 |
Beliefs | Future | Medical | Topics | Contact Us | Publications | Languages |
| Ŋun ’Dek Nyo Kayaŋ? | Todinet 2  |
Ŋun a Ŋa? |
|
 |
Ŋun lo to’diri lo a ŋa, ko karin kanyit a ŋa? (1, 2) |
|
Lepeŋ gwon ko lon gweyari lo mugun? (3) |
|
Kunen gwuluesi kanyit na puruun koke? (4) |
|
A na’but ŋona ko yi tokitaju nyimuejin ko miresi i kwakwadu nikaŋ na lepeŋ? (5) |
|
Kulon kikolin lo murek logon bubulö tikindya yi i dendya na Ŋun? (6) |
1. Ŋutu twöju ŋo jore. Ama Bibilia tukökindyö yi adi Ŋun lo TO’DIRI lo geleŋ tuŋ. Lepeŋ lo gweja ŋo liŋ logwon ki a ko logwon kak ni. Kogwon nye lo tikindya yi gwiliŋet, nye köti Geleŋ ködyö lo kwakwasa.—1 Korinto 8:5, 6; Kweyatti 4:11.
2. Ŋun gwon ko karin ’bu’busesi jore ama ko karin geleŋ tuŋ. Kine karin a YEKOWA. I Bibiliajin jore, karin ti Ŋun kune a ’dumaji kaŋo a lopuköni ko karin ’bu’busesi nagon a MATAT kode ŊUN. Ama köju na wuröni Bibilia nu, karin nagon a Yekowa kune a puru daŋin 7,000!—Yuörö 3:15; Saumajin 83:18. 3. Yekowa gwon ko mugun, ama ti gwon gwoso nikaŋ na. “Ŋun a Mulökötyo,” Bibilia na a jambu. (Yoane 4:24) Mulökötyo lo a gweyari lo gwiliŋit logon a toŋun likaŋ lo. Ŋutu ’bayin logon a met Ŋun kwöŋ. Yekowa si’da i ’diko, ama lepeŋ memet ŋo liŋ. (Saumajin 11:4, 5; Yoane 1:18) Mulökötyö loke lo ŋona anyo? Ti gwon a ŋuto gwoso Ŋun. I tugwakan, ŋina a riŋit kitayet na Ŋun.—Saumajin 104:30. 4. Bibilia na a kwekindya yi gwiliŋet lo Yekowa. Lepeŋ kweja adi gwuluesi kanyit na puruun koke a nyarju, rigwo, koŋon, a ko riŋit. (Nyökit 32:4; Eyobo 12:13; Yisaya 40:26; 1 Yoane 4:8) Bibilia köti tukökindyö yi adi lepeŋ a kayatanit, gwon ko töili lo lilik, kapitönit, ’dogga abur, mömöndu taliŋ. Ama yi, gwoso ŋwajik katwöyök, ködyö mirakindya lepeŋ.—Epeso 5:1, 2.
5. Ŋona a na’but ko yi rugwuŋöki kak kode twöju nyimuejin, ŋöjinö, kode mireesi i kwakwadu nikaŋ le? ’Bayin sona! (Yuörö 20:4, 5) Yekowa jambu adi ti yi kwakwadi nye geleŋ. Lepeŋ ti’bön ŋara na minyo lonyit ko lele ŋuto kode lele ŋo. Nyimuejin ’bak riŋit na ŋarakini yi.—Saumajin 115:4-8; Yisaya 42:8. 6. Yi ryö kiko lo denari Ŋun ’bura ada? Kiko geleŋ lele gwon i medya nikaŋ na ŋo logon lepeŋ a gwe ko yeyeju ko togulu ŋo nagon lepeŋat kwekin yi. Ŋo logon Ŋun a gwe kulo kwekindya yi adi lepeŋ ko riŋit duma a ko koŋon. Yi memet nyaret nanyit i ŋo liŋ logon lepeŋ a gwe kulo. (Saumajin 19:1-6; Roma 1:20) Lele kiko denet lo Ŋun a jujumbu nikaŋ na Bibilia. I lukata nanyit lepeŋ a tukökin yi ŋo jore na kweja ko nye a lon Ŋun. Lepeŋ köti a tukökin yi ’dekesi kanyit ko ŋo nagon nye ’dek kondya.—Amosa 3:7; 2 Timoteo 3:16, 17. |
|
Wurö i kiŋa 1998 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
