Ala ye jɔni ye? - Jehovah seerew ka yɔrɔ kɛrɛnkɛrɛnnen Intɛrinɛti kan

Jehovah seerew ka yɔrɔ kɛrɛnkɛrɛnnen Intɛrinɛti kan

Beliefs

Future

Ala bɛ mun wajibiya anw ma?

Kalansen 2

Ala ye jɔni ye?
	Ala lakika ye jɔni ye, ani a tɔgɔ ye di? (1, 2)
	Fari sifa jumɛn bɛ Ala la? (3)
	Jogo ɲumanba jumɛnw b’a la? (4)
	An ka bato la, yali an ka kan ka baara kɛ ni ja dɛsɛlenw ani fɛn bisigiw ye wa? (5)
	An bɛ se ka Ala dɔn cogo fila fɛ. Olu ye jumɛnw ye? (6)

1. Mɔgɔw bɛ fɛn caman bato. Nka, Bibulu b’a fɔ an ye ko Ala LAKIKA ye kelenpe dɔrɔn de ye. A ye fɛn bɛɛ da sankolo la ani dugukolo kan. Ale kelenpe de ka kan ka bato k’a masɔrɔ ale ye ɲɛnamaya di an ma.—1 Kɔrɛntekaw 8:5, 6; Jirali 4:11.

2. Bonyali tɔgɔ caman bɛ Ala la, nka kelenpe de y’a halala tɔgɔ ye. O tɔgɔ in ye JEHOWA ye. Nka, Ala tɔgɔ bɔra Bibulu caman kɔnɔ. A falenna ni bonyali tɔgɔw MATIGI, walima ALA ye. Nka Bibulu sɛbɛnna tuma min na, a tɔgɔ Jehowa tun bɛ sɔrɔ a kɔnɔ siɲɛ 7 000!—Ekisode 3:15; Zaburu 83:19.

3. Fari bɛ Jehowa la, nka a tɛ iko an ta. Bibulu b’a fɔ ko: “Ala ye hakili ye.” (Zan 4:24, Layidu Kura) Hakilimɔgɔ ye ɲɛnamaya sifa dɔ ye min ka fisa kosɛbɛ ni an ta ye. Hadamaden si ma deli ka Ala ye. Jehowa sigilen bɛ sankolo la, nka a bɛ se ka fɛn bɛɛ ye. (Zaburu 11:4, 5; Yuhana 1:18) Hakili senu dun ye mun ye? O tɛ mɔgɔ ye iko Ala. Nka, o ye Ala ka barika walekɛbaatɔ ye.—Zaburu 104:30.

4. Bibulu bɛ Jehowa jogo jira an na. A b’a jira ko a jogo ɲumanbaw ye kanuya, tilennenya, hakilitigiya ani sebagaya ye. (Dutɛrɔnɔmɛ 32:4; Job 12:13; Esayi 40:26; 1 Yuhana 4:8) Bibulu b’a fɔ an ye fana ko a bɛ hinɛ, a bɛ yafa, a bɛ muɲu, wa, a ka ɲi, a bololabilalen don fana. Iko den minnu b’u fa kan minɛ, an ka kan k’a ɲini k’a ladege.—Efesekaw 5:1, 2.

An bɛ Ala dɔn a ka fɛn danenw ni Bibulu fɛ

5. An ka bato la, yali an ka kan k’an biri ja dɛsɛlenw, jaw walima fɛn bisigiw kɔrɔ, walima k’olu deli wa? Ayi! (Ekisode 20:4, 5) Jehowa ko an ka kan ka ale kelenpe de bato. A tɛna a ka nɔɔrɔ tila ale ni mɔgɔ walima fɛn wɛrɛ cɛ. Se tɛ jaw ye k’an dɛmɛ.—Zaburu 115:4-8; Esayi 42:8.

6. An bɛ se ka Ala dɔn ka ɲɛ cogo di? O cogo dɔ ye k’a ka fɛn danenw mafilɛ. U bɛ an kalan min na, an k’an hakilijakabɔ kosɛbɛ o kan. Ala ka fɛn danenw b’a jira an na ko sebagaya ni hakilitigiya y’a ta ye. An b’a ka kanuya ye a ka fɛn danen bɛɛ la. (Zaburu 19:1-7; Romɛkaw 1:20) An bɛ se ka Ala dɔn cogo tɔ kelen min fana fɛ, o ye ka Bibulu kalan. Jehowa ye Ala sugu min ye, Bibulu de b’an kalan fɛn caman na o ko la. Ala sagonata ye min ye, ani Ala b’a fɛ an ka min kɛ, a b’olu fana fɔ an ye.—Amos 3:7; 2 Timote 3:16, 17.

A dilanna san 1996
Copyright © 2008 Watch Tower Bible and Tract Society of Pennsylvania. All rights reserved.