Бигахъадав
хIушаб багьес
бархьдеш?

СЕГЪУНА бархьдеш? Адамтани хьардиути вегIла мягIничебти суалтачи. ХIуша пикридухъадав иштигъунти девле хIяжатси суалтачи:

Чинаб баргес дируда хIушани илди суалтачи жаваб? Библиотекализир ва жузала тукен тазир хIушани дургида азир жуз. Жузе делкьунти бикьули саби нушани балулра илди суалтачи жаваб. Аммаки цадехI жузазир бяхIчили кабизурси жавабти хер. ЦархIилти жузазир жавабти бархьтисадили гьанбиркIулисари. Замана бикибхIели жузазирти жавабти дуркъдирули сари. Илди жузе дарсдирули сари царатеке, яра чеблукIули сари.

Аммаки леб ца жуз илике асубирар абзурли игьдибар бихIес. Ил жузлизиб бархьдеш белкIуй саби. ГIиса Идбаг балгалузиб икIуле сай Аллагьлизи: «ХIела гъай леб бархьдеш» (Яхьяла 17:17). ИшбархIи Аллагьла гъай делкIунли сари Тауратлизир, Забурлизир, Инжильлизир. ХIушани делчIунхIели гIеларадти бяхIри Аллагьла жузлизирад кайсида къантIти, гIячихъси, саркъибси ва марти жавабти илди суалтачи.

Дигахъулравара нуша Аллагьлис?

СЕ БАГЬАНДАН ИЛГЪУНА СУАЛ АЛКIУЛИ? Нуша хIердирулра абзурли бицIибси уркIецIиагарси ва бархьдеш хIебузахъан дунъялизир. Дахъалгъунти динли бучIахъукули саби нушала къиян-жапа Аллагьла къадар сариили.

СЕ БИКIУЛИ АЛЛАГЬЛА ГЪАЙ? Вайдеш Аллагьлизибад ахIен. «ХIейрар бархьдеш дигуси ва Дунъя акIахъубси Аллагьли вайдеш я балкIси барес» — белкIа саби Аллагьла гъализиб (Аюб 34:10). Аллагьлис нуша дигни багьандан бигули саби дарес нушала амру разити ва талихIчевти хIеш ванзаличиб. Ил багьандан ГIиса Идбагьли бурсибариб сунес гIелавад башути адамти балга барес: «Нушала дунъя акIухъубси Дудеш... Бакаб хIала пачаликъ, хIала кьас ветааб закличибгъуна, ванзаличибра» (Матфейла 6:9, 10). Аллагьлис нуша девле дигахъулра, ва сунела пикри бетаэкьес багIандан бедиб дурхъаси ва халаси багьа. (Яхьяла 3:16).

ХIерая Бытие 1:26—28; Якъубла 1:13 ва 1 Петрла 5:6, 7.

Мурт-биалра таман дирару дявти ва къиян-жапа?

СЕ БАГЬАНДАН ИЛГЪУНА СУАЛ АЛКIУЛИ? Дявтани архIули сари дакIал адамтала амру. КидиухIели адамтала къиян-жапа нуша хIяжатагарли калули ахIенра.

СЕ БИКIУЛИ АЛЛАГЬЛА ГЪАЙ? Аллагь икIулесай сунела жузлизиб лебкIян замана Аллагьли кабилзахъу даршудеш лебил ванзаличиб. Аллагьла пачаликъ кабизурхIели адамти дявличи бурсихIебирар. Илдани «ярагь къутIдиру угабличи» (Исаия 2:4). Аллагьли тамандиру бархьдеш хIебузахъни ва къиян-жапа. Аллагьли чеасилисаби: «[Аллагьли] ушку хIулбазирад бисала кIантри, хIедирар бебкIа, дард, гьуя-вяв, изала. Гьалаб детаурти [бархьдеш хIебузахъни ва къиян-жапа] ардякъун» (Откровение 21:3, 4).

ХIерая Забур 37:10, 11; 46:9 ва Михея 4:1—4.

Се бетурули нушачил алхунхIели?

СЕ БАГЬАНДАН ИЛГЪУНА СУАЛ АЛКIУЛИ? Бахъалгъунти динли бучIакIули саби адам вебкIибхIели гIурра чинаб-биалра хIерирулисайили. Цаца бехIти бирхIбетурули саби бебкIибтани къиян-жапа дирули сари мицIиртас ва Аллагьли танбихIбирули саби бунагь баркIиб адамти, вархIиули цIала жагьаннаблизи.

СЕ БИКIУЛИ АЛЛАГЬЛА ГЪАЙ? Адам вебкIибхIели хIерирули ахIен. «Алхунтани селра балули ахIен» — буриб Сулейбан идбагли (Экклезиаст 9:5). ВебкIибтани селра балули ахIен, секIал иргъуле ахIен. МицIиртас илдани кумек барес хIебирар ва вайна барес хIебирар (Забур 146:3, 4)

ХIерая Бытие 3:19 ва Экклезиаст 9:6, 10.

Мурт-биалра къаршидикес дирахIев нушала вебкIибтачил?

СЕ БАГЬАНДАН ИЛГЪУНА СУАЛ АЛКIУЛИ? Нушаб лебилтас дигулра разили амру деркIес нушачиб вархIси узиуршиличил. Мар-марли, нушаб дигулра чебаэс азизти нушала бебкIибти.

СЕ БИКIУЛИ АЛЛАГЬЛА ГЪАЙ? Бахъал бебкIибти Аллагьли мицIирбиру. ГIиса Идбагьли иб: «лебил хIяблизи кабисунти... абилзан» (Яхьяла 5:28, 29). МицIирбибти адамти бирар хIербес алжаннализиб гIеш ванзаличиб. ВегIла гIалабси пикри сабири Аллагьла алжана барес ванзаличиб (Луки 23:43). Челябкьуси замана мутIигIси адамти бирар хIербес даим и илдала бирар багьанаагарси арадеш. Аллагьла жузлизиб белкIунли саби: «Бархьдеш бузахъан адамтани букьурли кайсу ванза и хIербирар иличиб мурталра» (Забур 37:29).

ХIерая Аюб 14:14, 15; Лукала 7:11—17 ва Деяния 24:15.

Се тахIярли улгес гягIнила Аллагьлис нушала балга бакьесли?

СЕ БАГЬАНДАН ИЛГЪУНА СУАЛ АЛКIУЛИ? Лебил динлизиб адамти булгули саби. Аммаки бахъалгъунти адамтани кайсуле ахIен жаваб чула балгаличи.

СЕ БИКIУЛИ АЛЛАГЬЛА ГЪАЙ? ГIиса Идбагли бурсибариб адамти Аллагьлизи балга бурухIели бурибси пикри тикрар хIабарикъес. ГIиса Идбаг икIиб: «Аллагьлизи улгухIали цадехI гъай кIина хIайна тикрар мадирида» (Матфейла 6:7). Нушала хъIул лебвели балга Аллагьлизи бакьекъес, нушаб гIягIнили саби вагIес Аллагьлис дигIуси тахIярли улгес. Ил багьандан нушаб гIягIнили саби Аллагьла ахъри багьес ва улгес Аллагьлис дигуси тахIярли. Аллагьла гъайлизиб 1 Яхьяла 5:14 белкIуй саби: «Се тилади барахIалира Аллагьла азадешличил, Аллагь лехIирхъулисай нушачи».

ХIерая Забур 65:2; Яхьяла 14:6, 14 ва 1 Яхьала 3:22.

Се барес гIягIнили талихIчевси ветаэс?

СЕ БАГЬАНДАН ИЛГЪУНА СУАЛ АЛКIУЛИ? Бахъалгъунти адамтас гIанбиркули саби талихIчевси ветаэс багьандан гIягIнили сари арцI, давла, деза хIурмат, жагадеш. Илди къаслизи бикили саби ледилра илди даргес, аммаки талихI баргес бирули ахIен.

СЕ БИКIУЛИ АЛЛАГЬЛА ГЪАЙ? ГIисани аргьахъиб се барес гIягIнили талихIчевси ветаэс багьандан. Илини буриб: «ТалихIчевси саби касес дигути багьуди ва мягIни Аллагьла жузлизибад» (Матфейла 5:3). Нушани разидеш бургехIе кьабулбарахIели вегIла гIягIниси хIяжатдеш — хIяжатдеш багьес бархьдеш Аллагьличи ва илила пикри адамтас. Ил бархьдеш нушани баргьес дирехIе Аллагьла жузлизиб — Тауратлизивад, Забурлизивад, Инжильлизивад. Балуле хIел бархьдеш нушани дурехIе багьес се гIягIнили барес, се — агIара. Аллагьла гъайла хIуни буцили дашухIели нушала амру разиси детурар (Лукала 11:28).

ХIерая Притчи 3:5, 6, 13—18 ва 1 Тимофейла 6:9, 10.