Иеговэ и Шыхьатхэм яорганизацие изэхэтыкІ

1. Иеговэ и Шыхьатхэм яджырэ лъэхъан тарихъыр къызщежьагъэр 1870-рэ илъэсхэм дэжь. Ахэм апэу зэреджэщтыгъэхэр — Библием и ЗэгъэшІакІох. Ау 1931-рэ илъэсым Тхыгъэ ЛъапІэм тетэу ахэмэ цІэу аштагъэр — Иеговэ и Шыхьатых (Исайас 43:10). Апэрэм ахэр нэбгырэ макІэу хъущтыгъэх, джы тилъэхъан нэбгъырэ миллион пчъагъэ хъугъэх, ахэр хэгъэгу 230-м къэбарышІур щагъэІу.

2. НахьыбэмкІэ Иеговэ и Шыхьатхэр тхьамафэм щэрэ зэІокІэх. Ори укъэкІонэу уфаемэ, укъырагъэблагъэ (Еврей 10:24, 25). Нахьышъхьэу ащ Тхьэм и ГущыІэ щызэрагъашІэ. ЗэІукІэр тхьэлъэІукІэ рагъажьэ ыкІи тхьэлъэІукІэ аухыжьы. Янахьыбэ зэІукІэхэм ахэмэ агу етыгъэу «тхьэщытхъу орэдхэр» къыщаІо (Ефес 5:18, 19). ЯзэІукІэхэм пкІэ хэмылъэу учІэхьа, ахъщэ зыпари пІахырэп (Маттэ 10:8).

3. ЯзэІукІэхэр нахьыбэу Пачъыхьэгъу Унэхэм щашІых. Ахэр ежь Иеговэ и Шыхьатхэм ашІыгъэ унэх. Адрэ унэхэм анахьи инэу къахэщырэп. Пачъыхьэгъу Унэхэм ащыплъэгъущтэп тхьэ сурэтхэри, къащ теІулІагъи е ащ фэдэ горэхэ. Ахъщэу ахэм апэІухьарэр ежь Иеговэ и Шыхьатхэм ягуапэу атырэр ары. Хэти игуапэу ахъщэ зытынэу фаем Унэ кІоцІым ящык цІыкІухэр чІэтых (2 Коринф 9:7).

4. ЗэІукІэ пэпчъ нахьыжъхэр, е кІэлъыплъакІохэр, иІэх. Ахэмэ зэІукІэм иегъэджэнымкІэ пшъэрылъ аштэ (1 Тимофей 3:1—7; 5:17). Ахэмэ адэІэпыІэрэр служэбнэ ІэпыІэгъухэр ары (1 Тимофей 3:8—10, 12, 13). Мы зыфэтІуагъэ цІыфхэр зэІукІэм щыщхэм адрэхэм анахьи нахьышъхьэхэп (2 Коринф 1:24). Ахэмэ лъытэныгъацІэ яІэп (Маттэ 23:8—10). Адрэхэм афэдэу зафапэ, яІофи пкІэ хэмылъэу агъэцакІэ. Духовнэ ІофхэмкІэ нахьыжъхэм ягуапэу зэІукІэм анаІэ тырагъэты. ЗэІукІэм инахьыжъхэмэ къиныгъом ухэфагъэмэ, джэнджэш къыуатын алъэкІыщт ыкІи гукъаор птрагъэущт (Якъубэ 5:14—16; 1 Петрэ 5:2, 3).

5. Ащ нэмыкІэу Иеговэ и Шыхьатхэм илъэс къэс зэхэсышхохэр яІ, нэмыкІэу пІомэ конгрессхэр. А конгрессхэм зэІукІэ пчъагъэхэр къякІуалІэ, Тхьэм и ГушыІэ тетэу зэхалъхьагъэ программэм едэІунхэ пае. Конгресс къэс еджакІо кІэхэр псым чІагъао е аумэхъых (Маттэ 3:13—17; 28:19, 20).

6. Иеговэ и Шыхьатхэм ядунае Іоф зехьапІэр Нью-Йорк дэт. Ащ щэлажьэ Унашъо зезыхьэрэ Куп — Іофым нахьышІоу хэзышІыкІырэ нахьыжъхэм якуп, дунэе пстэум щыІэ зэІукІэхэм кІэлъыплъэхэрэр. Ащ нэмыкІэуи хэгъэгу зэщымыщхэм 100-м къехъу къутамэхэр Іоф щашІэ. Ащ Иеговэ и Шыхьатхэр пкІэ хэмылъэу щэлажьэх, Тхьэм ехьылІагъэ тхылъхэр къыщыдагъэкІых ыкІи зэбгыращых. КъэбарышІур цІыф пстэуми зэхахыным пае, а Іофым ехьылІагъэ унашъохэр къыздикІырэр къутамэхэр ары. Сыда ащ фэдэ къутамэ горэм уеплъынэу укІонэу зыкІимыхъухьарэ?

Copyright © 2009 Watch Tower Bible and Tract Society of Pennsylvania. All rights reserved.