 |
Beliefs | Future | Medical | Topics | Contact Us | Publications | Languages |
| Сыда тэ Тхьэм къытфигъэуцурэр? | Я 9-рэ урок  |
Тхьэм фэлажьэхэрэр къабзэу щытын фаех |
|
 |
Сыд пае зэкІэмкІи къэбзэныгъэ тхэлъын фая? (1) |
|
Сыд къикІырэр къабзэу ущытыныр духовнэ? (2) шІыкІэ-зекІуакІэхэмкІэ (3) гупшысэхэмкІэ (4) физическэ? (5) |
|
Сыд фэдэ гущыІэ мыкъабзэ зыщыбгъэзыен фаер? (6) |
1. Тхьэр Иеговэ — къабзэ ыкІи шыихъэу щыт. Ар зыфаер ежь фэлажьэхэрэр духовнэ, шІыкІэ-зекІуакІэхэмкІэ, физическэ, гупшысэхэмкІэ къэбзэнхэу ары (1 Петрэ 1:16). Тэ Тхьэм ыпашъхьа тыщыкъэбзэнэу тыфаемэ, тилъэкІ етхьылІэн фаеу щыт. Джы тызщыпсэурэ дунаер къабзэп. ЫкІи шэн мыхъунэу тхэлъхэм зыдэтымгъэхьыхэу тапэуцун фае. Тэ тыкъызэкІакІо хъущтэп. 
2. Духовнэ кэбзагъэ. Тэ Иеговэ тыфэлэжьэнэу тыфаемэ, дгъэцакІэ хъущтэп дин нэпцІым зыфыригъаджэхэмрэ ыкІи ихабзэхэмрэ. Тэ тыкъыхэкІын фай дин нэпцІым ыкІи ар сыдыкІи дедгъаштэ хъущтэп (2 Коринф 6:14—18; Іофхэу 18:4). Тхьэм ишъыпкъагъэ къэтшІагъэ хъугъэшъ, пцІым езыгъаджэрэ цІыфыхэм зябгъэгъэгъуащэ хъущтэп (2 Иуан 10, 11). 3. ШІыкІэ-зекІуакІэ къэбзагъэ. Иеговэ фай ежь фэлажьэрэ цІыфхэр сыдигъоми Хьисэ игъогу шъыпкъэу рыкІохэрэм фэдэу щытынхэу. Тхьэм тшІэрэ пстэури, шъэф Іофхэри елъэгъух (Еврей 4:13). Тэ зыщыддзыен фае зинэшІэным ыкІи мы дунаем Іоф мыхъунэу щыхъухэрэм (1 Коринф 6:9—11). 4. Гупшысэ къэбзагъэ. Тшъхьа гупшысэ къабзэхэр илъмэ, тизекІуакІи къэбзэщт. (Филиппи 4:8). Ау тигупшысэхэ мыкъабзэ хъумэ, ащ къыхэкІэу тизекІуакІи къэбзэщтэп (Маттэ 15:18—20). Тэ зэщтегъэу бзэджагъэхэм зыщыдгъэзыен фае, ахэр тигупшысэхэм язэрар къемыкІынэу. Тхьэм и ГущыІэхэр зэдгъашІэмэ, тшъхьа гупшысэ къабзэхэр илъ зэпытыщт. 5. Физическэ къэбзагъэ. Тхьэм илІыкІоу зэрэщытхэм пае, Хьисэ игъогу къырыкІохэрэр акІышъуи, ящыгъынхэри къабзэу аІыгъын фаех. Псыунэм укъикІыжьымэ пІэ птхьэкІын фае, ушхэным е упщэрыхьаным ыпэкІи джаущтэу пшІын фае. Унэу узэрысым канализацие имыІэмэ, шІоихэр чІэптІэн фае (5 Мусэ 23:12, 13). Къабзэу ущытымэ нахь псэуныгъэ пытэ уиІэщт. Хьисэ игъогу рыкІохэрэм яунэ кІоцІи, яунэ кІыби къабзэ-лъабзэу аІыгъын фае. Ар къэбзэныгъэмкІэ къыхэщэу щытын фае. 6. Жэбзэ къабзэ. Тхьэм фэлажьэхэрэр сыдигъокІи шъыпкъэр аІон фае. ПцІыусхэр Тхьэм и Пачъыхьэгъур алъэгъущтэп (Ефес 4:25; Іофхэу 21:8). Хьисэ игъогу рыкІохэрэр гущыІэ мыхъунхэр къаІохэрэп. Ахэр ядэІурэп ыкІи къаІотэжьырэп емыкІу зыхэлъ къэбархэр. ЯгущыІэ къабзэмкІэ цІыфхэм ахэр къахэщы ялэжьапІэм, еджапІэм ыкІи чІыпІэу зыщыпсэухэрэм (Ефес 4:29, 31; 5:3).
|
2008-рэ илъэсым къыдагъэкIыгъ |
 |
Copyright © 2009 Watch Tower Bible and Tract Society of Pennsylvania. All rights reserved. |
|
