1. A kä a ΄kä Lagɔ a bheyi zʋ nʋʋ, -mä Biblë ΄mö a -tiawɛlɩɩ ΄mö a kää a ΄kä sasɛ yɩbhlɩnɩ. (1Timotee 2: 3, 4) -Lii a ΄cɩɛ da' a a nɩ ΄tɛɛnɩ dlɩ, (Ebleewaa 1: 6) a kä a ΄kä ΄a ΄nyinylolii a gbʋ kɛ΄mö -sɛ, (Tietiewaa a wɛlɩɩ 17: 30, 31) nzɩ a ΄kä ΄a -wʋwʋsazokwëa kɛ΄mö -sɛ. (Tietiewaa a wɛlɩɩ 3:19) A Lagɔ a -wawʋ, yeanyɩ -mä ΄sunɩ, nzɩ a ΄kä anyɩ Lagɔ yowʋ ΄nyɛ. A ΄kä anyɩ Lagɔ yowʋ ΄nyɛ miɛ nɩɩ, dɛ -bhlʋ dɛɛ nɩkpɛ ΄nɩɛ -wʋ, -lɩbhä a möä ΄n a bhibhenɩɛ -lɛ Lagɔ, ΄n a nyɔɔ ΄dɩ nɩɩ anyɩ a nyɔɔ yowʋ, nzɩ a ΄kä ΄saa ɔ yɩbhää nʋ. Matie 16: 24; 22:37.
2. A -kä anyɩ Lagɔ yowʋ ΄nyɛ ΄wëë, a kä a ΄kä badizee. (Matie 28: 19, 20) -Mä ΄a batɛmöö ΄mö -mä a tulanɩɛ nɩkpa ΄ylimö nɩɩ, a yɛ anyɩ Zoova yowʋ ΄nyɛ. Nɩkpa kädɩɩ -wa ΄nɛɛnɩɛ ΄ylimö -wa bhɛnɩɛ wa ΄kä wanyɩ Lagɔ yowʋ ΄nyɛɛ, wa ΄yize ΄mö wa badizee, maa ɛ΄ɛ -bhö ΄yuë ΄pɩpɩɩ muë. Wa -kä badizee nʋʋ, -mä ΄nyu ΄mö -mä wa mlänɩɛ tɛkäsɛ ΄wlu ΄wëë, ΄n wa ΄wlʋä bhäla -mä.*—Maakö 1: 9, 10; Tietiewaa a wɛlɩɩ 8: 36.
3. A -kä anyɩ Lagɔ yowʋ ΄nyɛ ΄wëë, Zoova ΄yɩbhää nɩɩ, a sɛɛ a gbä a-a a ΄kɔ bʋbɔ, ΄a nɛmönɛmösaa nɩ tulanɩ -sɩbhä ΄ylimö. (Psaume 50:14; Ecclésiaste 5: 4, 5) Maa Sataa ΄naa ΄kä nglu a ΄kä Zoova bʋbɔ. (1Piɛlɩ 5:8) Maa a nɩ ΄gïa a dilaa Lagɔ ΄yi -mä bhibhebhibhiu ΄mö. (Filiipö a -nʋa 4: 6, 7) A nɩ ΄cɩɛ ΄kwädlɩ lagɔwɛlɩɩ. (Psaume 1: 1-3) A nɩ -glɛ ΄kwädlɩ -zɩkpa ΄mö a -nʋa ΄wʋ. (Ebleewaa 13: 17) A -kä -lii ΄la ΄wuë nʋʋ, mɩɩ kanyɩɛ ΄mötɛɛnɔɔ ΄nyɛ, nzɩ a ΄kä Lagɔ dlɩ tɛɛnɩ ΄yize. A -kä -sɩbhä ΄zʋ, ΄saa Lagɔ yɩbhää a nɩ nʋʋ, ΄mö a ΄kää ΄kwädlɩkwädlɩnɩ nʋ.
A yɩbhä bhä a ΄kä tɩtɩ-mimii nyɛ -lii –mimii ΄sɔ yɩbhlɩnɩ -a? A nɩ ΄cɛlɩ Zoova ΄a Bhlɩnɩwaa -mä dlɛsɩa ΄lɛ gla΄mö a nɛ -bhlʋ ΄mö ΄wʋ ΄Dlɛsia
|
