Tôkantragno Magnano Raha Tian-Jagnahary

1. Zakeny Beboly fô ny lilahy no lôhany agnaty tôkantragno. (1 Korintianina 11:3) Tôkony ho reka foagna ny vadiny. Tôkony ho vita mariazy ara-dalàgna zareo roy minamagna.—1 Timoty 3:2; Titosy 3:1.

2. Karaha ny fitiavan-dilahy ny tegnany no tôkony hitiavany ny vadiny. Karaha tamy nitondrasan’i Jesosy ny mpianagny no tôkony hitondrasany vadiny. (Efesianina 5:25, 28, 29) Tsy tôkony lamohiny na koà ampijalìny velively ny vadiny. Tôkony amiany haja amboàna voninahitra ndreka izy.—Kolosianina 3:19; 1 Petera 3:7.

Magnomià raha ileny vadiny amboàn-janagny amy lafiny ara-pagnahy avakeo ara-nofo, ny iaba tegna tià

3. Tôkony hiasa mafy ny iaban-jaza mbôra hikarakarany vadiny amboàn-janagny. Tsy mentsy amiany hanigna, raha tafiagna, avakeo tragno ipitrahagna, vadiny amboàn-janagny. Tsy mentsy amiany raha ileny ara-pagnahy koà zareo. (1 Timoty 5:8) Izy managna andrekitra voalôhany hampianatra ny vadiny amboàn-janagny raha mikasika Zagnahary avakeo ny raha kasen-Jagnahary anoigna.—Deoteronomia 6:4-9; Efesianina 6:4.

4. Ny viavy tôkony hitahy tsara be ny vadiny. (Genesisy 2:18; fagnamarihagna ambany pejy) Tôkony hitahy ny vadiny izy amy fampianaragna ny zanakan-jareo. (Ohabolana 1:8) Angahoin’i Jehovah koà ny viavy hikarakara am-pitiavagna vadiny amboàn-janagny. (Ohabolana 31:10, 15, 26, 27; Titosy 2:4, 5) Tôkony hajeny mafy io vadiny io.—Efesianina 5:22, 23, 33.

5. Angahoin-Jagnahary ny hagnikiany zanaka iabany amboàn-dreniny. (Efesianina 6:1-3) Ny iaba amboàna reny koà angahoin-Jagnahary hagnanatra sady hampianatra ny zanagny. Mila manôkagna fotoagna iarahagna amin-janagny zareo, sady mila mianatra Beboly miaraka aminanjy. Magnomià zegny raha ilen-janagny ara-pagnahy sady ara-pihetseham-pô zareo aminjey. (Deoteronomia 11:18, 19; Ohabolana 22:6, 15) Tsy tôkony ho vignitra na masiaka ny aba amboàna reny, izikoà fa mampisazy na mamely zanagny.—Kolosianina 3:21.

Angahoin-Jagnahary ny hampianaragna sady hagnanaran’iaba amboàna reny ny zanakan-jareo

6. Tôkony hifegna hagnaraka torohevitry ny Beboly ny ôlon-droy minamagna, izikoà fa tsy mifagnaraka. Mandrisika mafy antsika ny Beboly mbô hifankatià sady hifamela heloka. (Kolosianina 3:12-14) Tsy mandrisika antsika hisintaka ny Tenin-Jagnahary, izikoà fa misy olagna madinidinika. Mety hanapa-kevitra hisintaka anefa ny viavy, izikoà fa 1) midrikigna tsy avy amelogna ny vadiny amboàn-janagny ny lilahy, 2) mamopòka vady sady masiaka be ny lilahy, ka atahôragna se amparary na koà hafaty ny viavy, 3) sakanany lilahy io dila loatra mbôra tsy hanompo an’i Jehovah ny vadiny.—1 Korintianina 7:12, 13.

7. Tsy tôkony hisengy ny ôlogna manambady. Fahotagna amin-Jagnahary sady amy vadin-tegna zegny. (Hebreo 13:4) Ny fisingiagna foagna no antony ikeny Beboly hisaraham-panambadiagna avakeo ahafahagna manambady ndreka. Dikany fisingiagna zegny de fagnanovagna firesagna amin’ôlogna tsy vadin-tegna. (Matio 19:6-9; Romanina 7:2, 3) Halan’i Jehovah izikoà misara-panambadiagna ny ôlon-droy minamagna, kanefa tsisy antony avy amy Sôratra Masigna aby. Halany koà, izikoà manambady ôlon-trafa ndreka koà igny ôlogna igny.—Malakia 2:14-16.

Copyright © 2009 Watch Tower Bible and Tract Society of Pennsylvania. All rights reserved.