 |
Beliefs | Future | Medical | Topics | Contact Us | Publications | Languages |
| Hafa si Yuus Hadimanda nu Hita? | Leksion 5  |
Hafa i Propositun Yuus pot i Tano’? |
|
 |
Sa’ pot hafa si Jehovah na hana’huyong i tano’? (1, 2) |
|
Sa’ pot hafa na i tano’ ti paradisu pa’go? (3) |
|
Hafa para humuyongña i manailaye na taotao siha? (4) |
|
Gi man mamamaila’, hafa para ucho’gue si Jesus pot i man malañgo? i man amko’? i man matai? (5, 6) |
|
Para un saonao gi mamamaila’ na bendision siha, hafa nisisario para un cho’gue? (7) |
1. Si Jehovah hana’huyong este i tano’ kosaki siña i tinaotao uhagosa i lina’la’ñiha guine para siempre. Hamalagu’e na todu i tiempo i tano’ umasagagaye nui manunas, man magof na taotao siha. (Psalm 115:16; Isaiah 45:18) I tano’ para ni ñgaian nai uma destrosa; para ugagaigeha’ para siempre.—Psalm 104:5; Ecclesiastes 1:4. 2. Antes de si Yuus hafa’tinas i taotao, Haayek un dikike’ na patte gi tano’ ya hafa’tinas un gatbon paradisu. Haagang enao i hatdin Eden. Enao nai ha po’lu i fine’nana na lahi yan palau’an, si Atdan yan si Eba. Si Yuus ha proposituye para siha i para ufan gai famagu’on ya umana’ bula enteru i tano’. Entanto i tiempo siha para umafa’ paradisu enteru i tano’.—Genesis 1:28; 2:8, 15.
3. Si Atdan yan si Eba boluntatmente man isao mayuyulang i lai Yuus. Entonses si Jehovah halaknos siha huyong ginen i hatdin Eden. Mumaliñgo i Paradisu. (Genesis 3:1-6, 23) Lao si Jehovah ti mumaleffa nui proposituña pot este i tano’. Ha prumeti esta na para ufa’ paradisu, gi annai i tinaotao siha para ufan la’la’ para siempre. Taimanu para cho’guenña nueste?—Psalm 37:29. 4. Antes de usiña mama’ paradisu este i tano’, i manailaye siha na taotao debi di umana’ fañuha. (Psalm 37:38) Este para umasusedi gi Armageddon, nui geran Yuus para udestrosa siha i manailaye. Despues, si Satanas para uma kalabosu para 1,000 años. Este kumeke ilekña na taya niun tailaye para usopplu para una’ tailaye i tano’. I taotao Yuusha’ para ufan safu.—Revelation 16:14, 16; 20:1-3. 5. Entonses si Jesus Kristo para ufan manda komu Rai gi hilo este i tano’ para 1,000 años. (Revelation 20:6) Adumidide’ para una’ suha i isao ginen i hinasotta yan tataotaota. Hita para utafan prifekto na taotao taimanuha’ si Atdan yan si Eba antes de uhafan isao. Entonses para utaya’ esta minalañgo, inamko’, yan finatai. I man malañgo na taotao siha para umana’fan homlo’, ya i amko’ na petsona siha para ufan hoben ta’lo.—Job 33:25; Isaiah 33:24; Revelation 21:3, 4. 6. Duranten i mit años na mandasion Jesus, man fehman siha na taotao para ufan macho’cho’ para umatarabira enteru i tano’ para ufama’ paradisu. (Luke 23:43) Lokkue’, miyon siha na manmatai para umana’fañgahulo’ manla’la’ na taotao gi tano’. (Acts 24:15) Yangin macho’gue hafa si Yuus hamalagu’e nusiha, para uhakontinua manla’la’ gi tano’ para siempre. Yangin ahe’, para ufan madestrosa para siempre.—John 5:28, 29; Revelation 20:11-15. 7. I orihinat na propositun Yuus pot i tano’ entonses para ufonhayan. Kao un malagu’e sumaonao gi halom este i mamamaila’ na bendision siha? Yangin un malagu’e, nesisita un sisigeha’ tumutuñgo’ pot si Jehovah yan un oosgeha’ siha i minalago’ña siha. I un atietiende i hunta siha gi Kingdom Hall i Testigon Jehovah i para un inayuda chumo’gue este siha.—Isaiah 11:9; Hebrews 10:24, 25.
|
Maimprenta gi 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
