 |
Beliefs | Future | Medical | Topics | Contact Us | Publications | Languages |
| Сыда тэ Тхьэм къытфигъэуцурэр? | Я 10-рэ урок  |
Тхьэм ылъэгъу мыхъурэ Іофхэр |
|
 |
Тхьэм ымыкІэсэ Іоф дэйхэм сыдэущтэу уафыщытын фае? (1) |
|
Сыд фэдэ сексуальнэ шэн-хэлъыкІа уиІэнэу къемыкІурэр? (2) |
|
Сыд фэдэ еплъыкІа Хьисэ игъогу рыкІохэрэм афыриІэн фаер пцІым? (3) удэзыхьых джэгукІэхэм? (3) тыгъоным? (3) жъалымыгъэм? (4) ушхъухьаныгъэм? (5) ешъоныгъэм? (6) |
|
Сыдэущтэу цІыфым шэн дэйхэр зыхигъэзыщта? (7) |
1. Тхьэм фэлажьэхэрэр шІур якІас. Ау ахэм джащ фэдэу ер алъэгъу мыхъунэу зырагъэсэн фай (Сэбур 97:10). Ащ къикІырэр зыщыддзыен фае Тхьэм ылъэгъу мыхъурэ Іоф дэйхэм. Сыд фэдэхэм? 2. Зинэ. Зэгомытхагъэу зэголъыныр, зинэшІэныр, хьайуаным игъусэныр, зэІахьылэу зэрэщэныр, хъулъфыгъэхэм шъузпІалъэу якІуалІэхэрэм — джахэр зэкІэ гунахьышху Тхьэм ыпашъхьа (3 Мусэ 18:6; Рим 1:26, 27; 1 Коринф 6:9, 10). Бзылъфыгъэмрэ хъулъфыгъэмрэ зэгомытхагъэу зэдэпсэухэмэ тэрэзыр ахэр зэгокІыжьхэмэ е зызэгурагъатхэмэ (Еврей 13:4).
3. ПцІыр, удэзыхьых джэгукІэхэр, тыгъоныр. Тхьэу Иеговэ егъашІэми пцІы ыусырэп (Тит 1:2). Тхьэм ищытхъу къэзыхьынэу фаехэм пцІы аусы хъущтэп (ГущыІэжъхэу 6:16—19; Колоссэ 3:9, 10). Сыд щыщырэ удэзыхьых джэгукІэхэр нейпсыеныгъэ фыриІэу уашІы. Джащ пае Хьисэ игъогу рыкІохэрэр джэгухэрэп сыд фэдэ дэзыхьых джэгукІи: лотерей, бинго, шыгъачъэ (Ефес 5:3—5). Хьисэ игъогу рыкІохэрэр тыгъохэрэп. Ахэмэ тыгъугъэхэри ашІэзэ къащэфырэп, мыупчІэу зыгорэм иер къаштэрэп (2 Мусэ 20:15; Ефес 4:28). 4. Пхъэшэныгъэ лъэш, жъалымыгъ. Пфэмыубытыжь губжым жъалымыгъэм унигъэсын ылъэкІыщт (1 Мусэ 4:5—8). Жъалымыгъэ зезыхьарэ цІыфыр Тхьэм ныбджьэгъу фэхъун ылъэкІыщтэп (Сэбур 11:5; ГущыІэжъхэу 22:24, 25). ЛъэшІэжьыр е ем екІэ упэуцужьыныр тэрэзэп (ГущыІэжъхэу 24:29; Рим 12:17—21). 5. Ушхъухьаныгъэр, джэнчдзыныр. ЦІыф заулэмэ узыхэр агъэхъужьын щыгугъэу духхэм якъарыур агъэфедэх. НэмыкІхэм япыйхэр сымэджэнхэу е лІэнхэу аушхъухьых. А Іоф пстэуми лъэкІыр къязытырэр Шэйтаныр ары. Джащ пае Хьисэ игъогу рыкІохэрэр афэдэ Іофхэм ахэлажьэ хъухэщтэп (5 Мусэ 18:9—13). Анахь дэгъоу ушхъухьаным ущызыухъумэщтыр — Иеговэ гъунэгъоу убгъодэтмэ (ГущыІэжъхэу 18:І0). 6. Ешъоныр. Зыпари мыхъун хэлъэп санэ, пивэ е нэмыкІ шъонхэр тІэкІу уяшъомэ (Сэбур 104:15; 1 Тимофей 5:23). Ау бэ уешъоныр ыкІи ешъуакІоу ухъуныр ТхьэмкІэ тэрэзэп (1 Коринф 5:11—13; 1 Тимофей 3:8). Зыгъэуташъорэ шъонхэм бащэ уяшъо хъумэ, уипсауныгъэ изэрар къекІыщт ыкІи уиунагъо ыгъэкІодын ылъэкІыщт. Ащ нэмыкІэу, цІыфэу зиакъыл ымышІэжьэу ешъуагъэм дэзыхьыхын Іофхэм ахэфэн ылъэкІыщт (ГущыІэжъхэу 23:20, 21, 29—35). 7. ЦІыфхэр, Тхьэм ылъэгъу мыхъурэ Іоф дейхэр зышІэхэрэр, «Тхьэм и ТетыгъошхокІэ Іахьэ къалъысыщтэп» (Галатие 5:19—21). Тхьэр шІу плъэгъоу ущытмэ ыкІи иунашъохэр бгъэцэкІэнэу уфаемэ, а Іоф дэйхэр чІэбдзын плъэкІыщт (1 Иуан 5:3). Тхьэм имыкІасэ Іоф дэйхэр плъэгъу мыхъоу зегъас (Рим 12:9). Тхьэм ыгу рихьырэ зекІуакІэхэр зыхэлъ цІыфхэм гъусэ зафэшІ (ГущыІэжъхэу 13:20). КъыбдэІэпыІэн зылъэкІыщтхэр духовнэ икъугъэу Хьисэ игъогу тетхэр ары (Якъубэ 5:14). Пстэуми анахьыбэу Тхьэм идэІэпыІэныгъэм щыгугъу уелъэІу хъумэ (Филиппи 4:6, 7, 13). |
||
2008-рэ илъэсым къыдагъэкIыгъ |
 |
Copyright © 2009 Watch Tower Bible and Tract Society of Pennsylvania. All rights reserved. |
|
