 |
Beliefs | Future | Medical | Topics | Contact Us | Publications | Languages |
GOOŊGA ko laarani ɗume? Ko laarani ƴamle lugguɗe ɗe yimɓe ɗamata. Teema a ɗon sukli ngam ƴamle bana ɗe’e:
Haa toy a ɗaɓɓitata jaawaabuuji dow ƴamle ɗe’e? To a yahi haa suudu defte, a heɓan defte ujineeje jey hokkata ma jaawaabuuji. Ɓurna defte ɗe’e fuu, ɗon ngeddootira. Feere mari saman hannde, ammaa jaŋgo nde maraay fahin ngam nde linyama malla boo jo’’itinama.
Deftere gootel tan mari jaawaabuuji pottiɗi. Ɗum deftere gooŋga. Yeesu Almasiihu wi’i nder do’a haa Allah: “Wolde maaɗa woni gooŋga.” (Yuhanna 17:17) Hannde en anndi fakat, Wolde nde’e, ɗum deftere ceniinde, waato Bibel. Nder bakeeje tokkiɗe, a heɓan daarki laaɓɗum e gooŋga dow jaawaabuuji Bibel hokkata ko laarani ƴamle limtiɗe haa dow.
NGAM ƊUME ƳAMOL NGOL? En ɗon ngeeɗa nder duniyaaru hewndi bee halleende e sooynde adilaaku. Dinaaji ɗuuɗɗi ɗon ekkitina en yoo, ɗum muuyo Allah on to en ɗon yara bone.
KO BIBEL ƊON EKKITINA: Allah,o waɗataa ko woni kalluɗum. “Halleende ɗon daayi bee Allah gooŋgaajo. Allah Baawɗo waɗataa faasikaare”, wi’i Ayuba 34:10. Allah heerti garanɗum belɗum ngam yimɓe. Ngam maajum Yeesu Almasiihu wi’i en tora yoo: “Ya Baabiraawo amin mo asama . . . Laamu maaɗa wara. Muuyo ma laato, bana haa asama, e haa lesdi boo.” (Matta 6: 9, 10) Allah ɗon hakkilana en masin haa o waɗi dokkal maŋgal ngam hokkugo en ranji daliila iinaaji o waɗi.—°Yuhanna 3:16.
Laar boo Laataanooji 1:26-28; Yakuba 1:13; e 1 Piyer 5:6, 7.
NGAM ƊUME ƳAMOL NGOL? AKonu ɗon tokka ɗoofugo yoŋki yimɓe ɗuuɗɓe, ko en potaay limtugo. Koo moy fuu meeti yarugo bone.
KO BIBEL ƊON EKKITINA: Allah taaski saa’i o waddata sulhu dow lesdi fuu. To Allah fuɗɗi laamugo dow lesdi diga asama, yimɓe “ekkitittaa konu fahin.” “Bee kaafaaje maɓɓe ɓe tappan baneeje.” (Esaaya 2:4) Allah timminan sooynde adilaaku e boneeji fuu. Bibel iini: “[Allah] woostan gonɗi maɓɓe fuu. Walaa maayde, walaa mettamɓeram, walaa bojji, walaa naawɗum ton. Kuuje ɓooymaaje [bana sooynde adilaaku e boneeji hannde] fuu caalaake.” —Wahayu Yuhanna 21:3, 4.
Laar boo Jabuura 37:10, 11; 46:9; e Mika 4:1-4.
NGAM ƊUME ƳAMOL NGOL? Ɓurna dinaaji nder duniyaaru ɗon ekkitina en yoo, huunde feere nder neɗɗo, ɗon yeeɗa fahin ɓaawo maayde maako. Yimɓe feere ɗon nuɗɗina yoo, maayɓe poti waɗango yeeɗɓe kalluɗum, malla boo Allah hiitan halluɓe, o wulan ɓe nder yiite jahannama haa foroy.
KO BIBEL ƊON EKKITINA: Haa maayde, yeeɗɓe woodaa. “Maayɓe . . . anndaa kooɗume,” wi’i Gaajoowo 9:5. Ngam maayɓe anndaa, maatataa, malla waɗataa kooɗume, ɓe ɓillataa—°malla wallataa°—yeeɗɓe.—°Jabuura 146:3, 4.
Laar boo Laataanooji 3:19 e Gaajoowo 9:6, 10.
NGAM ƊUME ƳAMOL NGOL? En fuu meeɗen en ngiɗi yeeɗugo, e en ngiɗi laarugo belɗum bee yiɗaaɓe men. Ɗum fodde ɗabiya to en ɗon yenwa laarugo yiɗaaɓe men maaynama ngeeɗo fayin.
KO BIBEL ƊON EKKITINA: Maayɓe ɗuuɗɓe ummitan. Yeesu iini yoo “maayɓe nder genaale . . . ɓe ngurtoto genaale maɓɓe.” (Yuhanna 5:28, 29) Ummitineeɓe heɓan dabare jooɗugo nder Aljanna dow lesdi, Kal kal bana Allah yiɗinno diga fuɗɗam. (Luka 23:43) Iina ka’a laatoto nder garanɗum, waato njamu timmuɗum e ngeendam nduumiiɗam ngam ɗowtanooɓe mo. Ndaa ko Bibel wi’i: “Adili’en njooɗoto jam nder lesdi, maran ndi haa foroy.”—°Jabuura 37:29.
Laar boo Ayuba 14:14, 15; Luka 7:11- 17; e Kuuɗe Nelaaɓe 24:15.
NGAM ƊUME ƳAMOL NGOL? Yimɓe nder dinaaji fuu ɗon tora Allah. Ammaa, yimɓe ɗuuɗɓe ɗon ndaara bana Allah jaaɓaataa do’a maɓɓe.
KO BIBEL ƊON EKKITINA: Yeesu wi’°i en acca ɗuuɗɗingo bolle nder do’a. “To on ɗon mbaɗa do’a,” o wi’i, “taa ɗuuɗɗine bolle.” (Matta 6:7) To en ngiɗi Allah nana do’a meeɗen, sey en mbaɗa do’a bana ɓernde maako yiɗi. Banani, en ekkitan muuyo maako, e en mbaɗan do’a bana muuyo ngo’o. Bataakewol Yuhanna Aranol 5:14 ɗon tindina: “Ngam en anndi [Allah] nanan en, to en torake mo kooɗume nder muuyo maako.”
Laar boo Jabuura 65:2; Yuhanna 14: 6, 14; e 1 Yuhanna 3:22.
NGAM ƊUME ƳAMOL NGOL? Yimɓe ɗuuɗɓe ɗon nuɗɗina yoo, ceede, daraja, malla kilaamaaku hokkan hayru. Ngam maajum, ɓe ɗon tokka kuuɗe ɗe’e —°Ammaa, heɓugo hayru ndu’u, ɗon teeta ɓe.
KO BIBEL ƊON EKKITINA: Yeesu holli mabbitirgel hayru yaake o wi’i: “Barka laatanto annduɓe ko’e muuɗum’en ɓe talaka’en yeeso Allah.” (Matta 5:3) En keɓan hayru gooŋgaajum to en nani mbuka maaŋga—°waato weelo ngam daliila gooŋga dow Allah e dow ko o iini ngam men. Gooŋga nga’a ɗon nder Bibel. To en anndi gooŋga nga’a, en paaman ko haani e ko haanaay. To en acci gooŋga Bibel ɗon ɗowa taynoraaki e kuuɗe meeɗen, en ngeeɗan nder hayru.—°Luka 11:28.
Laar boo Balndi 3:5, 6, 13- 18 e 1 Timote 6:9, 10.
Ko en ndaari ɗo famɗi. Ɗum jaawaabuuji ɗi Bibel hokki, ɗum laarani ƴamle joweego tan. A yiɗi anndal ma ɓesda ɓuri ɗo na? To a ɗon bana “annduɓe ko’°e muuɗum’en ɓe talaka’en yeeso Allah,” walaa seko, a waawan. Fakat a heɓan jaawaabuuji feere fahin ko laarani ƴamle bana ɗe’e: ‘To Allah ɗon faala en, ngam ɗume o acci halleende e bone haa joonta? Bana noy mi moyitinta ngeendam yimɓe saare am?’ Bibel ɗon hokka jaawaabuuji laaɓɗum dow ƴamle ɗe’e e ko laarani ƴamle feere fahin.
Ammaa, hannde yimɓe ɗuuɗɓe ɗon seka jaŋgugo Bibel. Ɓe ɗon ndaara Bibel bana juuɗum masin e boo caɗɗum ngam faamugo. A yiɗi walliinde ngam heɓugo jaawaabuuji nder Bibel na? Seedooɓe Yeehova’en mari kuuwtinirɗi ɗiɗi ngam wallugo ma.
Aran, deftere Ngeeɗe nder hayru dow lesdi haa foroy! wallan yimɓe jey sukli wiɗitaago jaawaabuuji laaɓɗi ɗi Bibel hokkata dow ƴamle hooreeje. Kuuwtinirɗum ɗiɗaɓum, ɗum tokkindirki haala ekkitaago Bibel haa saare maada, meere. Bilaa yoɓugo, keeddiɗɗiraawo ma, Seedoowo Yeehova waran haa saare ma, malla haa babal a yiɗi, e on ngeewtan dow Bibel, saa’i tis, kala asaweere fuu. Yimɓe millionji nder duniyaaru nafi tokkindirki haala ka’a. Ɓurna maɓɓe yotti timminki ki’i: “Mi heɓi gooŋga°!”
Walaa risku ɓuri ɗo. Gooŋga Bibel ɗon rimɗina en diga kaɓɓe, diga njiiɓu, e diga kulol. Gooŋga Bibel ɗon hokka en tammunde, kempe, e seyo. Yeesu wi’i: “On anndan gooŋga, e gooŋga boo rimɗinan on.” —°Yuhanna 8:32.
Wallifi hitaande 2008 |
 |