O Misawacayay ni Yihofa a Tamdaw Samaanay a Malikakawa

1. Ono aniniay lintad a Misawacayay ni Yihofa a Tamdaw itiniay isaka 1870 a mihca a lalintadan misatapang cangra. Isalakat, o mickiway to Fangcalay Cudad sanay ko ngangan nangra. Itini isaka 1931 mihca, miaraay cangra to naitiniay i Fangcalay Cudad a ngangan—Misawacayay ni Yihofa a Tamdaw. (Isaya 43:10) Oniniya likakawa mimingay ko tamdaw isalakat, tahaanini masaefaefangay to koka cuwat no Misawacayay, itini i 230 a kakitakitan misa’icelay cangra mitosil to tamdaw.

2. To lipaylipay, o ’alomanay kasakopang no Misawacayay ni Yihofa a Tamdaw kina 3 ay cangra masa’opo. Ora kihcod a sa’opo nga’ayay tayra kiso milienang. (Hipray 10:24,25) O lalakaw nora sa’opo sahtoway misalalangiay i Fangcalay Cudad. Itira tora sa’opo misatapang ato mahererek mitolonay. Itini i adihayay sa’opo romadiway cangra to pakayniay “ino ’adingoan a radiw”. (Ifiso 5:18,19) Orira sa’opo ano micomod cuwaka papayci, cuwa paci’ci papipakiyafo.—Matay 10:8.

3. O ’alomanay kasa kopang a sa’opo itiniay i Hongti a Kitakit a kasa’opoan. To hatiniay o Misawacayay a Tamdaw kora mipatirengay, patatodongan ko kapah nira. Itira tora kasa’opoan cuwa koha mama’araw iso ko maamaanan sasing, ciwcika anoca o hatilaay dafong. Ora kihcod a payci o naitiniay to pakafaloco’ay a sapakiyafo no tamdaw. Ilaloma’ no kasa’opoan miteli’an ko sapakiyafo a hako, o makalimay pakiyafo a tamdaw nga’ayay pacomoden itira tora hako.—2 Korinto 9:7.

4. To ccaccay kasa’opoan iraay ko malohmay malitengay, o kantok cangra. O ’inorong nangra oha mamikelid to kasakopang a pakafana’ cangraanan. (1 Timoti 3:1-7; 5:17) Oiya padamaay sikawdan ko dama nangra. (1 Timoti 3:8-10,12,13) Orira fa’inayan itini i kasakopang cuwa mikikaka to romaroma tamdaw cangra. (2 Korinto 1:24) Cuwaka pitatiw cangra to mikiriwi’ay a sapa ngangan cangranan. (Matay 23:8-10) O ca’dong nangra cuwaka pisiwatik, o dmak nangra itini i kasakopang cuwaka palifonen. O malohmay malitengay mahmekay midimokos to kasakopang itini ino ’adingoan a masaka limlaan nangra. Ano iraay ko tahalifaay to pasangal, nga’ayay cangra tayra misayar ato mikayat cangraanan.—Yakop 5:14-16; 1 Pitiro 5:2,3.

5. To mihcahcaan iraay ko ta’angayay a sa’opo nangra. Itini toniya hatiniay taykay malalitemohay ko ’alomanay kasakopang, micadaay cangra to mikiriwi’ay a kamok to sapakafana’ no Fangcalay Cudad. Itira tora taykay iraay ko mipaino’ay to fa’lohay sikawdan a limasmas.—Matay 3:13-17; 28:19,20.

6. O hongpo no Misawacayay ni Yihofa a Tamdaw itini i paro no kakarayan mipatirengan itini i Niwyok. Oiya mirikecay no likakawa a malohmay malitengay itiniay tora hongpo a dadmak cangra. Orira mirikecay no likakawa a malohmay malitengay naoya halafinay towa malohmay malitengay cangra, o ci’inorongay a satenokan no likakawa cangra, o kakelidan no kasakopang itini i paro no kakarayan. Itini i paro no kakarayan mataelifay toko 100 kadadmakan a fonsiya. Itira tora kadadmakan mitolicay halo mitepangay to Fangcalay Cudad ato kalo cudad. O roma itiraay tora kadadmakan a milikakawa to mitosilay dmak nora kaitiraan a kitakit. Nga’ayay kiso milimasmas to toki toha sakatayraaw tora fonsiya namo a mi’araw toka dadmak nangra.

Copyright © 2006 Watch Tower Bible and Tract Society of Pennsylvania. All rights reserved.