Lakotou Fakatotonu Ke Kotou Tausi Ki Le Atua

1. Ke kotou liliu ko se kaune’a o le Atua, e tonu ke kotou ma’ua le atamai malama o uiga mo le mā’oki o le Tosi-Tapu (1 Timoteo 2:3, 4), ke kotou tui ki ne’a alā na kotou ako (Epeleo 11:6), ke kotou fakasemala ki akotou agasala (Tosi Gaoi 17:30, 31), ti ke kotou tafoki mei lokotou ma’uli afea. (Tosi Gaoi 3:19) Ti e tonu ai loa ke uga koutou e lokotou alofa leia ki le Atua ke kotou momoli lokotou ma’uli kiate ia. Ko lona fakauiga, e kotou faikole o fakasā kiate ia, e kotou momoli ki ai lokotou ma’uli, mo fai lona finegalo.–Mateo 16:24; 22:37.

2. I lakotou ’oki momoli lokotou ma’uli ki le Atua, e tonu ke kotou papitema. (Mateo 28:19, 20) E sā i le papitema lenā ki le fenua fuli kua kotou momoli lokotou ma’uli kia Seova. Koia ko le papitema e gato fa’i kia lātou alā kua mafai salātou fakatotonu ke lotou tausi ki le Atua. Ka papitema se tasi, e uku lona kuaga kātoa ki le vai i se gā temi to’eto’e.*–Maleko 1:9, 10; Tosi Gaoi 8:36.

3. I lakotou ’oki momoli o lokotou ma’uli, e loto loa a Seova ke kotou fakasoko a le fakapapau leia na kotou fai. (Pesalemo 50:14; Ekelesiasi 5:4, 5) E faiga’i loa e le Tiapolo ke ’aga ia o fakagato lakotou tausi leia kia Seova. (1 Petelo 5:8) Kae ke kotou fakafeofi ki le Atua i le faikole. (Filipe 4:6, 7) Kotou ako lana Folafola i le aso fuli. (Pesalemo 1:1-3) Kotou nonofo feofi ki le kokelekasio. (Epeleo 13:17) Kapau e kotou kataki o fai a ne’a fuli anā, ti e kotou ma’ua ai loa le makeke ke kotou agatonu ai ki le Atua. E mafai ai ke kotou fai o talu ai a ne’a alā e fakama’ua atu e le Atua!

E kotou fia lo’ina ni’iki a ne’a pe ko se ako Tosi-Tapu? Kotou faitosi ki le kau Fakamā’oki a Seova i se tu’asila i tu’asila a nei. Tu’asila

* Ko le ako o le tosi Te ’Atamai Mālama ’Aē ’e Ina Taki Ki Te Ma’uli He’egata, pe ko se tasi a tosi fela’aki na tā e le Watch Tower Bible and Tract Society, e mālie mo teuteu’i o se tasi ki le papitema.

Copyright © 2006 Watch Tower Bible and Tract Society of Pennsylvania. All rights reserved.