Ko Le ā Le Fakatu’utu’u a Le Atua Ki Le Kele? - Kau Fakamā’oki a Seova: Site Web o Le Sosiete Watchtower

Kau Fakamā’oki a Seova: Site Web o Le Sosiete Watchtower

Beliefs

Future

Ko Le ā Leia e Fakama’ua Mai e Le Atua Kia Tātou?

Kapite 5

Ko Le ā Le Fakatu’utu’u a Le Atua Ki Le Kele?
	Ko le ā na fakatupu ai e le Atua a le kele? (1, 2)
	Ko le ā leia e se ko se palatiso a le kele i leinei a temi? (3)
	Ko le ā le ne’a ka soko ki le kakai agaveli? (4)
	I le temi ka ’au, ko le ā loa le ne’a ka fai e Sesu ma le kau masaki? ma le kau matutu’a? ma le kau mate? (5, 6)
	Ke kotou ma’ua a tapuakina ki le temi ka ’au, ko le ā e tonu ke kotou fai? (7)

1. Na fakatupu e Seova a le kele ke mafai ai ki le tagata ke ma’uli le’egato. Na loto a ia ke nofo’i ma’u a le kele e ni fenua faitotonu ti mo fiafia. (Pesalemo 115:16; Esaia 45:18) E se maumau’i loa le kele, e tu’u ma’u fa’i aia.–Pesalemo 104:5; Ekelesiasi 1:4.

2. I mu’a o le fakatupu e le Atua o le tagata, na fili e Ia se potu ’iki’iki o le kele ti na ’aga a Ia o teuteu’i ko se palatiso fulumalie. Na fakaigoa’i e Ia ko le ’ōloto o Eteni. Ti na ’aga a Ia o tuku kiai a le ’uluaki tagata ti mo le ’uluaki fafine, ko Atama mo Eva. Na fakatu’utu’u e le Atua ke ma’ua salā fānau ti ke lā faka’apele le kele. Aki le temi, e lā fakaliliu a le kele kātoa ko se palatiso.–Senesi 1:28; 2:8, 15.

Le palatiso kua puli

3. I lolā loto faifaitalisa na agasala a Atama mo Eva i lalā maumau’i a le lao a le Atua. Koia na kapu ai loa lāua e Seova i le ’ōloto o Eteni. Na kua puli loa a le palatiso. (Senesi 3:1-6, 23) Kae na se galo kia Seova lana fakatu’utu’u o uiga mo le kele. E fakapapau e ia e toe fakaliliu a le kele ko se palatiso, ke ma’uli le’egato ai loa le fenua. E fakasoko fefe’aki loa e ia a lenā le potu-la?–Pesalemo 37:29.

4. I mu’a o le liliu o le kele ko le palatiso, e tonu mu’a ke puli’i a le kau agaveli. (Pesalemo 37:38) E soko loa lenā le potu-la i Alemaketone, ko le tau o le Atua mo fakagato a le agaveli. Ki muli ake, e pilisoni’i loa a Satana i fētu’u e 1 000. Ko lona fakauiga e se koi iai loa se agaveli mo fakakelekele’i a le kele. Ko le kakai fa’i leia a le Atua ka ma’u’uli loa.–Apokalipisi 16:14, 16; 20:1-3.

5. Ti ko Sesu Kilisito e pule loa ko le Sau i le kele kātoa i fētu’u e 1 000. (Apokalipisi 20:6) E sa’u māmālie loa e ia a le agasala i lotātou atamai ti mo lotātou tino. E tou toe liliu loa o saosaoa o fai pe Atama mo Eva i mua o lalā agasala. Ti e se toe i ai loa se masaki, se matu’a, ti mo se mate. E malolo loa le kakai, ti e toe tupulaga loa a le kakai matutu’a.–Sopo 33:25; Esaia 33:24; Apokalipisi 21:3, 4.

6. Lolotoga le Temi Sau o Sesu i Fētu’u e Afe, e ga’oi loa le fenua agatonu o fakaliliu le kele ko se palatiso. (Luka 23:43) E toe fakatu’uake loa a le lau’i miliona kakai kua mamate ke lotou ma’u’uli i le kele. (Tosi Gaoi 24:15) Kapau e lotou fai a ne’a alā e fakama’ua ake e le Atua, e toe soko atu loa lolātou ma’uli i le kele o talu ai. Kapau e le’aise lotou fai lenā le potu-la, e mate’i loa lātou o talu ai.–Soane 5:28, 29; Apokalipisi 20:11-15.

7. Ti e soko ai loa le fakatu’utu’u ’uluaki a le Atua o uiga mo le kele. E kotou fia ma’ua koa anā tapuakina? Kapau koia lenā, e tonu ke soko atu lakotou ako o uiga mo Seova ti mo fakalogo ki ne’a alā e fakama’ua atu e ia. E kotou mafai loa le potu lenā mo kapau e kotou kau ki fono alā a le kau Fakamā’oki a Seova i le Fale o Le Pule’aga.–Esaia 11:9; Epeleo 10:24, 25.

Mokā ’oki Alemaketone, e liliu loa le kele ko se palatiso

Na ta i le fētu’u 2003
Copyright © 2006 Watch Tower Bible and Tract Society of Pennsylvania. All rights reserved.