Koddi Weyo Onafanye Dhavi Religiau Ya Ebaribari?

1. Yezu othomile religiau modha bahi ya okristu webaribari. Mwa wi ovanene onofanyela okala n’ningo nimodha bahi, obe nikuru, na alabeli ebaribari a Yehova Mulugu. (Joau 4:23, 24; Efeso 4:4, 5) Bibilia onsunziha wi añgonovi bahi banlodda rampa yoyeva enthukulela wa egumi.—Mateus 7:13, 14.

2. Bibilia ahiloga wila, ogamala okwa wa arumiwi, vañgono vañgono mmulogoni mwa ekristu mugaivolowa masunziho otakala na merelo ohikala ekristu. Alobwana agahapupurutxa anamarumela wi afare awene, othiya onfara Kristu. (Mateus 7:15, 21-23; Merelo 20:29, 30) Eji ji sabwa enonelihu religiau dhinjene dhothiana-thiana, dhinloga wila akristu. Koddi ninawodhe dhavi wawona akristu ebaribari?

3. Enatonyetxa akristu ebaribari jowi aikana okwela webaribari mukalelani. (Joau 13:34, 35) Kansunzihiwa wi onege wila baderetu vaddiddi opitha athu ena a raça yna obe kore yna. Kansunzihiwa ne vañgono wawidda athu a dhilabo dhina. (Merelo 10:34, 35) Nona, awene kanraba koddo. Akristu ebaribari aneddihana muthu na mukwaye ninga abali na arogori.—1 Joau 4:20, 21.

Akristu ebaribari ahikana okwela mukalelani, vina anomuriha Bibilia vina anolaleya Omwene wa Mulugu

4. Yowoneya yna ya religiau yebaribari jowi anamakalamoya aikana nriho nddimuwa na Bibilia. Anomurumela ninga Nzu na Mulugu vina anorumela dhinlogiye. (Joau 17:17; 2 Timoteo 3:16, 17) Anowona Nzu na Mulugu namakamaka vaddiddi opitha dhonelo obe meddelo omuthu. (Mateus 15:1-3, 7-9) Anoveda othukula egumi yawa noweddihiwa na Bibilia. Dhaene, kanlaleya elobo modha oku bagakosa yna.—Tito 1:15, 16.

5. Religiau ya ebaribari enofanyela vina othithimiha nzina na Mulugu. (Mateus 6:9) Yezu ohinoniha nzina na Mulugu, Yehova wa athu ena. Akristu ebaribari anofanyela okosa yakakene. (Joau 17:6, 26; Roma 10:13, 14) Bani, vamuruddani vawo, onloga na akwaye sabwa ya nzina na Mulugu?

6. Akristu ebaribari anofanyela olaleya Omwene wa Mulugu. Yezu ankosa ejene. Iyene akala ologavi sabwa ya Omwene. (Lukas 8:1) Owaruma wi anamasunza aye alaleye mazu akakene mu elaboni yotene. (Mateus 24:14; 28:19, 20) Akristu ebaribari anorumela wila Omwene wa Mulugu bahi onele odhana murenddele webaribari na okoyeya kakamwe va elabo eji.—Salmo 146:3-5.

7. Anamasunza a Yezu anakose wene epaddi ya elabo eji yotakala. (Joau 17:16) Kanivivolotxa mmakanini apolitika, ne mmagudulanoni a athu elabo. Anorabela mweddelo, na merelo vina mikalelo dhinjene dhowakwaneliwa mwilaboni mpu. (Tiago 1:27; 4:4) Koddi weyo onowodha wona vamuruddani vawo nikuru na religiau nokana mitonyo dholagiha, dhintonya okristu webaribari?

Copyright © 2008 Watch Tower Bible and Tract Society of Pennsylvania. All rights reserved.