Ddiabo Bani?

1. Nzu nthi ninloga “ddiabo” ninimwaddana oddule onloga dhothambi dhabure wa muthu mwina. “Satana” entapulela muwogo obe namapambiya. Bu mulogelo obwene onvahiwa muwogo munddimuwa a Mulugu. Omaromelo, iyene ali mungelo oligana odhulu, vamodha na Mulugu. Mwa dhaene, musongorhomwa iyene olovinyengetha vaddiddi bagafuna wi alabeliwe iyene olabeliwa okule oli txibarene wa Mulugu bahi.—Mateus 4:8-10.

2. Mungelo oddu, Satana, ohiloga na Eva bagalogiha nowa. Na sabwa yomwaddela dhothambi, omukosiha wi amuddawele Mulugu. Dhaene Satana ohitatamula ejile entxemeriwa “othonga onddimuwa” obe nburo wa Mulugu, ninga Mudhulu-dhulu. Satana ovaha muladdu mukalelo onthoga Mulugu, akala wali waderetu na dhofuneya dhotene dha athu Aye. Satana vina ohitota waganyedha akala muthu oli otene agaikala ororomeleia wa Mulugu. Satana oikala dhaene muwogo a Mulugu. Sabwa ya ejene ohiroma otxemeriwa na Satana, Ddiabo.—Wita 3:1-5; Jobi 1:8-11; Ovuhulela 12:9.

3. Satana onoveda wanyengetha athu wi amulabele iyene. (2 Korinto 11:3, 14) Mukalelo mmodha onapupurutxiena athu ji religiau ya othambi. Religiau egasunziyaga dhothambi mwa Mulugu, eji txibarene enlabela dhofuna dha Satana. (Joau 8:44) Anamasunza a mareligiau othambi, anorumela vina anona ninga txibarene wene anomulabela Mulugu. Mbwenye mwa ebaribari animulabela Satana. Iyene ddi ‘mulugu a elabo’.—2 Korinto 4:4.

Religiau ya othambi, olabela mizimu vina ofunetxa nlogo dhinowapupurutxa athu

4. Olabela mizimu bu mukalelo mwina wa Satana wawoniya athu goy. Athu aba mudhidhi mwina anokuwela mizimu wi dhawañganele, wi dhatabutxe athu ena, wi ombeze dha musongorho obe wi akose masalapitho. Satana ddi guru ya bure vaddiddi mundduni mwa makoselo aba. Wi nimuzivelihe Mulugu, kanimfanyela okana elobo eli yotene na olabela mizimu.—Deuteronomo 18:10-12; Merelo 19:18, 19.

5. Satana onowapupurutxa vina athu na ovithukulela wa nlogo na webedha malogo apolitika. Athu ena anona ninga elabo yawa obe nlogo nawa, thili naderetu vaddiddi opitha nakwawa. Eji kayo ebaribari. (Merelo 10:34, 35) Ena anojedhela wi malogo apolitika agomye makathamio athu. Na ejene, awene anokodda Omwene wa Mulugu. Obu buli namagomiha wa makathamiho ehu.—Danieli 2:44.

Kamurabele Satana na bugakalavi wosunza elobo sabwa ya Yehova

6. Mukalelo mwina onapupurutxana Satana athu onowaweha na ofuna okosa dhoddawa. Yehova onloga wi ninofanyela orabela okosa dhoddawa, sabwani ohiziwa wila sabure dhinonivoreya. (Galasia 6:7, 8) Athu ena anofuna wila weyo okosege dhabure vamodha nawene. Kobuwela, ngani, wila txibarene ddi Satana onfuna wila weyo okose dhilobo esi.—1 Korinto 6:9, 10; 15:33.

7. Satana mudhidhi mwina onolaba na ofarafara obe opambiya wi othianihe na Yehova. Amudhi awo ena mudhidhi mwina anonyandduwa vaddiddi sabwani weyo onomusunza Bibilia. Enagu anowubedda. Mbwenye weyo onimwañgana ani mwa egumi yawo? Satana onfuna otxutxe wi othiye osunza elobo eli yotene ya Yehova. Onamuthiye wene wi Satana athidde mperhe! (Mateus 10:34-39; 1 Peduru 5:8, 9) Ogavilibiya na omuthawa Ddiabo, weyo onela omukaliha Yehova oziveliwa vina onolagiya wi txibarene onovunela othonga Waye onddimuwa.—Vimarya 27:11.

Copyright © 2008 Watch Tower Bible and Tract Society of Pennsylvania. All rights reserved.