O Sikawdan no Kawas oha Mamitafo To Makolacay - Misawacayay ni Yihofa a Tamdaw: Kahicraan no lalakaw no Mikcolay

Misawacayay ni Yihofa a Tamdaw: Kahicraan no lalakaw no Mikcolay

Beliefs

Future

O Kawas Pakayni Kitaanan Iraay Ko Masamaanay a Saeli?

Saka 9 a Lalangiyan

O Sikawdan no Kawas oha Mamitafo To Makolacay
	Misamaanay oha mamitafo kita toha sakakolacaw itini i kihcod? (1)
	Makolac ino ’adingoan o maanan ko tatodong nora? (2)
	Makolac ino waywayan o maanan ko tatodong? (3)
	Makolac ko harateng o maanan ko tatodong? (4)
	Makolac ko tatirengan o maanan ko tatodong? (5)
	Oha mamiliyas kita to maanan cuwaka kolac a sasowalen? (6)

1. Ci Yihofa o makolacay, makapahay a Kawas. O saeli Ningra to midokoay Cingraanan tamdaw oha mamitafo cangra toha sakakolacaw itini ino ’adingoan, waywayan, harateng ato tatirengan. (1 Pitiro 1:16) O tamdaw ano ciharateng toha sakakolacaw itini i ’a’ayaw no Kawas, oha mamisa’icel cingra. Itiniay toniya cuwaka kolac a hkal ma’orip kita, hanaca oha mamisa’icel a micoker kita tora ciraraway a faloco’ ita. Kawraan, hamaan ma’isang kita a hasapi hawadaw.

2. Makolac ino ’Adingoan: Ano hasapi hodopaw kita ci Yihofaan, cuwa koha nganga’ay mihakelong kita to sapakafana’ anoca nanaman no makaniway pidoyongan. Ohamami liyas kita to makaniway pidoyongan, cuwa koha nganga’ay kita midamadama ciraanan. (2 Korinto 6:14-18; Pa’arawan 18:4) Ano mafana’ayto kita to so’linay kimad no Kawas, oha mamisinanot kita toha saka’caawka masafana’ noya mitnakay to mararaway kimad a tamdaw.—2 Yohani 10,11.

3. Makolac ko Waywayan: O saeli ni Yihofa to midokoay Cingraanan tamdaw ano hacowato oha papa’ihkal cangra to waywayan no so’linay Krisciyang. (1 Pitiro 2:12) Ma’araway Ningra kora ccaccay a midmakan ita; orira midmakan ita itini i toemanay, mafana’ay Cingra. (Hipray 4:13) Oha mamiliyas kita to kihcod a ma’odangay ato romaroma cuwaka kolac a waywayan no hkal.—1 Korinto 6:9-11.

4. Makolac ko Harateng: O pono’ ita ano matomes to makolacay, mo’ecelay harateng, oha mamakolac ito ko waywayan ita. (Filipi 4:8) Kawraan, ora harateng ita ano sahtoway o cuwaka kolac a dmak, oha mamahadak ko tatiihay dmak. (Matay 15:18-20) Oha laliyasen ita ko masaknaknaay miponi’ay to harateng a lawla. Pakaynien ita mi’osi to kimad no Kawas, nga’ayay maparo’ ko pono’ ita to makolacay harateng.

5. Makolac ko Tatirengan: Samaanen mitaypiyaway to Kawas ko Krisciyang, o tatirengan ato riko’ nangra oha mamakolac. Mahorirek toma’i anoca maysi’, ’ayaw noka komaen, ato ’ayaw no mami tatiw to kakaenen oha mamisawsaw to kamay. Itira tora pikiloma’an iso ano awaay ko pahadakan to cikaditay nanom, o nga’ayay tahpoen mitadem ko ta’i. (Limo’ot 23:12,13) Mitafo to makolacay a tatirengan padamaay toha sakairaaw no sakatanoktok no tireng. O laloma’ ato papotal no pikiloma’an no Krisciyang masolimetay ato makolacay. Ora pikiloma’an nangra o nga’ayay hata’arawan no fiyafiyaw.

6. Makolacay Sasowalen: O sikawdan no Kawas sahtoway ao so’linay ko sowal. Makadaway tamdaw cuwa koha nganga’ay micomod to Hongti a Kitakit no Kawas. (Ifiso 4:25; Pa’arawan 21:8) O Krisciyang cuwa koha nganga’ay somowal to makakaditay sasowalen. Cuwa koha papasowal cangra to masakaacekan sapakatawa a sowal anoca makakaditay tawcikel, cuwa koha mamitngil cangra to hatiniay dmak. Samaanen makolacay a makapah ko sasowalen no Krisciyang, itini i kadadmakan cangra, itini i pitilidan ato itini i fiyaw hato ta’angayay koka sasiroma nangra to tao.—Ifiso 4:29,31; 5:3.

O sikawdan no Kawas oha mamitafo to makolacay itini i kihcod.

2003 Mihca Topangen
Copyright © 2006 Watch Tower Bible and Tract Society of Pennsylvania. All rights reserved.