1. Джырэ уахътэм Тхыгъэ ЛъапІэм щыщэу дэгъубэ къэпшІагъ. Ахэр уфэенэу уашІын фай, Хьисэ игъогу рыкІохэрэм ахэлъ шэнхэр ори зыхэплъхьанэу (Ефес 4:22—24). Мыухыжь гъашІэ уиІэным пае, а шІэныгъэхэр зэгъэгъотын фае (Иуан 17:3). Ау нэмыкІ цІыфми заухъумэжьыным пае, къэбарышІур зэхахын фае. ЗэкІэ Хьисэ игъогу шъыпкъэу рыкІохэрэр къэбарышІур аІотэн фае. Ар Тхьэм иунашъу (Рим 10:10; 1 Коринф 9:16; 1 Тимофей 4:16).
2. О дэгъоу къэпшІагъэхэр уинэІуасэхэм афэпІотэнэу ебгъажьэмэ хъущт. АфэІуат уиунагъо исхэми, уиныбджэгъухэми, къыбдеджэхэрэми ыкІи Іоф къыбдэзышІэхэрэми. Ахэмэ къэбарышІур афэпІуатэ хъумэ, уцІыфышІоу ыкІи щыІагъэ пхэлъэу ущытын фае (2 Тимофей 2:24, 25). Зыщымыгъэгъупш, цІыфхэр нахьыбэу зэплъырэр цІыфым изекІуакІ, къыІорэм нахьи. Ащ къыхэкІыкІэ, къэбарышІур афэпІуатэ хъумэ, цІыфхэр нахь къедэІущтых уизекІуакІэшІур алъэгъу хъумэ (Маттэ 5:16; 1 Петрэ 3:1, 2, 16).
3. Уахътэ текІымэ, о Иеговэ и Шыхьатхэм язэІукІэм уригъусэу цІыфхэр ебгъэджэн плъэкІыщт. Ар мэхьанэшхо зиІэ лъэбэкъу Хьисэ игъогоу узтеуцуагъэм (Маттэ 24:14). Сыдэу гушІогъошхуа, зыгорэм удэІэпыІагъэу, ар Иеговэ фэлажьэнэу ыкІи мыухыжь гъашІэр иІэнэу! (1 Фессалоникэ 2:19, 20). |
