ГъашІэм ыкІи лъым лъытэныгъэ фэпшІыныр

1. Иеговэ гъашІэм и КъежьапІ. Псэоу дунаем тетыр гъашІэ зэряІэр Тхьэм ишІуагъэкІэ ары (Сэбур 36:9). ТхьэмкІэ гъашІэр лъапІэ. Иеговэ дэжькІэ джыри къэмыхъугъэ сабый цІыкІоу ныбэм илъым игъашІэ лъапІэ. Ныбэм илъ сабый пшІэзэ уукІыныр ТхьэмкІэ гунахьышху (2 Мусэ 21:22, 23; Сэбур 127:3).

Тхьэр дгъэрэзэнэу тыфаемэ, зыщытыухъумэн фае лъы хэкІэным, шэн мыкъабзэхэм, гъашІэм рыджэгуным

2. Хьисэ игъогу шъыпкъэу тетхэр щынэгъочъагъэм фэбланэх. Ахэр ямашинэхэми, яунэхэми уарысынэу гъашІэмкІэ мыщынэгъонэу кІэлъэплъэх (5 Мусэ 22:8). Тхьэм фэлажьэхэрэр ягъашІэм рыджэгухэрэп, гухахъу чэфын зрагъэгъотын пае. Ащ пае ахэр цІыфхэм зэрар къызхэкІыщт, жъалымыгъэ зыхэлъ спортым пылъхэп. Ахэмэ жъалымыгъэ шІэным тезыгъэгушхорэ чэфыныгъэм зыщадзые (Сэбур 11:5; Иуан 13:35).

3. Псэушъхьэхэм ягъашІэри ТыкъэзгъэхъугъэмкІэ лъапІэу щыт. Хьисэ игъогу рыкІохэрэм псэушъхьэхэр аукІынэу фитых, шхын е щыгъын ашІын пае ыкІи узыхэм е щынагъо горэм зыщыухъумэн пае (1 Мусэ 3:21; 9:3; 2 Мусэ 21:28). Ау псэушъхьэхэм дэеу уафыщытыныр, спортым пае уукІыныр е пшІогъэшІэгъонэу уукІыныр — ар тэрэзэп (ГущыІэжъхэу 12:10).

4. Хьисэ игъогу рыкІохэрэр тутын ешъохэрэп е зэщтегъэу пае наркотикхэр зыхалъхьарэп. Ахэр зэкІэ пшІэныр дэи, сыда пІомэ ащ фэдэ шэнхэр 1) узІапащэ, 2) Іэпкъ-лъэпкъым язэрар къекІы ыкІи 3) къабзэхэп (Рим 6:19; 12:1; 2 Коринф 7:1). А хэлъ-шэнхэр зыхэбгъэзынкІэ къины къыпфэхъункІи мэхъу. Ау тэ ахэр зыхэдгъэзын фаех, Иеговэ дгъэрэзэным пае.

5. Тхьэм дэжь лъыри лъэпІэ дэд. Тхьэм еІо псэр, нэмыкІэу пІомэ гъашІэр, лъым хэлъ. Джащ пае лъыр пшхы хъущтэп. Джащ фэдэуи псэушъхьэу лъыр зыкІэмыкІыгъэм ыл пшхы хъущтэп. Псэушъхьэр ытхьэлагъэмэ е къэпкъаным дэлІыхьагъэмэ, пшхы хъущтэп. Псэушъхьэр шхончкІэ е гъучІ папцІэкІэ аукІыгъэмэ, шІэхэу лъыр кІэбгъэкІын фае, ащ ыужкІэ пшхы зыхъущтыр (1 Мусэ 9:3, 4; 3 Мусэ 17:13, 14; Апостолхэм 15:28, 29).

6. ЦІыфым лъыр хакІэмэ хъущта? Зыщымыгъэгъупш: Иеговэ фай тэ лъым зыщытыухъумэнэу. Ащ къикІырэр, тэ сыд фэдэ шІыкІэкІи тиІэпкъ-лъэпкъым хэдгъахьа хущтэп нэмыкІ цІыфым ылъ ыкІи тэ тылъ зыгорэм щаІыгъыгъэри зыхядгъэкІэжьы хъущтэп (Апостолхэм 21:25). Джащ пае Хьисэ игъогу шъыпкъэу тетхэм лъы зыхарагъэкІэнэу адэрэп. Ахэр нэмыкІ Іазэгъум лъэхъух е лъы зыхэмыт уцхэр зыхарагъалъхьа. Ахэр псэунэу фаех, ау зыкъагъэнэжьыным пае Тхьэм иунашъохэр аукъощтхэп (Маттэ 16:25).

Copyright © 2009 Watch Tower Bible and Tract Society of Pennsylvania. All rights reserved.