Hinengge yan Kostumbre siha Nui Ti Hagoflamen si Yuus

Si Yuus ti i Trinidat

1. Ti todu hinengge yan kostumbre siha man baba. Lao si Yuus tihaaprueba pot siha yangin ginen i mandage na relihion pat kontra gi fina’na’guen i Biblia siha.—Matthew 15:6.

2. Trinidat: Kao si Jehovah i Trinidat?—tres petsona gi un Yuus? Ahe! Si Jehovah, i Tata, “i uniku magahet na Yuus.” (John 17:3; Mark 12:29) Si Jesus i primet na Lahiña, yan haapela gue’ as Yuus. (1 Corinthians 11:3) I Tata tatkilo’ña kinui Lahiña. (John 14:28) I espiritu santo ti petsona; este i aktibu na fuetsan Yuus.—Genesis 1:2; Acts 2:18.

Krismas yan Pasgua matto ginen antes timagahet relihion siha

Taya’ nihafa na rason para taadora i matai

3. Krismas yan Pasgua: Si Jesus timafañago gi Diciembre 25. Mafañago gue’ hihot gi Oktrube 1, i tiempo annai i pastot siha mapo’lu i ga’ñiha siha gi sumanhiyong an pueñge. (Luke 2:8-12) Si Jesus taya’ nai hakomanda i man Christiano siha para umaselebra i mafañaguña. Enlugat, hasañgane i man disipuluña siha para uhamemorialisa, pat mahasso, i finataiña. (Luke 22:19, 20) I Krismas yan i kostunbrenñiha man ginen i antes timan magahet na relihion siha. Parehuha’ timinagahetñiha pot i kostumbren Pasgua, tatkomu i mausan chada’ siha yan kunehhiu siha. I man fine’nana na Christiano siha timaselebra i Krismas pat Pasgua, ni i magahet na man Christiano pa’go.

4. Kompliaños: I uniku dos kompliaños selebrasion masañgan gi halom i Biblia maselebra nui petsona siha ayo i tiumadora si Jehovah. (Genesis 40:20-22; Mark 6:21, 22, 24-27) I man fine’nana na Christiano ti maselebra i kompliaños siha. I kostumbren maselelebra kompliaños matto ginen i antes timagahet na relihion siha. Man magahet na man Christiano manman regalo yan manmagof gi otru tiempo siha duranten i sakan.

5. Minaa’ñao pot i Matai: I matai tisiña hacho’gue ni hafafa pat usiente hafa. Tisiña taayuda siha, yan tisiña hana’fan daño hit. (Psalm 146:4; Ecclesiastes 9:5, 10) I taotao matai; tiluma’la’gue’ despues de matai. (Ezekiel 18:4) Lao guaha na biahe nai i manailayen anghet siha, maagang dimonio siha, mapritendi komu i espiritun ayo siha i manmatai. Masea hafa na kostumbre nui guinahayi nui minaa’ñao pot pat adorasion pot i matai man lachi.—Isaiah 8:19.

6. Kilu’os: Si Jesus timumatai gue’ gi kilu’os. Matai gue’ gi palu, pat gi estaka. I matranslada na fino’ Greek “kilu’os” gi memegaiña na Biblia siha kumeke ilekña unoha’ na pidason hayu. I simbulun i kilu’os mafatto ginen i antes timagahet relihion siha. I kilu’os timausa pat maadora nui man fine’nana na man Christiano. Pot esu, kao unhasso mohon na este usiña tunas para mausa i kilu’os gi adorasion?—Deuteronomy 7:26; 1 Corinthians 10:14.

7. Siñaha’na sen makkat maabandona este siha na hinengge yan kostumbre siha. Manparientes yan manamigo siha siñaha’ machagi para unmakombensi ti para untulaika i hinenggemmu siha. Lao i takomplalase si Yuus i mas impottante kinu takomplalase i taotao.—Proverbs 29:25; Matthew 10:36, 37.

Copyright © 2006 Watch Tower Bible and Tract Society of Pennsylvania. All rights reserved.