Hayi si Jesus Kristo?

1. Si Jesus luma’la’ gi lañgit komu un espiritu na petsona antes de ufatto gi tano’. Guiya i fine’nana na nina’huyong Yuus, ya entonses maagang i “primet” Lahen Yuus. (Colossians 1:15; Revelation 3:14) Si Jesus i uniku na Lahen Yuus nui nina’huyongña mismo. Si Jehovah hausa i antes de tumaotao as Jesus komu i “ma’gas fafacho’cho’” gi nina’huyong todus i pumalu siha gi lañgit yan gi tano’. (Proverbs 8:22-31; Colossians 1:16, 17) Si Yuus hausa gue’ lokkue’ komu i primeru na Tintago’ña. Enao na si Jesus maagang “i Palabra.”—John 1:1-3; Revelation 19:13.

2. Si Yuus hana’hanao i Lahiña para i tano’ gi hatransfeferi i lina’la’ña guatu gi tiyan Maria. Entonses si Jesus taitata tatan tano’. Enao mina’ tai minancha gue’ ni hafa na isao pat linachi. Si Yuus hana’ hanao si Jesus para i tano’ pot tres rason: (1) Para ufa’na’gue hit nui i minagahet pot si Yuus (John 18:37), (2) para usustiene i tinas minaolekña, hapribininiye hit nui i modeluña para utatatiyi (1 Peter 2:21), yan (3) para usakrifisia i tataotaoña para una’fan libre hit ginen i isao yan finatai. Sa’ pot hafa na nisisario este?—Matthew 20:28.

3. Sa’ pot ti ma oosge i tinago’ Yuus, i fine’nana na taotao, si Atdan, hakumeti hafa i Biblia haagang “isao.” Entonses si Yuus hasintensia gue’ para finatai. (Genesis 3:17-19) Esta ti hadalalake i tinago’ Yuus siha, entonses esta ti tunas gue’. Dispasiusiu umaamko’ ya matai. Si Atdan hapasa i isao gi todus i famagu’onña. Enao mina’ hita lokkue’ man amko’ hit, man malañgo hit, yan man matai. Haftaimanu i tinaotao nai siña man safu?—Romans 3:23; 5:12.

4. Si Jesus un prifekto na taotao taimanuha’ si Atdan. Ti kulan si Atdan, masea, si Jesus tunanas obidientenña as Yuus gi masea i itmas makat na chinagi. Enao mina siña hasakrifisia i prifekto lina’la’ tataotaoña para uapase pot isao Atdan. Este i hafa hasañgan i Biblia komu i “reskata.” I famagu’on Atdan entonses sumiña mana’fanhuyong ginen i kondenasion para finatai. Todu i pumo’lu konfiansanñiha as Jesus siña man maasi’e i isaoñiha ya uma resibe i taihinekkok lina’la’.—1 Timothy 2:5, 6; John 3:16; Romans 5:18, 19.

i pinagat Jesus mainkluso fina’na’gue, che’cho’ milagro siha, yan lokkue’ i haofresi i lina’la’ña pot hita

5. Gi annai estaba gue’ gi tano’ si Jesus hana’homlo’ i malañgo, hana’fañocho i man ñalang, yan hana’ para mat tiempo siha. Hana’fañgahulo’ i man matai lokkue’. Sa’ pot hafa na hacho’gue milagro siha? (1) Nina’ pinite nui taotao siha nui man mamadedesi, ya malago’ na para uayuda siha. (2) I milagruña siha haprueba na guiya i Lahen Yuus. (3) Este siha hana’mali’e’ hafa para ucho’gue nui man obidiente na tinaotao yangin tumacho gue’ komu Rai gi hilo’ tano’.—Matthew 14:14; Mark 2:10-12; John 5:28, 29.

6. Si Jesus mumatai yan luma’la’ ginen as Yuus komu un espiritu na lina’la’, ya habira gue’ guatu gi lañgit. (1 Peter 3:18) Desde ayo, si Yuus hana’ Rai gue’. Tiuchagogo’ si Jesus para una‘suha todu i manailaye yan pinadesi ginen este i tano’.—Psalm 37:9-11; Proverbs 2:21, 22.

Copyright © 2006 Watch Tower Bible and Tract Society of Pennsylvania. All rights reserved.