1. Sisan i ye fɛn ɲuman caman dege Bibulu kɔnɔ. O dɔnniya ka kan ka se k’i bila ka Krecɛn jogo baara i la. (Efesekaw 4:22-24) O dɔnniya jɔyɔrɔ ka bon walasa i ka se ka ɲɛnamaya banbali sɔrɔ. (Yuhana 17:3) Nka, mɔgɔ wɛrɛw fana mago b’a la ka kibaru duman mɛn walasa olu fana ka se ka kisi. Krecɛn lakikaw bɛɛ ka kan ka seereya kɛ mɔgɔ wɛrɛw ye. O ye Ala ka cikan de ye.—Romɛkaw 10:10; 1 Kɔrɛntekaw 9:16; 1 Timote 4:16.
2. I ye fɛn ɲuman minnu kalan, i bɛ se k'a daminɛ k’u fɔ i masurunna mɔgɔw ye. O fɛnw fɔ i somɔgɔw, i teriw, i kalankɛɲɔgɔnw n’i baarakɛɲɔgɔnw ye. O tuma na, i ka muɲu ka ɲumanya sirataama. (2 Timote 2:24, 25) I hakili to a la ko tuma caman, mɔgɔw bɛ mɔgɔ taamacogo de lajɛ ka tɛmɛ a ka kuma fɔta kan. O la, i jogo ɲuman bɛ se ka mɔgɔ wɛrɛw bila u ka cikan lamɛn, i bɛ ka cikan min lase u ma.—Matiyu 5:16; 1 Piɛrɛ 3:1, 2, 16.
3. Waati bɛnnen na, i bɛ se ka cogow dafa walasa ka wajuli daminɛ Jehowa Seerew ka jɛkulu fɛ min bɛ i sigida la. O ye i ka ɲɛtaa ko dɔ ye. (Matiyu 24:14) N’i sera ka mɔgɔ wɛrɛ dɛmɛ ka kɛ Jehowa ka baarakɛla ye walasa a ka se ka ɲɛnamaya banbali sɔrɔ, o bɛna kɛ nisɔndiyakoba ye dɛ!—1 Tesalonikekaw 2:19, 20. |
