Guiˇ lahˇ sahˇ-awˇ, Miˇ yehˇ dawˇ peh jiˆ theˇ leˇ-eu

1. Guiˇ lahˇ shaˇ-eu jeˇ-aˇ, nui ma nahˇ yuˆ ni taˇ-awˇ, Miˇ Yehˇ-ahˇ dawˇ ngehˇ cawˇ gaˇ duˇ-eu meh, Nawˇ aˇ myah luˆ Miˇ Yehˇ-ahˇ guiˇ lahˇ shaˇ-eu tsaˇ meh. Teu loˆ-ehˇ jahˇ naˇ nawˇ gaˇ-eu chawˇ tiˇ g’aˇ loˆ-ehˇ Miˇ Yehˇ dawˇ peh, nawˇ jawˇ luˆ meh (Jeˇ Hoˇ Baˇ) Miˇ Yehˇ-aˇ, baˇ-oˇ, yaw sehˆ k’ahˇ sehˇ huiˇ dui mahˇ dui dui-eu Miˇ Yehˇ pyeuˆ-eu meh. Ehˇ k’awˆ aˇ yawˆ,-aˇ dui-euˇ guiˇ lahˇ shaˇ dawˇ-ahˇ aˇ myah luˆ naˇ haˇ luˆ meh. Miˇ yehˇ-ahˇ nawˇ yawˇ na luˆ guiˇ lahˇ shaˇ ma loˇ?–Ja ceuˇ 65:2; 1 Teˇ saˇ loˇ ni 5:17.

2. Guiˇ lahˇ shaˇ-eu-aˇ, uˇ duˇ tahˇ-eu jeˇ pyeuˆ-eu meh. Teu baˇ da neh, aˇ dui guiˇ lahˇ shaˇ-eu (Jeˇ Hoˇ Baˇ) Miˇ Yehˇ-ahˇ tehˆ-ehˇ, guiˇ lahˇ ya shaˇ meh. Yeˇ suˇ heu Miˇ tsaˇ k’oeˆ taˆ jawˇ ngeh-aˇ da Miˇ Yehˇ-ahˇ tehˆ-ehˇ guiˇ lahˇ shaˇ-euˇ meh, Aˇ dui k’awˆ-a yawˆ loˆ-ehˇ shaˇ-eu tsaˇ meh. (Maˇ tehˇ 4:10; 6:9) Aˇ joˆ pyeuˆ k’awˆ Yeˇ suˇ-euˇ tsawˇ myahˇ-ahˇ tehˆ-ehˇ g’oe-awˇ, shaˇ-eu tsaˇ meh. Teu loˆ-ehˇ dzahˇ-eu jeˇ-aˇ, yeˇ suˇ-euˇ aˇ yaˇ-ahˇ yaw zeu baw-eu jeˇ pyeuˆ-awˇ, aˇ yawˆ ka k’oˆ nehˇ laˆ gaˇ jah-eu meh.–Yoˇ haˇ 14:6; 1 Yoˇ haˇ 2:1, 2.

3. Miˇ Yehˇ-ahˇ guiˇ lahˇ shaˇ ngeh-aˇ dui nui ma laˆ k’oeˇ noeˇ doˆ laˇ-eu jeˇ shaˇ-eu tsaˇ meh. Shaˇ noeˇ taˇ-awˇ shaˇ-eu maˇ-ehˇ, boˆ taˇ-awˇ gui gui-ehˇ shaˇ-eu jeˇ maˇ-ehˇ, taˇ bi pyeuˆ. (Maˇ tehˇ 6:7, 8) Yaw zeu baw-eu laˆ k’oeˇ, Aˇ joˆ ya jawˇ ya taˇ-eu jawˇ duˇ aˇ geu tsahˇ-aˇ geu ngeh yamˇ-ahˇ maˇ-ehˇ guiˇ lahˇ shaˇ nya tehˆ-a, Nui ma laˆ k’oeˇ noeˇ-eu nui noeˇ dawˇ tawˆ luˆ Miˇ Yehˇ shiˇ nya jiˇ meh. (1 Saˇ meuˇ laˆ 1:12, 13) Coˆ ngehˇ ni g’eh-eu jawˇ duˇ-ahˇ shaˇ-eu muiˇ jehˇ meh.–Maˇ kuˇ 1: 35.

4. Aˇ jeˇ gaˇ k’awˆ nawˇ shaˇ-eu tsaˇ ta? Nawˇ k’aˇ mawˆ-eu, Miˇ Yehˇ-ahˇ tsaˇ-eu jeˇ shaˇ nya meh. (Piˇ liˇ piˆ 4:6, 7) Jaˇ liˆ laˆ k’oeˇ boˆ taˇ-eu guiˇ lahˇ shaˇ ngeh, Miˇ Yehˇ-euˇ tsawˇ myahˇ yaw zeu baw-awˇ, aˇ yawˆ-eu nui noeˇ byah laˇ ni shaˇ-eu tsaˇ meh. (Teu uˇ taˆ-ehˇ, aˇ dui loˇ-eu jeˇ hawˇ-eu aˇ dui iˆ baˇ pyehˇ nehˇ laˆ nya ni shaˇ-eu tsaˇ meh. (Maˇ tehˇ 6:9-13) Guiˇ lahˇ shaˇ ngeh yawˇ ha g’aˇ duˇ tehˆ-ehˇ, shaˇ-eu jeˇ taˇ bi pyeuˆ. Miˇ Yehˇ nui noeˇ tsaˇ-eu jeˇ-ahˇ k’awˆ shaˇ-awˇ.–1 Yoˇ haˇ 5:14.

5. Nawˇ-eu nui ma laˆ k’oeˇ aˇ myah luˆ Miˇ Yehˇ guiˇ lahˇ-ahˇ ja ceuˇ-awˇ guiˇ lahˇ shaˇ-eu tsaˇ meh. (1 Laˇ saˇ baˇ 29:10-13) Nawˇ jah-eu jeˇ-ahˇ lawˇ haw laˇ-awˇ, noeˇ saˇ noeˇ zahˇ-eu jeˇ keuˆ le ngeh guiˇ lahˇ shaˇ-eu tsaˇ meh. (Ja ceuˇ 55:22; 120:1) Hawˇ maˇ dzaˇ mi na-ehˇ, guiˇ lahˇ shaˇ-eu tsaˇ meh. (Maˇ tehˇ 14: 19) Aˇ dui guiˇ lahˇ shaˇ dawˇ-ahˇ (Jeˇ Hoˇ Baˇ) Miˇ Yehˇ aˇ myah luˆ shaˇ-awˇ lehˇ, kuˇ-eu meh.–Eˇ peˇ suˆ 6:18.

6. Aˇ dui huiˇ dui dui-eu iˆ baˇ mˇ lehˇ ngeh jawˇ bi law-iˇ ni,-a kawˇ shaˇ-eu tsaˇ meh. K’oeˇ ngeh jawˇ (Jeˇ Hoˇ Baˇ) Miˇ Yehˇ g’awˇ shaˇ gaˇ-awˇ, iˆ baˇ pyehˇ nehˇ laˆ nya ni yaw zeu baw-eu laˆ k’oeˇ ya shaˇ meh. Maˇ paˇ mˇ ma lehˇ noeˇ cehˆ-awˇ, nui ma laˆ k’oeˇ keuˆ ni iˆ baˇ noeˇ poˆ naˇ, aˇ yawˆ aˇ dui-euˆ iˆ baˇ pyehˇ nehˇ-eu g’aˇ duˇ aˇ myah luˆ loˆ luˆ meh.–Ja ceuˇ 86:5; Dawˇ daˇ 28:13.

7. Jeˇ Hoˇ Baˇ Miˇ Yehˇ-aˇ, yaw tsaˇ yaw dawˇ tsawˇ haˇ deuˇ-eu guiˇ lahˇ shaˇ dawˇ-ahˇ tehˆ-ehˇ naˇ haˇ geuˆ-eu meh. Nawˇ-eu guiˇ lahˇ shaˇ dawˇ-ahˇ Miˇ Yehˇ naˇ haˇ nehˇ laˆ nya ni, aˇ yawˆ-eu zahˇ dawˇ k’oˆ dawˇ-ahˇ nawˇ g’eh nya-eu loˆ-ehˇ naˇ haˇ geuˆ-awˇ, ya caw teh meh. (Dawˇ daˇ 15:29; 28:9) Nawˇ guiˇ lahˇ shaˇ ngeh nui ma nahˇ yuˆ ni ya taˇ-eu meh. (Luˇ kaˆ 18:9-11) Nawˇ shaˇ-eu loˆ-ehˇ, zaˇ nya ni nawˇ k’aˇ mˇ-eu gaˇ dawˇ tawˆ luˆ leh jeh-awˇ, yaw tsaˇ yaw dawˇ laˆ k’oeˇ ya mˇ meh. Teu loˆ-ehˇ mˇ gaˇ Jeˇ Hoˇ Baˇ Miˇ Yehˇ nawˇ jah gaˇ ya mawˇ ngeh, aˇ yawˆ nawˇ shaˇ-eu loˆ-ehˇ biˆ nehˇ laˆ tehˆ-aˇ.–Heˇ byehˇ 11:6.

Copyright © 2009 Watch Tower Bible and Tract Society of Pennsylvania. All rights reserved.