Ikpehe Intanet Mme Ntiense Jehovah

Ntọn̄ọ Beliefs Future Medical Topics Contact Us Publications Languages

Mme Ntiense Jehovah—Mmanie ke Mmọ Ẹdi? Nso ke Mmọ Ẹnịm ke Akpanikọ?

 Ibuotikọ emi ekebemde isoIbuotikọ efen

Nso ke Mmọ Ẹnịm ke Akpanikọ?

MME NTIENSE JEHOVAH ẹnịm Jehovah, Ata Ọkpọsọn̄ Abasi, Andibot enyọn̄ ye isọn̄, ke akpanikọ. Utịbe utịbe awak-n̄kukọhọ ndudiọn̄ ekondo oro ẹkande nnyịn ẹkụk ndidu owụt nte ke akakan enyene-ifiọk ye okopodudu Andibot akanam kpukpru mmọ. Kpa nte utom iren ye iban ẹwụtde mme edu mmọ, ukem ntre ke edi ye eke Jehovah Abasi. Bible etịn̄ ọnọ nnyịn ete ke “tọn̄ọ ẹkebot ererimbot owo ẹtịm ẹkụt ndịbe-ndịbe n̄kpọ emi ẹnyenede Enye, . . . ẹda mme n̄kpọ emi enye akanamde ẹtịm ẹfiọk.” N̄ko, ye unana uyo m̀mê mme ikọ, “mme heaven ke ẹbụk ubọn̄ Abasi.”—Rome 1:20; Psalm 19:1-4.

ISỌN̄ . . . Jehovah okobot . . . owo ese aban̄a . . . ẹdidụn̄ ke nsinsi

Mme owo ibotke mme eso mbat m̀mê ndinam mme ekebe ndise ye mme kọmputa ke ikpîkpu. Isọn̄ ye mme edibotn̄kpọ esie oro ẹyọhọde ye eto ye uwem unam ẹnen̄ede ẹdi utịbe. Nte ndido idemowo ẹtiede ye mme triliọn nsen esie ẹyan̄a nnyịn ifiọk—idem mfre oro nnyịn idade ikere n̄kpọ edi utịben̄kpọ oro ọsọn̄de owo ndifiọk! Edieke mme owo ẹnyenede uduak ke ndision̄o mme n̄kpọ oro ẹdide ikpîkpu ke ndusụk udomo ndi, ke akpanikọ Jehovah Abasi ama enyene uduak ọnọ mme enyene-uten̄e edibotn̄kpọ esie! Mme N̄ke 16:4 (NW) ọdọhọ ke enye enyene: “Jehovah anam kpukpru n̄kpọ kaban̄a uduak esie.”


Jehovah akanam isọn̄ ye uduak, nte enye eketịn̄de ọnọ akpa owo iba oro: “Mbufo ẹtọt, ẹnyụn̄ ẹwak, ẹnyụn̄ ẹyọhọ ke isọn̄, . . . ẹnyụn̄ ẹkara iyak ke akamba mmọn̄, ye inuen ke enyọn̄, ye kpukpru n̄kpọ uwem eke ẹnyọnide ke isọn̄.” (Genesis 1:28) Koro mmọ ẹkesọn̄de ibuot, n̄wan ye ebe emi ikekemeke ndida ndinen ubon oro ẹdisede iban̄a isọn̄ ye mme eto ye mme unam esie ke ima ima usụn̄ nyọhọ isọn̄. Edi edikpu mmọ inamke uduak Jehovah okpu. Ediwak tọsịn isua ke ukperedem, ẹma ẹwet ẹte: “Abasi emi obotde isọn̄ . . . , ibotke enye ke ikpîkpu.” Enye “obot enye man ẹdụn̄ ke esịt.” Owo idisoboke enye, edi “ererimbot ada ke nsinsi.” (Isaiah 45:18; Ecclesiastes 1:4) Uduak Jehovah kaban̄a isọn̄ oyosu: “Uduak mi ayada, ndien nyanam kpukpru se mmade.”—Isaiah 46:10.

Ntem, Mme Ntiense Jehovah ẹnịm ke akpanikọ ẹte ke isọn̄ edidu ke nsinsi ye nte ke kpukpru owo, mme odu uwem ye mme akpan̄kpa, oro ẹdidude uwem ikekem ye uduak Jehovah kaban̄a isọn̄ oro ẹnamde eye, ẹkeme ndidụn̄ ke esịt ke nsinsi. Ofụri ubonowo akada unana mfọnmma amana oto Adam ye Eve ndien, ke ntem, ẹdi mme anamidiọk. (Rome 5:12) Bible asian nnyịn ete: “N̄kpọ-eyen-utom idiọk-n̄kpọ edi n̄kpa.” “Koro mme odu-uwem ẹfiọkde ẹte ke mmimọ inyene ndikpa: edi ama edi mme akpa-n̄kpa, mmọ ifiọkke baba n̄kpọ kiet.” “Ukpọn̄ eke anamde idiọk ayakpa n̄kpa.” (Rome 6:23; Ecclesiastes 9:5; Ezekiel 18:4, 20) Didie ndien ke mmọ ẹkeme ndifiak ndidu uwem man ẹnyene udeme ke mme edidiọn̄ eke isọn̄? Ebe ke uwa ufak Christ Jesus kpọt, koro enye ọkọdọhọ ete: “Ami ndi ediset ye uwem: owo eke ọbuọtde idem ye Ami, okposụk edi nte enye ama akpa, enye oyodu uwem.” ‘Kpukpru mme andidu ke udi ẹyekop Enye uyo ẹwọn̄ọ ẹdi.’—John 5:28, 29; 11:25; Matthew 20:28.

Emi edisan̄a didie itịbe? Ẹnam emi an̄wan̄a ke “gospel Ubọn̄ Heaven,” emi Jesus ọkọtọn̄ọde nditan̄a ke ini okodude ke isọn̄. (Matthew 4:17-23) Edi mfịn Mme Ntiense Jehovah ke ẹkwọrọ eti mbụk ke ata san̄asan̄a usụn̄.

SE MME NTIENSE JEHOVAH ẸNỊMDE KE AKPANIKỌ

Edinịm ke Akpanikọ Ntak N̄wed Abasi
Bible edi Ikọ Abasi onyụn̄ edi akpanikọ 2 Tim. 3:16, 17; 2 Pet. 1:20, 21; John 17: 17
Bible edi se ẹberide edem akan ido eset Matt. 15:3; Col. 2:8
Enyịn̄ Abasi edi Jehovah Ps. 83:18; Isa. 26:4; 42:8, AS; Ex. 6:3
Christ edi Eyen Abasi onyụn̄ ekpri akan Enye Matt. 3:17; John 8:42; 14:28; 20:17; 1 Cor. 11:3; 15:28
Christ ekedi akpa ke otu mme edibotn̄kpọ Abasi Col. 1:15; Edi. 3:14
Christ akakpa ke eto, idịghe ke cross Gal. 3:13; Utom 5:30, NW
Ẹkeda uwem Christ eke owo ẹkpe nte ufak mme okopitem ubonowo Matt. 20:28; 1 Tim. 2:5, 6; 1 Pet. 2:24
Uwa Christ kiet ama ekem Rome 6:10; Heb. 9:25-28
Ẹkenam Christ eset ke n̄kpa nte owo eke spirit eke mîkemeke ndikpa 1 Pet. 3:18; Rome 6:9; Edi. 1:17, 18
Edidu Christ edi ke spirit John 14:19; Matt. 24:3; 2 Cor. 5:16; Ps. 110:1, 2
Nnyịn idu idahaemi ke ‘utịt ini’ Matt. 24:3-14; 2 Tim. 3:1-5; Luke 17:26-30
Obio Ubọn̄ ke idak Christ ayakara isọn̄ ke edinen ido ye emem Isa. 9:6, 7; 11:1-5; Dan. 7:13, 14; Matt. 6:10
Obio Ubọn̄ ayada nti idaha udu uwem edi isọn̄ Ps. 72:1-4; Edi. 7:9, 10, 13-17; 21:3, 4
Owo idisoboke isọn̄ m̀mê ndisụhọde ibat mme andidụn̄ Eccl. 1:4; Isa. 45:18; Ps. 78:69
Abasi oyosobo editịm n̄kpọ emi efep ke ekọn̄ Har–Magedon Edi. 16:14, 16; Zeph. 3:8; Dan. 2:44; Isa. 34:2; 55:10, 11
Ẹyesobo mme idiọkowo ke nsinsi Matt. 25:41-46; 2 Thess. 1:6-9
Mbon oro Abasi enyịmede ẹyebọ nsinsi uwem John 3:16; 10:27, 28; 17:3; Mark 10:29, 30
Usụn̄ kiet kpọt adade esịm uwem odu Matt. 7:13, 14; Eph. 4:4, 5
N̄kpa ubonowo oto idiọkn̄kpọ Adam Rome 5:12; 6:23
Ukpọn̄ owo idụhe aba ke owo akpade Ezek. 18:4; Eccl. 9:10; Ps. 6:5; 146:4; John 11:11-14
Hell edi ikpîkpu udi ubonowo Job 14:13, Dy; Edi. 20:13, 14, AV (ikọ mben)
Idotenyịn mme akpan̄kpa edi ediset ke n̄kpa 1 Cor. 15:20-22; John 5:28, 29; 11:25, 26
N̄kpa otode Adam eyetre 1 Cor. 15:26, 54; Edi. 21:4; Isa. 25:8
Ekpri otu erọn̄ eke 144,000 kpọt ẹdika heaven ndikara ye Christ Luke 12:32; Edi. 14:1, 3; 1 Cor. 15:40-53; Edi. 5:9, 10
Owo 144,000 ẹfiak ẹmana nte nditọ Abasi eke spirit 1 Pet. 1:23; John 3:3; Edi. 7:3, 4
Ẹkenam obufa ediomi ye Israel eke spirit Jer. 31:31; Heb. 8:10-13
Ẹbọp esop Christ ẹdori enye ke idem Eph. 2:20; Isa. 28:16; Matt. 21:42
Ana ẹbọn̄ akam ẹnọ Jehovah kpọt ebe ke Christ John 14:6, 13, 14; 1 Tim. 2:5
Inaha ẹda edisọi mbiet ke utuakibuot Ex. 20:4, 5; Lev. 26:1; 1 Cor. 10:14; Ps. 115:4-8
Ana ẹsọn ubụpekpo Deut. 18:10-12; Gal. 5:19-21; Lev. 19:31
Satan edi andikara ererimbot oro enyịn mîkwe 1 John 5:19; 2 Cor. 4:4; John 12:31
Inaha Christian enyene ebuana ke mme edinam mbuaha mbuọtidem 2 Cor. 6:14-17; 11:13-15; Gal. 5:9; Deut. 7:1-5
Christian ekpenyene ndidian̄ade n̄kpọn̄ ererimbot Jas. 4:4; 1 John 2:15; John 15:19; 17:16
Ẹnịm kpukpru mbet owo oro mîtuahake ye mbet Abasi Matt. 22:20, 21; 1 Pet. 2:12; 4:15
Ndibọ iyịp nsịn ke idem ebe ke inua m̀mê esịp abiat mbet Abasi Gen. 9:3, 4; Lev. 17:14; Utom 15:28, 29
Ana ẹnịm mbet Bible aban̄ade ido uwem 1 Cor. 6:9, 10; Heb. 13:4; 1 Tim. 3:2; N̄ke 5:1-23
Ẹkenọ Israel kpọt ibet sabbath ndien eketre ye Ibet Moses Deut. 5:15; Ex. 31:13; Rome 10:4; Gal. 4:9, 10; Col. 2:16, 17
Otu mme ọkwọrọ ederi ye mme san̄asan̄a udorienyịn̄ idotke Matt. 23:8-12; 20:25-27; Job 32:21, 22
Owo ikoforoke-foro edi ẹkebobot Isa. 45:12; Gen. 1:27; Matt. 19:4
Christ ama enịm uwụtn̄kpọ anade ẹtiene ke ndinam n̄kpọ Abasi 1 Pet. 2:21; Heb. 10:7; John 4:34; 6:38
Baptism emi ẹbụkde owo ke mmọn̄ ofụri ofụri ada aban̄a uyakidem nnọ Mark 1:9, 10; John 3:23; Utom 19:4, 5
Mme Christian ẹnọ an̄wan̄wa ikọ ntiense ke idatesịt ẹban̄a akpanikọ N̄wed Abasi Rome 10:10; Heb. 13:15; Isa. 43:10-12
 

Ẹkesio in 2000

 Ntọn̄ọEnyọn̄Ibuotikọ emi ekebemde isoIbuotikọ efen

Copyright © 2008 Watch Tower Bible and Tract Society of Pennsylvania. All rights reserved.