Yupesi ko Lötiöt Logon Ti Tulyöŋgu Ŋun

Ŋun ’bayin a Musala Dumalak

1. Ti gwon adi yupesi liŋ ko lötiöt a lorok. Ama Ŋun ti ruk se ko se po i keri lo ’burönö kode ko se ti torukökin ko todinesi ti Bibilia.—Matayo 15:6.

2. Musala Dumalak: Yekowa ŋona a Musala Dumalak—ŋutu musala logwon a Ŋun geleŋ? ’Bayin sona! Yekowa, Monye lo, nye “logon a Ŋun lo to’diri geleŋ.” (Yoane 17:3, NW; Marako 12:29) Yesu a Ŋuro Lonyit kayu, ko lepeŋ yiŋga kulya ti Ŋun. (1 Korinto 11:3) Monye a duma totoŋun Ŋuro. (Yoane 14:28) Mulökötyö loke ’bayin a ŋuto; lepeŋ a riŋit na Ŋun kitaet.—Suluet 1:2; Konesi 2:18.

Krismas ko Ista pipilundya i keriat ’burönök ti ’beron

Kwe ’bayin i twöju kode i kujönö na se na lo twatwa

3. Krismas ko Ista: Yesu ako yuŋwe i perok 25 ti yapato Puök Wot Murek. Lepeŋ a yuŋwe nyona ko lor 1 lo Yapato Puök, i diŋit na kiŋa nagon kayukuk tiju yidin kase kwaje i midijik kaŋo. (Luka 2:8-12) Yesu kwöŋ ako sarakin Kristianijin i kondya na budu lo yuŋwe nanyit. Kölum, nye a takin kayiyiŋak kanyit i yeyeju, kode kondya, na twan nanyit. (Luka 22:19, 20) Krismas ko lötiöt kanyit po i keriat, burönök ti ’beron. Gwon sona köti i kulya ti puputun na budu lo Ista, gwoso ko kitarikin na katelok ko likitolon. Kristianijin ti ’beron köju ako kondya budu lo Krismas kode lo Ista, gwon sona köti ko Kristianijin ti to’diri ti soŋinana.

4. Perok Yuŋwesi: Budujin murek tuŋ ti perok yuŋwesi logon a ’dinya kulya kase i Bibilia köju kona ko ŋutu logon ti kwakwadu Yekowa. (Suluet 40:20-22; Marako 6:21, 22, 24-27) Kristianijin ti kokwe ’beron ako kondya budu lo perok yuŋwesi. Löti lo konani budu lo perok yuŋwesi puputun i keriat ’burönök ti ’beron. Kristianijin ti to’diri titindu ’dokesi ko gwogwon ko diŋitan lyöŋesi i pirit na geleŋ i diŋitan kune ti kiŋa.

5. Kujönö na lo Twatwa: Lo twatwa ti bulö kondya kode yeyeju nene ŋo. Yi ti bulö ŋarakindya se, ko lepeŋat ti bulö tomijö yi. (Saumajin 146:4; Katokuönit 9:5, 10) Ködudwö na twatwan; lepeŋ ti yeŋon jörun i mukök na twan. (Ejikele 18:4) Ama i kune diŋitan malaikajin lorok, lo luŋu a mulökö lorok, tomirakindya ’börik adi se kilo a mulökö ti ŋutu lo twatwa. Lötiöt liŋ geleŋ geleŋ logwon ko kujönö kode twöju ŋutu lo twatwa a lorok.—Yisaya 8:19.

6. Kuruse: Yesu ako twakin i kuruse. Lepeŋ twakin i ködini, kode i ködini lo ’bekoni lepeŋ anyen totoŋoŋa. Kulyaet lo Giriki lo nyönyökö a “kuruse” i Bibilia jore a nyönyökö a ködini geleŋ tuŋ. Kweyet na kuruse na pipilundya i keriat ’burönök ti ’beron. Kuruse na köju ako kitarikin kode a twöyi ko Kristianijin ti ’beron. Ko ŋina, kwe do yeyeju adi ŋona a na’but i kitari na kuruse i kwakwadu?—Nyökit 7:26; 1 Korinto 10:14.

7. I kune diŋitan gwon a naggo parik i kö’yu na kune ti kine yupesi ko lötiöt. Karo ko julin bubulö mörju ri’dikindya na do anyen do gwon ti löpuggö könut i yupesi. Ama tulyöŋgu na Ŋun a na’but parik lwölwöŋ tulyöŋgu na ŋutu.—Tolupesi 29:25; Matayo 10:36, 37.

Copyright © 2006 Watch Tower Bible and Tract Society of Pennsylvania. All rights reserved.