Tou Fakasā Latātou Fakapoipoi Ki Le Ma’uli Ti Mo Le Toto - Kau Fakamā’oki a Seova: Site Web o Le Sosiete Watchtower

Kau Fakamā’oki a Seova: Site Web o Le Sosiete Watchtower

Beliefs

Future

Ko Le ā Leia e Fakama’ua Mai e Le Atua Kia Tātou?

Kapite 12

Tou Fakasā Latātou Fakapoipoi Ki Le Ma’uli Ti Mo Le Toto
	E tonu ke tou fakauiga fefe’aki a le ma’uli? (1) mo le fakavilo o se toe? (1)
	E fakasā fefe’aki e le kau Kilisiteano e lotou tokakaga ke auana lotou fakatupu se tu’utāmaki? (2)
	E veli koia le mate’i o ni manu? (3)
	Ko ā a aga alā e le’aise fakapoipoi ki le ma’uli? (4)
	Ko le ā le lao a le Atua o uiga mo le toto? (5)
	E toe fakauiga le lao lenā ki fā suki toto? (6)

1. Ko Seova le Matapuna o le ma’uli. Ko ne’a ma’uli fuli e lotou ma’u’uli tupu ko le Atua. (Pesalemo 36:9) Ko le ma’uli e taputapu ki le Atua. Tatau ai fa’i mo le ma’uli o le toe i le manava o lona tinana e mā’uiga kia Seova. Ko le fakatu’utu’u leia ke mate’i a toe koi tuputupu ake e veli ki mata o le Atua.–Ekesote 21:22, 23; Pesalemo 127:3.

Ke mālie’ia tātou e le Atua, e tonu ke tou fakafiti ki fā suki toto, mo agamasani e kelekele ti mo ne’a alā e tou tu’utāmaki ai

2. E tokaga le kau Kilisiteano mā’oki ke auana lotou fakatupu se tu’utāmaki. E lotou fakatiotio i lalātou motokā ti mo lolātou kāiga pe se i ai ni ne’a e mafai ke tu’utāmaki ai se tasi. (Tetelonome 22:8) Ko kaunaga a le Atua e le’aise lotou fai se ne’a ke fakatupu tu’utāmaki noa ai lolātou ma’uli, talie e lotou oli ki ne’a anā. Koia e le’aise lotou kau ki fai mānogi agamakeke alā e fakatupu tu’utāmaki ai ki le ma’uli o ni’iki fenua. E lotou ti’aki a ne’a alā e lotou fakaneke le fenua ke lotou mālie’ia a agamakeke.–Pesalemo 11:5; Soane 13:35.

3. E toe taputapu foki mo le ma’uli o manu ki le Tupu’aga. E lagi mate’i loa e se Kilisiteano se manu ke kai a ia kiai pe ke ma’ua ai ni ona ne’alava, pe mo taupau o ia mei se masaki ti mo se tu’utāmaki. (Senesi 3:21; 9:3; Ekesote 21:28) Kae e veli le fa’i fakaveliveli’i o ni manu pe ko se mate’i o lātou tupu fa’i ko se mānogi pe ko se ne’a e tou mālie’ia.–Taagapati 12:10.

4. Ko le suluka, le kai tapaka, ti mo le toloke ke lotou fakafiafia ai, e le’aise ko ni ne’a e tonu ke fai e le kau Kilisiteano. E veli anā aga talie (1) e tou liliu loa o kaunaga ki ne’a anā, (2) e fakatupu veli ki lotātou tino, ti (3) ko ne’a anā e kelekele. (Loma 6:19; 12:1; 2 Kolinito 7:1) E mafai ke faigata’a a le ti’aki o agamasani anā. Kae e tonu ke tou fai le potu lenā ke mālie’ia tātou e Seova.

5. E toe taputapu foki mo le toto ki mata o le Atua. E pati e le Atua ko le nefesi, pe ko le ma’uli e nofo i le toto. Koia e veli le kai o le toto. E toe veli foki le kai o le kanofi’i manu leia na le’aise fakasali fakamālielie lona toto. Kapau e kukumi se manu pe mate i sana vilo ki se sele, e le’aise tonu ke kai. Kapau na suki’i pe na fana’i, e tonu ke fakasali fakatavili le toto mo kapau e tonu ke kai.–Senesi 9:3, 4; Levitike 17:13, 14; Tosi Gaoi 15:28, 29.

6. E veli le tali o ni fā suki toto? Kotou manatu’i, e fakama’ua e Seova ke tou fakamama’o mei le toto. Ko lona fakauiga leia e se tonu ke ’ai ki lotātou kuaga le toto o ni’iki ake i se fa’asiga ano’aga fa’i, o toe fela’aki ai fa’i mo lotātou toto leia e taupau ke faka’aoga’i ki se tasi a temi. (Tosi Gaoi 21:25) Koia e le’aise tali ai e le Kilisiteano mā’oki a fā suki toto. E lotou tali loa ni’iki ake fa’asiga faito’o, o fai pe faito’o alā e le’aise faka’aoga’i ai le toto. E lotou fia ma’u’uli, kae e le’aise lotou fefai loa ke lotou saofaki lolātou ma’uli o maumau’i a lao a le Atua.–Mateo 16:25.

Na ta i le fētu’u 2003
Copyright © 2006 Watch Tower Bible and Tract Society of Pennsylvania. All rights reserved.