Hafa i Rainon Yuus?

1. Gi annai gaige gue’ gi tano’, si Jesus hafa’na’gue i man tinatenña man manaitai pot i Rainon Yuus. I raino i un gobietnamento nui minananda nui i rai. I Gobietnamenton Yuus un espesiat gobietnamento. Mapega este gi lañgit ya para ufan manda gi hilo’ este i tano’. Para una’ gasgas, pat una’ santo, i na’an Yuus. Para ukosa i minalago’ Yuus para umana’ fonhayan guine gi tano’ komu i lañgit.—Matthew 6:9, 10.

2. Si Yuus haprometi na si Jesus para u siempre i Rai pot Rainonña. (Luke 1:30-33) Gi annai gaige si Jesus gi tano’, Haprueba na guiya para u amapble, husto, yan prifekto na Gobietnadot. Gi annai habira gue’ guatu gi lañgit, ti mata’chong gue’ ensigidas komu Rai gi Rainon Yuus. (Hebrews 10:12, 13) Gi 1914, si Jehovah hana’e si Jesus nui autoridat ni’ Ha prometi gue’. Desde ayo, si Jesus man gobietna gi lañgit komu maapunta na Rai Yuus.—Daniel 7:13, 14.

3. Si Jehovah guaha siha haayek lokkue’ man fehman na lalahi yan famalao’an ginen i tano’ para ufan hanao para i lañgit. Siha para uhafañiha yan si Jesus manman manda komu man rai, hues, yan mamale’ siha gi hilo’ i tinaotao. (Luke 22:32; Revelation 5:9, 10) Si Jesus haagang este siha i manga’chongña siha gi Raino i “dikike’ inetnon.” Numeronñiha este 144,000.—Luke 12:32; Revelation 14:1-3.

4. Ti apmam despues de Rumai si Jesus, hayute’ si Satanas yan i manailaye na anghet siha huyong ginen i lañgit yan papa’ para i uriyan i tano’. Enao mina’ i sistema sumen baba guine gi tano’ desde i 1914. (Revelation 12:9, 12) Gera, ha’ilas, pesti, binilalaye kontradisen lai siha—todu este siha man patte gi “señat” inendidika na si Jesus man mamanda yan na este na sistema gaige gi man uttimo tiempo siha.—Matthew 24:3, 7, 8, 12; Luke 21:10, 11; 2 Timothy 3:1-5.

5. Ti apmam si Jesus para uhusga i taotao siha, hasepapara siha komu un pastot hasepara i kinilu ginen i chiba siha. I “kinilu siha” ayo i para uhaprueba siha na manfehman mantinatenña. Siha para uharesibi taihinekkok na lina’la’ gi tano’. I “chiba siha” ayo i para uhachanda i Rainon Yuus. (Matthew 25:31-34, 46) Gi ti uchagugo’, si Jesus para udestrosa todus ayo i manchiba siha. (2 Thessalonians 1:6-9) Yangin malago’ hao umuno gi “kinilon” Jesus, debi di unekuñgok i mensahen i Raino ya uncho’gue i hafa untuñgo’.—Matthew 24:14.

Gi papa’ i mandasion Jesus, para utaya’ inachatli’e’ pat pethudika

6. Pa’go i tano’ madibi gi meggai siha na nasion gi tano’. Kada uno guaha gobietnonña. Este siha na nasion man mumumo unos yan otros. Lao i Rainon Yuus para ukuentayi todu i gobietnon tinaotao siha. Para ufan manda komu i unikuha’ na gobietnamento gi hilo’ i enteru i tano’. (Daniel 2:44) Despues para utaya esta gera, kriminat, yan babarias. Todu i taotao siha para ufan la’la’ parehu gi pas yan man etnon.—Micah 4:3, 4.

7. Duranten I Mit Años na Rainon Jesus, man fehman siha na tinaotao para ufan prifekto, ya i enteru i tano para ufama’ un paradisu. Gi uttimon i mit años, si Jesus para una’fonhayan todu i tinago’ gue’ as Yuus para ucho’gue. Despues para una’na’lu tatte i Raino gi as Tataña. (1 Corinthians 15:24) Hafa mohon ya un sañgane siha man amigumo yan man guinaiyammu pot hafa i Rainon Yuus para ucho’gue?

Copyright © 2006 Watch Tower Bible and Tract Society of Pennsylvania. All rights reserved.