Ni Peepee Nɛ Mawu Nyɛ

1. Mawu sɔmɔli suɔ nɔ kpakpa. E sa nɛ a nyɛ yayami peemi hu nɔ. (Lala 97:10) Lɔɔ tsɔɔ kaa a yu a he ngɛ jemi ba komɛ nɛ Mawu sume he. Mini ji subai nɔ mɛ e komɛ?

2. Ajuama Bɔmi: Nyumu kɛ yoo si huɔmi nɛ a kɛ sɛɛ gba hlami, gba puɛmi, lowe kɛ si huɔmi, tsɛ aloo nyɛbi kɛ si huɔmi, nyumu kɛ nyumu aloo yo kɛ yo si huɔmi ji yayami nɛ hɛdɔ ngɛ he ngɛ Mawu hɛ mi. (3 Mose 18:6; Romabi 1:26, 27; 1 Korintobi 6:9, 10) Ke nyumu kɛ yo sɛ we gba mi se a hii si kaa nɔ kɛ e yo ɔ, e sa nɛ a kpa se ke pi ja e tsu yo ɔ he ni nɛ a kɛ wo mla sisi.—Hebribi 13:4.

Mawu nyɛ da tɔmi, ju mi, a sɔ fiɛmi kɛ yi mi wami

3. Lakpa Yemi, Asɔ Fiɛmi, Jumi: Yehowa Mawu bi nyɛe ma ye lakpa. (Tito 1:2) Nimli nɛ a suɔ nɛ a sa e hɛ mi ɔ e sa nɛ a jɔɔ lakpa yemi. (Abɛi 6:16-19; Kolosebi 3:9, 10) Hɛkɔ piɛ a sɔ fiɛmi tsuo he. Lɔɔ he je ɔ, Kliistofohi kɛ a he wui a sɔ fiɛmi, kaa loto, okpɔngɔ fo tumi, kɛ bingo mi. (Efesobi 5:3-5) Kliistofohi ju we hu nɔ. A ji blɔ nɛ a ma he ju ni aloo a kɛ̃ nɔ ko nɛ a bi we si.—2 Mose 20:15; Efesobi 4:28.

4. Mimi Fumi, Yimi Wami: Mimi fumi nɛ a nyɛ we nɔ yemi kɛ yi mi wami ma nyɛ maa ba. (1 Mose 4:5-8) Nɔmlɔ nɛ e mi mi fumi nya hi dami bi nyɛe maa pee Mawu huɛ. (Lala 11:5; Abɛi 22:24, 25) E dɛ kaa wa maa pee nɔ ko yayami kɛ to yayami nɛ a pee wɔ nanemi.—Abɛi 24:29; Romabi 12:17-21.

5. Nyuami kɛ Mumi Tsɛmi: Nimli komɛ yaa wɔ nya kɛ ha a hiɔ tsami. Nimli komɛ nyua a he nyɛli aloo a gbeɔ mɛ po. He wami yayami nɛ hɔ ni peepee nɔ mɛ a se ɔ je Satan. Lɔɔ he je ɔ, e sɛ nɛ Kliistofohi kɛ a he wo eko mi. (5 Mose 18:9-13) Yehowa nɛ wa maa hɛ wɔ kɛ su e he tataata buu wa he kɛ siɔ nyuami nɛ ekoɔ a maa nyua wɔ.—Abɛi 18:10.

6. Daa Tɔmi: Tɔ̃mi ko be he kaa a maa nu waine, beer, aloo da nɛ he wa bɔɔ ko pɛ. (Lala 104:15; 1 Timoteo 5:23) Se da numi tsɔ kɛ da tɔmi ji yayami ngɛ Mawu hɛ mi. (1 Korintobi 5:11-13; 1 Timoteo 3:8) Da numi fuu tsɔ maa wo mo hiɔ nɛ e maa puɛ o weku ɔ. E maa ha nɛ o nɔ kai a mi ma.—Abɛi 23:20, 21, 29-35.

7. Nimli nɛ a peeɔ nihi nɛ Mawu ke a hi ɔ “a nine be Mawu matsɛ yemi ɔ nɔ sue.” (Galatabi 5:19-21) Ke o suɔ Mawu sane nitsɛ nɛ o suɔ nɛ o sa e hɛ mi ɔ, o maa kpa yayami nɔ mɛ pee mi. (1 Yohane 5:3) O kase nɛ o nyɛ nihi nɛ Mawu ke a hi ɔmɛ. (Romabi 12:9) O kɛ nimli nɛ a hɛ Mawu gbeye yemi su bɔ. (Abɛi 13:20) Kliistofohi nɛ a wa ngɛ mumi mi nɛ o kɛ mɛ maa bɔ maa ye bua mo. (Yakobo 5:14) Ngɛ lɛ tsuo pɛ se ɔ, o kɛ o he fɔ Mawu yemi kɛ buami nɔ kɛ gu sɔlemi nɔ.—Filipibi 4:6, 7, 13.

Copyright © 2008 Watch Tower Bible and Tract Society of Pennsylvania. All rights reserved.