Kunsa Diosax mayistu uk kunjamatsa yatxatasma

1. Bibliax Diosan suma churäwipawa. Kunjamtï mä munasir awkixa wawanakapar carta apaykix ukhamawa. Diosatwa kunatï chiqäki uk sistu: khitis jupaxa, kawkïrinakas kamachinakapaxa ukanak yatichistu. Kunjamatsa jan walt’añanakaru saykatsna ukat wali kusisita jakassna ukanakwa qhanañchistu. Kun lurasas Diosar kusisiysna ukxa Bibliakiw yatichistu (Salmo 1:1-3; Isaías 48:17, 18).

2. Bibliax mä 40 chachanakan qillqatänwa, nayrïr pach 1513 maranwa qillqañ qalltasïna, ukat niya 1600 maranakanwa tukuyapxäna. 66 libronakaniwa. Biblia qillqirinakaxa Diosan amuyt’ayatäpxänwa, janiw jupanakan amuyunakapa qillqapkänti jan ukasti Diosan amuyunakapwa qillqapxäna. Ukhamasti, Bibliaxa janiw aka Uraqinkiri jaqinkkiti, jan ukasti alaxpachankiri Diosan apayanitawa (2 Timoteo 3:16, 17; 2 Pedro 1:20, 21).

3. Bibliaxa kunjam qillqatäkäntï ukhampacha qillqaqasiñapatakixa Diosaw sum uñjaskäna. Kuna librot sipansa Bibliawa juk’ampi lurasiwayi. Janiw taqinisa Bibliat yatiqañamxa munapkaniti, ukampisa yatiqaskakiñamawa. Jan yatiqamti satpachasa Diosaru uñt’askakïta ukat munañapa luraskakïta ukhaw wiñay jakañxa katuqäta (Mateo 5:10-12; Juan 17:3).

Copyright © 2008 Watch Tower Bible and Tract Society of Pennsylvania. All rights reserved.