Koddi Weyo Onaziwe Dhavi Txini Enfuna Mulugu - Web Site Orumeeleliwe wa Anamoona a Yehova

Web Site Orumeeleliwe wa Anamoona a Yehova

Beliefs

Future

Koddi Mulugu Onfuna Nya Wa Iyo?

Nsunzo 1

Koddi Weyo Onaziwe Dhavi Txini Enfuna Mulugu
	Koddi mazu gani amakamaka abuwene ana Bibilia? (1)
	Mwinya a Bibilia bani? (2)
	Sabwa gani enfuneyela weyo wi omusunze Bibilia? (3)

1. Bibilia mvaho woñganimela wa Mulugu. Eli ninga karta ya baba wokwela na anaye. Ononipanga ebaribari sabwa ya Mulugu—iyene bani vina entapulelye. Ononaddela koddi ninawane dhavi na makathamio vina nifanye dhavi osanzaya wa ebaribari. Bibilia bahi ononipanga enfanyelihu okosa wi nimuzivelihe Mulugu.—Salmo 1:1-3; Izaia 48:17, 18.

2. Bibilia olebiwe na alobwana owakwanela 40, mudhidhi wa nsaka dha vyaka 1.600, oromana 1513 A.E.C. Ona manivuru mañgono owakana 66. Anamaleba a Bibilia avudheleliwe na Mulugu. Alebile dhubuwelo dhaye, kayo dhawa. Vowi Mulugu, odhulu othiya muthu muthuvi, vatapano ddili Mwinya a Bibilia.—2 Timoteo 3:16, 17; 2 Peduru 1:20, 21.

3. Mulugu azuzumela wona wi Bibilia asaziwe vina akoiwe moligana. Mabibilia menjene aisasanyiwa opitha nivuru nivuruvi niliwo. Kayo wila athu otene anoziveliwa wila weyo omusunze Bibilia, mbwenye onathie wi ejiwene yukathamie. Osongorho wawo wamukalakala onawodheie wene weyo ogafiedha omuziwa Mulugu na okosa efunelo Yaie, vari va opambihiwa oli wotene.—Mateus 5:10-12; Joau 17:3.

Elebiwe yaka ya 1997
Copyright © 2008 Watch Tower Bible and Tract Society of Pennsylvania. All rights reserved.