1. Zezwii -wʋ a-a mä΄ä dʋdʋ ΄wʋ la, ΄ɔ ΄wʋ-bhlinɩwaa ΄mö ɔ ΄cɩa nɩɩ, wa nɩ bhibhe Lagɔ ΄a ΄Kämanɔɔ a za. Wa -kä ΄kämanɔ nʋʋ, ΄bhlɩ a mɛ ΄kifii ΄kämanɩɛ -gömö ΄mö wa gaaa. Zaa, Lagɔ ΄a ΄Kämanɔɔ, ΄wʋ dɛ wʋ -wʋä. -Mä zlɩ ΄mö -mä wʋ -wʋä, ΄n ΄wʋ ΄kää dʋdʋ ΄wuë -gömö ΄kämanɩ. Lagɔ ΄a nglɩɩ ΄mö wʋ ΄kää ΄ghlimanɩ, nzɩ yɩ ΄kä ΄wlɩlɩ plɛ. ΄Kämanɔɔ ΄la mu ΄kää ΄nglɩ -kä, ΄n Lagɔ ΄kää sɛ ɔ zʋä -mä ghäyɩ ΄wʋ, ɔ ΄kä -sɩbhä mä΄ä dʋdʋ ΄wʋ ΄zʋmö. —Matie 6: 9, 10.
2. Zezwii ΄mö Lagɔ nʋä ɔ ΄kä ΄ɔ ΄Kämanɔɔ a ΄kifii ΄wʋ ΄zʋa. (Lwiikö 1: 30-33) Dɛ Zezwii -wʋ a-a mä΄ä dʋdʋ ΄wʋ la, -mä ΄ɔ -bhɛbhɛlii ΄mö, -mä ɔ tulanɩɛ ΄ylimö nɩɩ, ΄kämanɩnyɔ a mɔ ɔ nɛnɩɛ, ɔ zlɔnɩɛ ΄mö, ΄mö ɔ kää glɩnɩ. Zezwii sɩbhä -mä zlɩ ΄mö ΄wlu, ɔ΄ɔɔ ΄Kämanɔɔ ΄wʋ libhï cuu. (Ebleewaa 10: 12, 13) Maa ΄kämanɔ Zoova nʋä ɔ ΄kä Zezwii yowʋ ΄nyɛ, ΄ylʋba wa laa 1914 ΄mö ɔ nyɔnɔnyɩɛ yowʋ. Tɛɛnɩa -lɛ, Zezwii yiɛ -mä zlɩ ΄mö, ΄ɔ ΄Kämanɔɔ Zoova nyɔ yowʋ tɛɛ.—Daniel 7: 13, 14.
3. Mä΄ä dʋdʋ ΄wʋ a nɩkpa gla΄mö, -mä Zoova gbäzɩɛ nyɩbhɛlɩɩ -nyɛ ΄ngwlɩɩ ΄sɔ -wa ΄tɛɛnɔɔ dlɩ, nzɩ wa ΄kä -mä zlɩ ΄mö mö. Ɛ΄ɛ -bhö nyɩasɛ, maa -zijlituwaa -nyɛ bʋbɔbʋbɔwa ΄sɔ wa ΄kää ΄zʋ, nzɩ wa -nyɛ Zezwii ΄sɔ wa ΄kä mä΄ä dʋdʋ ΄wʋ a nɩkpaa ΄wuë -gömö ΄kämanɩ. (Lwiikö 22: 28-30; ΄Klʋkälɩwɛlɩɩ 5:9, 10) Nɩkpa ΄la -wa -nyɛ Zezwii ΄sɔ ΄kää ΄gämö ΄kämanɩ, ΄mö ɔ laa “wa΄aa -zu,” 144.000 wa -bhliɛ.—Lwiikö 12: 32; ΄Klʋkälɩwɛlɩɩ 14: 1-3.
4. Zezwii libhïä ΄ɔ ΄kämanɔɔ ΄wʋ cuu, Sataa -nyɛ ΄ɔ zuzukuzokuu ΄sɔ ΄mö ɔ kpëtiɛ -mä zlɩ ΄mö, ΄n ɔ yuë mä΄ä dʋdʋ ΄wʋ sɛ bhlɩ. Tɛɛnɩa ΄ylʋba wa laa 1914 ΄mö, mä΄ä dʋdʋ ΄wʋ a -lii ΄wuë, ΄mö yɩ ΄tɛmanɩa. (΄Klʋkälɩwɛlɩɩ 12: 9, 12) -A ΄zʋ -mä tʋ -gwɩ gwɩɛ, ngɔmʋ, gwi ΄kädɩ, ΄nyinylolii yɩ ΄mänanɩ nɩkpa ΄wlu. -Lii ΄la ΄wuë mii “tulanɩɛ ΄yli ΄mö” nɩɩ, Zezwii yɛ ɔ ΄kämanɔ tɛɛ, ΄n ΄pɩwʋ a ΄yli bhɩɛ tɛnyɩ yɛ ghlɛ.—Matie 24: 3, 7, 8, 12; Lwiikö 21:10, 11; 2Timotee 3:1-5.
5. Sɛɛ wïlagänɩnyɔ dlinɩ΄ɛ ɔ wïla ΄ylimöö, ΄n ɔ zʋ΄ɛ bhabhïlaa yɩ dɛ, ΄n ɔ zʋ΄ɛ wïla a -wïlaa ΄yɩ dɛɛ, -sɩbhä Zezwii ΄kää bhäla nɩkpaa ΄wuë -zijli tunɩ. Nɩkpaa -wa -nyɛ “bhabhïlaa” ΄wlʋnɩɛ, mʋa kää Zezwii a gbʋ dlɩ ΄wʋ. Mʋa lɛ kää ΄kwädlɩkwädlɩnɩ mä΄ä dʋdʋ ΄wʋ -bhölɩnɩ. Maa nɩkpaa -wa -nyɛ “wïla a -wïlaa” ΄wlʋnɩɛ, mʋa panɩɛ Lagɔ ΄a ΄Kämanɔɔ -gömö. (Matie 25:31-34, 46) -Lɛ ΄naa ΄kää ΄mö gwälɛ΄n zezwii ΄kää nɩkpaa -wa -nyɛ wïla a -wïlaa ΄wlʋnɩɛ, ΄yli bhɩa. (2Tesaloniikö 1:6-9) A kä a ΄kä Zezwii a -nʋa -wa -nyɛ “bhabhïlaa” ΄sɔ ΄wlʋnɩɛ glɩnɩ nʋʋ, a nɩ -pʋnɩ Lagɔ ΄a ΄Kämanɔɔ ΄a wɛlɩɩ ΄yukwli, nzɩ a ΄kɩɩ ΄mö nɛmönɩ.—Matie 24:14.
 |
| Zezwii ΄a ΄kämanɔɔ a ΄tɛnyɩ ΄mö, -gblɩ ΄gblɛ -nyɛ nɩkpa a ΄mö -dlinɩdlinɛ ΄sɔ ΄naa ΄kä
-bhölɩ. |
6. Dʋdʋkpäta ΄bhlɩɩ a -bɛ a -dlinɩɛ zɩɛ ΄ylimö. ΄Bhlɩɩ ΄la ΄wuë bhʋlʋbhlʋ yi kää yɩnyɩɩ a ΄kämanɩwa. ΄N yɩ kwäkwänɩɛ tʋ. Maa Lagɔ ΄a ΄kämanɔɔ muu kää ' mää dʋdʋ ΄wʋ ΄a ΄kämanɔɔ a kii ΄wuë ΄yli ΄bhɩa, nzɩ wʋ ΄kä dʋdʋ ΄wuë -gömö ΄kämanɩ. (Daniel 2:44) Zaa ΄ku lɩbhälɩbhʋ, tʋ -gwɩ gwɩɛ -nyɛ -glakäkʋ ΄sɔ ΄naa ΄käa΄a -bhölɩ. -Lɛ a ΄tɛnyɩ ΄la ΄mö, nɩkpaa ΄wuë dlɩ
-bhlʋ wa yiɛ kä, wa kää -wanɩ ΄n wa kää ΄tɩɩ glɩ.—Mika 4: 3, 4.
7. Zezwii a ΄ylʋbö a milɩ -bhlʋ a ΄Kämanɔ a ΄tɛnyɩ ΄mö, nɩkpa ΄wuë -wa ΄tɛɛnɩɛ Lagɔ dlɩ, yi ΄wlɩlɩ plɛ, ΄n dʋdʋkpäta ΄wuë ΄kää ΄bhlɩ a -bhlɩɩ zʋ. Zezwii kä ΄saa Lagɔ yɩbhänɔ ΄ylʋbö a milɩ -bhlʋ ΄mö zɛmö bhɩɛnɩ ΄wëë, ΄kämanɔɔ ɔ dɩba Lagɔ ΄nyɔ a-a, ΄mö ɔ ΄kɔ yowʋ ΄nyɛ. (1Kɔlɛɛtɩ a -nʋa 15: 24) -Lii -mii Lagɔ ΄a ΄Kämanɔɔ ΄kää -bhɛ, -n bhɛnɩ -n kɩ -na -lowluwaa -nyɛ -na tuawa ΄sɔ ΄nyɛ. |
