Bonya da ɲɛnamaya ni joli kan - Jehovah seerew ka yɔrɔ kɛrɛnkɛrɛnnen Intɛrinɛti kan

Jehovah seerew ka yɔrɔ kɛrɛnkɛrɛnnen Intɛrinɛti kan

Beliefs

Future

Ala bɛ mun wajibiya anw ma?

Kalansen 12

Bonya da ɲɛnamaya ni joli kan
	An ka kan ka mun miiri ɲɛnamaya ko la? (1) kɔnɔtiɲɛ ko la? (1)
	Krecɛn lakikaw b’a jira cogo di k’u b’u ɲɛmajɔ walasa farati si kana kɛ u ka kow la? (2)
	Yali baganw fagali man ɲi wa? (3)
	Kɛwale jumɛnw bɛ ɲɛnamaya bonyabaliya jira? (4)
	Ala ka sariya ye mun ye joli ko la? (5)
	Yali jolidonmɔgɔla sen bɛ o sariya la wa? (6)

1. Jehowa ye ɲɛnamaya boyi ye. Fɛn bɛɛ ka ɲɛnamaya sababu bɔra ale de la. (Zaburu 36:10) Ala fɛ, ɲɛnamaya ka senu. Hali den min b’a ba kɔnɔ, a ka ɲɛnamaya ye fɛnba ye Jehowa fɛ. Nka, k’a dabɔ a kama k’o den sugu bonyatɔla faga, o man ɲi Ala ɲɛkɔrɔ.—Ekisode 21:22, 23, NW; Zaburu 127:3.

Walasa an ko ka diya Ala ye, an ka kan k’an tanga joli, jolidonmɔgɔla, delinako nɔgɔlenw, ni farati fu ma

2. Krecɛn lakikaw b’u ɲɛmajɔ walasa farati si kana kɛ u ka kow la. U b’u kɔlɔsi walasa farati kana kɛ u ka mobili, walima u ka sow la. (Dutɛrɔnɔmɛ 22:8) Ala ka baarakɛlaw t’u ka ɲɛnamaya bila farati la fu tulonkɛ, walima diyanye dɔrɔn kama. O de y’a to, u t’u sen don farikoloɲɛnajɛ juguw la minnu dabɔra mɔgɔ wɛrɛ joginni kama. U b’u tanga ɲɛnajɛw ma minnu bɛ mɔgɔ bila ka farinya.—Zaburu 11:5; Yuhana 13:35.

3. Dantanfɛnw ka ɲɛnamaya fana ka senu Dabaga fɛ. Krecɛn bɛ se ka bagan faga walasa k’a dun, k’a kɛ fini ye, walima k’a yɛrɛ lakana banaw ni kojugu ma. (Jenɛse 3:21; 9:3; Ekisode 21:28) Nka, a man ɲi ka baganw tɔɔrɔ, walima k’u faga tulonkɛ, walima diyanye dɔrɔn kama.—Ntalenw 12:10.

4. Ka sigarɛti min, ka betɛl kisɛ ɲimi, ka drogu ta diyanye kama, o tɛ Krecɛnw ka ko kɛtaw ye. O kɛwalew man ɲi, bawo (1) u b’an kɛ u ka jɔnw ye, (2) u b’an farikolo bana, wa, (3) u nɔgɔlen don. (Romɛkaw 6:19; 12:1; 2 Kɔrɛntekaw 7:1) A bɛ se ka gɛlɛya i bolo k’o delinakow dabila. Nka, an ka kan k’o kɛ walasa an ko ka diya Jehowa ye.

5. Joli fana ka senu Ala ɲɛna. Ala ko ni, walima ɲɛnamaya bɛ joli la. O de y’a to, a man ɲi ka joli dun. Bagan min basi ma bɔn koɲuman, a man ɲi fana k’o sogo dun. Ni dantanfɛn dɔ kan corinna, walima n’a sara jan dɔ kɔnɔ, o sogo man kan ka dun. Ni tama walima kalakisɛ de y’a faga, a joli ka kan ka bɔn teliya la n’a ka kan ka dun.—Jenɛse 9:3, 4; Levitike 17:13, 14; Kɛwalew 15:28, 29.

6. Ka sɔn joli ka don i la, yali o man ɲi wa? I hakili to a la ko Jehowa b’a wajibiya an ma an k’an tanga joli ma. O kɔrɔ ye k’an man kan cogo si la ka mɔgɔ wɛrɛw joli don an fariw la, hali n’a y’a sɔrɔ an yɛrɛ joli don n’o tun bɔra ka mara. (Kɛwalew 21:25) O la sa, Krecɛn lakikaw tɛ sɔn joli ka don u farikolo la. U bɛ sɔn dɔgɔtɔrɔ furakɛli cogo wɛrɛw la, i n’a fɔ ka fura jolintan don u la. U b’a fɛ ka balo, nka u tɛna Ala ka sariya sɔsɔ walasa k’a ɲini k’u ka ɲɛnamaya kisi.—Matiyu 16:25.

A dilanna san 1996
Copyright © 2008 Watch Tower Bible and Tract Society of Pennsylvania. All rights reserved.