Kiko Logon Do Dedenundi ’Dekesi ti Ŋun

1. Bibilia na a ’doket na’but napo ko Ŋun. Lepeŋ gwon gwoso waraga na sunye ko monye logon ko nyaret ko ŋwajik kanyit. Lepeŋ jambu kulya ti to’diri na Ŋun—ko nye ŋona a ŋa ko kikolin kanyit. Lepeŋ nyönyögu kikolin lo tikindya yi i ’doggu na töri lo dariesi a ko kikolin lotikindya yi i gwon ko lyöŋön na to’diri. Bibilia geleŋ tuŋ na tukökindyö yi kikolin logon yi tulyöŋgi Ŋun.— Saumajin 1:1-3; Yisaya 48:17,18.

2. Bibilia na a wurö ko ŋutu lyan 40 logon ka’de ka’de i kwake na kiŋajin 1,600, suluja i kiŋa to 1513 Ŋ.D.N. (i ŋerot na diŋit nikaŋ). Lepeŋ gwon lukata ko bukön 66 na’di’dik. Lepeŋat lo wurjö Bibilia kulo a yukaki ko Ŋun. Lepeŋat wurjö yeyeesi ti lepeŋ, lege kase. Nyenagon Ŋun logon ki, ’bayin lele ŋuto logon kak ni, nye logon a Kawurönit lo Bibilia.—2 Timoteo 3:16, 17; 2 Petero 1:20, 21.

3. Ŋun a yinikin gwak adi Bibilia na a wuröji gwogwo anyen gwon jore ko a ’dela ’bura. Bibiliajin jore a wurö soŋinana lwölwöŋ kunie bukön. Kulye ŋutu ti gwon ko lyöŋön i medya na do i jujumbu na Bibilia, ama an do kölökin lepeŋat i togwo’ya na do. Gwoloŋ inot ŋupi i perok lo popo liwa i kurundyö inot na Ŋun ko i kondya na ’dekesi kanyit ma’di nagon kulye wora a merok.—Matayo 5:10-12; Yoane 17:3.

Copyright © 2006 Watch Tower Bible and Tract Society of Pennsylvania. All rights reserved.