რაც ბოროტება კაცობრიობის თანამგზავრია. იეჰოვამ შექმნა დედამიწა და უთხრა ადამიანებს, აევსოთ იგი გულმართალი მამაკაცებითა და ქალებით, რომლებიც კი არ მოსპობდნენ მას, არამედ იზრუნებდნენ მის მცენარეებსა და ცხოველებზე. (იხილეთ სტატიები: „რა სწამთ მათ?“ და „სასიხარულო ცნობა, რომლის გაზიარებაც მათ სურთ“). აღთქმული სამოთხე კი არ არის იმდენად კარგი, რომ დაუჯერებელი იყოს მისი არსებობა, არამედ დღევანდელი მდგომარეობაა იმდენად ცუდი, რომ დაუჯერებელია, დიდხანს გასტანოს. მას სამოთხე შეცვლის.

ბიბლიური დანაპირების დაჯერება გულუბრყვილობას როდი ნიშნავს. „რწმენა — მოსმენისაგან“. ღვთის სიტყვის სიბრძნე შესწავლის შედეგად ხდება აშკარა და რწმენაც მატულობს (რომაელთა 10:17; ებრაელთა 11:1).

ბიბლიური არქეოლოგია მრავალმხრივ ადასტურებს ბიბლიური ისტორიის სიზუსტეს. ჭეშმარიტი მეცნიერება ეთანხმება ბიბლიას. ქვემოთ ჩამოთვლილი ფაქტები ბიბლიაში ჯერ კიდევ მაშინ იყო მოცემული, სანამ მეცნიერები აღმოაჩენდნენ: თანამიმდევრობა, რომლის მიხედვითაც მიმდინარეობდა დედამიწის განვითარების ცალკეული სტადიები; ის, რომ დედამიწა მრგვალია და სივრცეში არაფერზეა დაკიდებული; ფრინველების სეზონური გადაფრენა (დაბადება, თავი 1; ესაია 40:22, „ძველი აღთქმის ორტომეული“, 1884; იობი 26:7; იერემია 8:7).

შესრულებული წინასწარმეტყველებებით დასტურდება, რომ ბიბლია ზეშთაგონებულია. დანიელმა იწინასწარმეტყველა მსოფლიო იმპერიათა წარმოშობა და დაცემა და ის დროც, თუ როდის უნდა მოსულიყო და როდის უნდა მოეკლათ მესია (დანიელი, თავები 2, 8; 9:24—27). დღეს კი სრულდება სხვა წინასწარმეტყველებები, რომელთა მიხედვითაც შესაძლებელი ხდება „უკანასკნელი დღეების“ ამოცნობა (2 ტიმოთე 3:1—5; მათე, თავი 24). ასეთი განჭვრეტის უნარი ადამიანებს არ გააჩნიათ (ესაია 41:23). უფრო დაწვრილებითი ინფორმაცია მოცემულია საზოგადოება „საგუშაგო კოშკის“ მიერ გამოქვეყნებულ წიგნებში: „ბიბლია — ღვთის სიტვაა თუ ადამიანის?“ (რუს.) და „არსებობს მზრუნველი შემოქმედი?“.

უნდა სწავლობდე ბიბლიას, უფიქრდებოდე ნასწავლს და, ამავე დროს, ღმერთს თავისი სულით ხელმძღვანელობას სთხოვდე (იგავნი 15:28; ლუკა 11:9—13). „თუ რომელიმე თქვენგანს აკლია სიბრძნე, — ნათქვამია ბიბლიაში, — სთხოვოს ღმერთს, ყველასათვის უხვად და დაუყვედრებლად გამცემს, და მიეცემა“ (იაკობი 1:5). აგრეთვე არსებობს ბიბლიის შესასწავლი დამხმარე საშუალებები, რომლებიც უნდა გამოვიყენოთ რჩევა-დარიგების მისაღებად. ჩვეულებრივ, ამაში სხვების დახმარებაა საჭირო, ისევე როგორც ფილიპე დაეხმარა ეთიოპელს (საქმეები 8:26—35). იეჰოვას მოწმეები დაინტერესებულ ადამიანებს უსასყიდლოდ ასწავლიან ბიბლიას მათ სახლებში. შეგიძლია თავისუფლად სთხოვო მათ ბიბლიის შესწავლა.

იესოს ეწინააღმდეგებოდნენ ქადაგებისას. მან თქვა, რომ თავის მიმდევრებსაც გაუწევდნენ წინააღმდეგობას. როდესაც ზოგიერთზე შთაბეჭდილებას ახდენდა ის, თუ როგორ ასწავლიდა იესო, რელიგიური მოწინააღმდეგენი კადნიერად ამბობდნენ: „ნუთუ თქვენც გაცდუნათ? ნუთუ მთავართაგან ან ფარისეველთაგან ვინმემ იწამა იგი?“ (იოანე 7:46—48; 15:20). ბევრი, ვინც არ გირჩევს იეჰოვას მოწმეებთან ბიბლიის შესწავლას, ან არასწორად ინფორმირებულია, ან წინასწარშექმნილი უარყოფითი აზრები აქვს. ისწავლე მოწმეებთან და თავად ნახავ, გაიზრდება თუ არა შენი ბიბლიური შემეცნება (მათე 7:17—20).

ასეთი მოქმედებით ისინი ჰბაძავენ იესოს, რომელიც იუდეველებთან მიდიოდა. იუდეველებს თავიანთი რელიგია ჰქონდათ და ის, უმთავრესად, არ შეესაბამებოდა ღვთის სიტყვას (მათე 15:1—9). ყველა ერს აქვს ესა თუ ის რელიგია, ქრისტიანული იქნება ეს თუ — არაქრისტიანული. ადამიანებისთვის ძალიან მნიშვნელოვანია, ჰქონდეთ ისეთი რწმენა, რომელიც ღვთის სიტყვას შეესაბამება. მოყვასისადმი სიყვარულით აღძრული მოწმეები ცდილობენ, ამ მხრივ დაეხმარონ მათ.

ყველა, ვინც სერიოზულად ეკიდება თავის რელიგიას, უნდა თვლიდეს, რომ ეს რელიგია ჭეშმარიტია. წინააღმდეგ შემთხვევაში, რატომღა იქნებოდა მისი მიმდევარი? ქრისტიანებისთვის საყურადღებოა რჩევა: „ყველაფერი გამოსცადეთ, კეთილს ჩაეჭიდეთ“ (1 თესალონიკელთა 5:21). რამდენადაც მხოლოდ ერთი ჭეშმარიტი რელიგია არსებობს, ადამიანი უნდა დარწმუნდეს, დაფუძნებულია თუ არა თავისი რწმენა საღვთო წერილზე. ამას ეფესელთა 4:5-ც ადასტურებს: „ერთია უფალი, ერთია რწმენა, ერთია ნათლისღება“. იესო არ გაიზიარებდა დღეს დამკვიდრებულ იმ აზრს, რომ ვითომცდა მრავალ გზას, ესე იგი მრავალ რელიგიას შეუძლია ჩვენი ხსნა. პირიქით, მან თქვა: „ვიწროა კარიბჭე და ვიწროა გზა, რომელსაც სიცოცხლისაკენ მიჰყავს“. იეჰოვას მოწმეები დარწმუნებული არიან, რომ იპოვეს ეს გზა; წინააღმდეგ შემთხვევაში, სხვა რელიგიას მიმართავდნენ (მათე 7:14).

არა. მილიონობით ადამიანს, რომლებიც გასულ საუკუნეებში ცხოვრობდნენ და არ იყვნენ იეჰოვას მოწმეები, აღდგომისა და სიცოცხლის შესაძლებლობა მიეცემა. მრავალ მათგანს, ვინც დღეს ცხოვრობს, ჯერ კიდევ „დიდი გასაჭირის“ დადგომამდე შეუძლია დაიკავოს ჭეშმარიტებისა და სამართლიანობის მხარე და გადარჩეს. უფრო მეტიც, იესო გვაფრთხილებდა, რომ არ განგვესაჯა ერთიმეორე. ჩვენ ვხედავთ იმას, რაც გარეგნულად ჩანს, ღმერთი კი გულს უყურებს. ის ყველაფერს ნათლად ხედავს და მოწყალედ განსჯის. მან სამსჯავრო ჩვენ კი არა, იესოს გადასცა (მათე 7:1—5; 24:21; 25:31).

ფულადი შესაწირავის შესახებ პავლე მოციქულმა თქვა: „თითოეულმა როგორც გულით აირჩია, არც შეწუხებით და არც ძალდატანებით. ვინაიდან სიხარულით გამცემი უყვარს ღმერთს“ (2 კორინთელთა 9:7). იეჰოვას მოწმეთა სამეფო დარბაზებსა და კონგრესებზე ფულს არავინ კრებს. იქ არის მოსახერხებლად განლაგებული ყუთები შესაწირავისთვის, და ის სწირავს თავის ძღვენს, ვისაც სურს ამის გაკეთება. არავინ იცის, ვინ რამდენს სწირავს და სწირავს თუ არა, საერთოდ. ზოგს სხვებზე მეტი შესაძლებლობა აქვს, ზოგს კი — არაფრის გაღება არ შეუძლია. იესომ სწორი თვალსაზრისი გვიჩვენა, როცა თავისი აზრი გამოთქვა იერუსალიმის ტაძრის საგანძურისა და ძღვენთა შემწირველის შესახებ — მნიშვნელოვანია არა ადამიანის მიერ გაღებული თანხის ოდენობა, არამედ მისი სურვილი და გულუხვობა (ლუკა 21:1—4).

როცა ადამიანი აღტაცებულია იმ აღთქმებით, რომლებიც ქრისტეს მეფობის დროს შესრულდება სამოთხეში დედამიწაზე, სურვილი უჩნდება, რომ ეს სხვებსაც გაუზიაროს. თქვენც ასე მოიქცევით. ეს ხომ სასიხარულო ცნობაა! (საქმეები 5:41, 42).

ამით ცხადყოფთ, რომ იესო ქრისტეს მოწაფე ხართ. ბიბლიაში იესოს ეწოდება „მოწმე სარწმუნო და ჭეშმარიტი“. ის, როცა დედამიწაზე იყო, ქადაგებდა: — «მოახლოებულია ცათა სასუფეველი [„ზეციერი სამეფო“, აქ]». და თავის მოწაფეებსაც აგზავნიდა სამეფოს შესახებ საქადაგებლად (გამოცხადება 3:14, სსგ; მათე 4:17; 10:7). მოგვიანებით იესომ უბრძანა თავის მიმდევრებს: „წადით და მოიმოწაფეთ ყველა ხალხი. . . ასწავლეთ მათ“. მან აგრეთვე იწინასწარმეტყველა, რომ აღსასრულამდე „ექადაგება ეს სახარება სასუფეველზე მთელს მსოფლიოს ყველა ხალხისთვის დასამოწმებლად“ (მათე 24:14; 28:19, 20).

სასიხარულო ცნობის გაცხადება სხვადასხვაგვარად შეიძლება. ეს ხშირად შესაძლებელია მეგობრებთან და ნაცნობებთან საუბრისას. ზოგი წერილებს სწერს ან ტელეფონით უყვება სხვებს მის შესახებ. ზოგი კი თავის ნაცნობებს ფოსტით უგზავნის ლიტერატურას მათთვის განსაკუთრებით საინტერესო საკითხებზე. იეჰოვას მოწმეებს არ სურთ, ვინმე გამორჩეთ და ამიტომაც კარდაკარ აუწყებენ ამ ცნობას.

ბიბლიაში ასეთი გულთბილი მოწვევაა: «სული და სასძლო ამბობენ: „მოდი!“ გამგონემაც თქვას: „მოდი!“ მწყურვალი მოვიდეს და მსურველმა უსასყიდლოდ აიღოს სიცოცხლის წყალი» (გამოცხადება 22:17). მან, ვინც სხვებს დედამიწაზე სამოთხისა და მისი კურთხევების შესახებ მოუთხრობს, ეს ხალისით, მთელი გულით, ამ სასიხარულო ცნობის გაზიარების სურვილით უნდა გააკეთოს.

ჩვენ დარწმუნებული ვართ, რომ თქვენ სხვა კითხვებიც გაქვთ იეჰოვას მოწმეებისა და მათი რწმენის შესახებ. შესაძლოა, ზოგი მათგანი საკამათო იყოს. ჩვენ სიამოვნებით გიპასუხებდით. ვინაიდან ამ ბროშურაში ადგილი შეზღუდულია, მიმართეთ იეჰოვას მოწმეებს სამეფო დარბაზში მათი კრების შეხვედრებზე, ან მაშინ, როცა შინ მოგაკითხავენ. ასევე შეგიძლიათ შეკითხვები საზოგადოება „საგუშაგო კოშკის“ ფილიალს გაუგზავნოთ სათანადო მისამართზე.