Bajche’ mi mejlel a ña’tan chuqui mi’ c’ajtin Dios

1. Jini Biblia jiñʌch jump’ejl wen ñuc bʌ lac majtan ti Dios. Che’ bajche’ jump’ejl carta mu’ bʌ i choc majlel juntiquil tatʌl ti’ tojlel i yalobilob. Mi’ subeñonla i sujmlel cha’an Dios: majqui, yic’ot baqui tac bʌ jini i mandar. Mi’ tsictesan bajche’ mi lac loq’uel ti cabʌl wocol yic’ot bajche’ mi lac taj i sujmlel bʌ tijicñʌyel. Cojach jini Biblia mi’ subeñonla chuqui yom mi lac mel, cha’an uts’at mi’ q’uelonla Dios (Salmo 1:1-3; Isaías 48:17, 18).

2. Jini Biblia tsa’ ts’ijbunti ti cuarenta winicob tsa’ jal’a ti ts’ijbuntel mil seiscientos jab, tsa’ tejchi che’ ti 1513 che’ bʌ maxto i yilal pañimil Cristo. Mi’ ch’ʌm tilel 66 yalo’ libro tac. Jini xts’ijbujelob tsa’ subentiyob ti Dios chuqui mi’ ts’ijbuñob, ti yʌlol, tsi’ ts’ijbubeyob i Ña’tʌbal Dios, mach i bajñel cha’añobic. Jini cha’an, i Yʌc’bal bʌ ti ts’ijbuntel jini Biblia mach juntiquil winic ila ti Pañimil, jiñʌch jini Dios am bʌ ti panchan (2 Timoteo 3:16, 17; 2 Pedro 1:20, 21).

3. Dios tsi’ q’uele jini Biblia cha’an ts’ʌcʌl mi’ ts’ijbuntel, yic’ot cha’an mi’ jal’an. Tsa’ix wen loc’sʌnti i copiajlel jini Biblia, ñumento bajche’ yan tac bʌ libro. Mach ti’ pejtelobic mi caj i yubiñob i tijicñʌyel che’ woli a chajpan jini Biblia, pero mach jinic, mu’ bʌ mejlel i mʌctañet. Come jini a wom bʌ ma’ taj ti pejtelel ora, jiñʌch che’ mi c’otel a cʌn Dios yic’ot che’ ma’ melben i ye’tel anquese an a ts’a’lentel (Mateo 5:10-12; Juan 17:3).

Copyright © 2009 Watch Tower Bible and Tract Society of Pennsylvania. All rights reserved.